ຂ່າວເດັ່ນ

foodpanda ຟູດແພນດ້າ ເປີດໃຫ້ບໍລິການໃນລາວແລ້ວ, ພ້ອມສົ່ງອາຫານແຊບໆເຖິງທີ່ທຸກມື້ ດ້ວຍສີບົວສົດໃສໂດດເດັ່ນສະດຸດຕາ


ນະຄອນຫຼວງວຽງຈັນ, ລາວ, 22 ພະຈິກ 2019 - ຟູດແພນດ້າ (foodpanda), ຜູ້ໃຫ້ບໍລິການລະດັບສາກົນໃນການຈັດ ສົ່ງອາຫານຕາມຄວາມຕ້ອງ, ເປີດໂຕຢ່າງເປັນທາງການແລ້ວໃນລາວ

ມີກຽດເຂົ້າຮ່ວມງານໂດຍທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງໄປສະນີ ໂທລະຄົມມະນາຄົມ ແລະ ການສື່ສານ 

ໂດຍເລີ່ມທຳອິດຢູ່ນະຄອນຫຼວງວຽງຈັນ ເພື່ອເປີດໂລກແຫ່ງ ລົດຊາດອາຫານທີ່ໜ້າລິ້ມລອງໃຫ້ແກ່ຊາວນະຄອນຫຼວງວຽງຈັນ ເຊິ່ງພະນັກງານຂັບລົດທີ່ມາໃນໂທນສີບົວຂອງຟູດແພນດ້າພ້ອມ ແລ້ວທີ່ຈະນຳເອົາອາຫານສົ່ງກົງຈາກ 300 ກວ່າຮ້ານສູ່ເຮືອນຂອງລູກຄ້າ.

ທ່ານ ເຈຄັອບ ເຊບັດສະຕຽນ ແອັງເຈເລ, ປະທານຜູ້ບໍລິຫານຟູດແພນດ້າປະຈຳພາກພື້ນອາຊີ-ປາຊີຟິກ ກ່າວວ່າ “ຟູດແພນດ້າ ແມ່ນຊ່ອງທາງໃຫ້ບໍລິການຊ່ອງທາງໜຶ່ງທີ່ເປັນມິດຕໍ່ຜູ້ໃຊ້ງານ ທີ່ຊ່ວຍໃຫ້ລູກຄ້າສາມາດເພີດເພີນໄປກັບການຮັບປະທານອາຫານ ໄດ້ຢ່າງງ່າຍດາຍບໍ່ວ່າພວກເຂົາຈະຢູ່ໃສກໍ່ຕາມ”. “ພວກເຮົາຮູ້ສຶກຕື່ນເຕັ້ນຫຼາຍທີ່ໄດ້ນຳເອົາປະສົບການແບບຟູດແພນດ້າມາສູ່ລາວ ແລະ ພວກເຮົາຈະພະຍາຍາມຢ່າງເຕັມທີ່ເພື່ອຊອກຫາເມນູອາຫານທີ່ແຊບທີ່ສຸດມາໃຫ້ແກ່ລູກຄ້າຂອງພວກເຮົາ.”



ປັດຈຸບັນຊາວນະຄອນຫຼວງວຽງຈັນສາມາດສັ່ງອາຫານຫຼາກຫຼາຍເມນູໃຫ້ມາສົ່ງກົງເຖິງເຮືອນ, ຫ້ອງການ ຫຼຶ ແມ້ແຕ່ສະຖານທີ່ ນອກເຮືອນຕ່າງໆ ເພື່ອເອົາມາແບ່ງຮັບປະທານນຳກັນກັບໝູ່ເພື່ອນ ແລະ ຄອບຄົວ ຫຼື ເພີດເພີນໄປຄົນດຽວກໍ່ໄດ້  ເຊິ່ງເພີ່ມຄວາມສະດວກ ສະບາຍໃຫ້ແກ່ລູກຄ້າໃນການເຂົ້າເຖິງອາຫານລົດຊາດແຊບໄດ້ທຸກບ່ອນທຸກເວລາ. ດ້ວຍວິໄສທັດທີ່ຢາກຈະຈັດສົ່ງອາຫານທີ່ແຊບ ໄປທົ່ວພາກພື້ນອາຊີ-ປາຊີຟິກ, ລາວເປັນປະເທດທີເກົ້າທີ່ເຂົ້າມາເປັນສ່ວນໜຶ່ງຂອງຄອບຄົວຟູດແພນດ້າ ເຊິ່ງບໍລິສັດມີຈຸດປະສົງ ຢາກໃຫ້ບໍລິການທັງຮ້ານອາຫານ ແລະ ລູກຄ້າພາຍໃນເຂດນະຄອນຫຼວງວຽງຈັນ ໃຫ້ມີຊ່ອງທາງໃໝ່ໆເພື່ອຂາຍອາຫານ ແລະ ເພີດເພີນໄປກັບການຮັບປະທານອາຫານທີ່ແຊບບໍ່ວ່າພວກເຂົາຈະຢູ່ໃສກໍ່ຕາມ.



ທ່ານ ນາງ ທັນຍາລັດ ຈະເລີນສຸກ, ຜູ້ອຳນວຍການຟູດແພນດ້າລາວ ກ່າວວ່າ “ຟູດແພນດ້າຕ້ອງການທີ່ຈະປ່ຽນມຸມມອງ ແລະ ປະສົບການຂອງຜູ້ຄົນຕໍ່ການຈັດສົ່ງອາຫານ ໂດຍການເອົາໃຈໃສ່ຢ່າງມີປະສິດທິພາບຕໍ່ລູກຄ້າທີ່ຕ້ອງການຮັບອາຫານທີ່ຍັງສົດ ແລະ ອຸ່ນຢູ່. ບໍ່ວ່າລູກຄ້າຢາກຈະຮັບປະທານອາຫານເມນູໃດກໍ່ຕາມ, ພວກເຮົາຢາກຈະຊ່ວຍຕອບສະໜອງຄວາມຕ້ອງການຂອງລູກຄ້າ ພວກເຮົາໄປເລື້ອຍໆ”



ຟູດແພນດ້າ ແມ່ນການບໍລິການສັ່ງ ແລະ ຈັດສົ່ງອາຫານທີ່ງ່າຍດາຍຜ່ານທາງແອັບເທິງມືຖືທັງໃນລະບົບປະຕິບັດການ iOS ແລະ Android ທີ່ໃຫ້ບໍລິການແອັບ ແລະ ເວັບໄຊ ຊ່ວຍໃຫ້ລູກຄ້າສາມາດຄົ້ນເບິ່ງຮ້ານອາຫານໃນເຄືອຂ່າຍທຸລະກິດໃຫຍ່ໆ ລວມທັງ ຮ້ານອາຫານໃນທ້ອງຖິ່ນທີ່ເປັນທີ່ນິຍົມຫຼາກຫຼາຍຮ້ານ ເພື່ອຊອກຫາເມນູອາຫານທີ່ເປັນເລີດດ້ວຍຄວາມສະດວກສະບາຍທີ່ສຸດ. ດ້ວຍຄວາມສາມາດໃນການຕິດຕາມເມນູອາຫານທີ່ສັ່ງ, ການຄົ້ນຫາຕົວເລືອກຮ້ານອາຫານໃໝ່ໆ ແລະ ການຊອກຫາຂໍ້ສະເໜີ ພິເສດຕ່າງໆທີ່ຕ້ອງການ - ຟູດແພນດ້າ ຊ່ວຍເຮັດໃຫ້ການຈັດສົ່ງອາຫານງ່າຍດາຍຂື້ນໃນທຸກຂັ້ນຕອນ ເພາະບໍລິສັດຮູ້ວ່າມັນບໍ່ ແມ່ນພຽງແຕ່ການຮັບປະທານອາຫານເທົ່ານັ້ນ ແຕ່ມັນແມ່ນການລິ້ມລອງປະສົບການຕັ້ງແຕ່ຂັ້ນຕອນເລີ່ມຕົ້ນຈົນເຖິງຂັ້ນຕອນສຸດ ທ້າຍ. ນອກຈາກນີ້, ລູກຄ້າຍັງສາມາດຊອກຫາເມນູອາຫານທີ່ຂາຍດີທີ່ສຸດຂອງແຕ່ລະຮ້ານ ພ້ອມທັງອ່ານຄຳຕິຊົມຈາກລູກຄ້າຄົນ ອື່ນໆເພື່ອຊ່ວຍໃນການຕັດສິນໃຈ.



ປັດຈຸບັນ ຟູດແພນດ້າ ໄດ້ມີການລວບລວມເອົາຮ້ານອາຫານໄວ້ຫຼາຍກວ່າ 300 ຮ້ານພາຍໃນເຂດນະຄອນຫຼວງວຽງຈັນ, ເປີດໃຫ້ບໍລິການທຸກມື້ຕັ້ງແຕ່ເວລາ 07:00 – 23:00 ໂມງ. ເພື່ອສຳພັດປະສົບການແຫ່ງຄວາມສຸກໃນການສັ່ງອາຫານຄັ້ງທຳອິດ ຜ່ານຟູດແພນດ້າ, ສາມາດດາວໂຫຼດແອັບໄດ້ແລ້ວຕອນນີ້ ຫຼື ເຂົ້າໄປທີ່ https://www.foodpanda.la



ກ່ຽວກັບ foodpanda:
ຟູດແພນດ້າ (foodpanda) ມຸ່ງໝັ້ນທີ່ຈະນຳເອົາເມນູຍອດນິຍົມຈາກຮ້ານອາຫານໃນທ້ອງຖິ່ນໄປສູ່ຜູ້ຄົນທີ່ມັກຮັບປະທານອາ ຫານໃນທົ່ວໂລກ. ນັບແຕ່ສ້າງຕັ້ງບໍລິສັດເປັນຕົ້ນມາ, ການໃຫ້ບໍລິການຈັດສົ່ງອາຫານຕາມຄວາມຕ້ອງການ ໄດ້ຂະຫຍາຍຕົວ ຈົນມີຮ້ານອາຫານທີ່ເປັນຄູ່ຮ່ວມຫຼາຍກວ່າ 30,000 ຮ້ານ ໃນ 120 ກວ່າເມືອງຢູ່ 11 ປະເທດໃນທະວີບອາຊີ ແລະ ເອີຣົບ. ຟູດແພນດ້າ ໃຫ້ບໍລິການຢູ່ຮົງກົງ, ສິງກະໂປ, ໄທ, ມາເລເຊຍ, ປາກີສະຖານ, ໄຕ້ຫວັນ, ຟິລິບປິນ, ບັງກະລາເທດ, ລາວ, ໂຣມານີ ແລະ ບູນກາຣີ ພາຍໃຕ້ການບໍລິຫານຂອງບໍລິສັດ ເດລິເວີຣີ້ ຮີໂຣ້ (Delivery Hero) ເຊິ່ງເປັນບໍລິສັດຊັ້ນນຳລະດັບໂລກ ໃນອຸດສາຫະກຳໃຫ້ບໍລິການຈັດສົ່ງອາຫານ. ສຳລັບຂໍ້ມູນເພີ່ມຕື່ມ, ເຂົ້າໄປທີ່ foodpanda.la

ກ່ຽວກັບ Delivery Hero:
ເດລິເວີຣີ້ ຮີໂຣ້ (Delivery Hero) ແມ່ນສູນລວມໃຫ້ບໍລິການສັ່ງ ແລະ ຈັດສົ່ງອາຫານອອນໄລຊັ້ນນຳລະດັບໂລກທີ່ຄອງອັນດັບ ໜຶ່ງດ້ວຍຈຳນວນຮ້ານອາຫານ, ຜູ້ໃຊ້ບໍລິການທີ່ເປັນປົກກະຕິ ແລະ ຍອດສັ່ງອາຫານໃນຫຼາຍປະເທດຫຼາຍກວ່າບໍລິສັດຄູ່ແຂ່ງ ຢູ່ທົ່ວ 40 ປະເທດໃນເອີຣົບ, ຕາເວັນອອກກາງ & ອັບຟຼິກກາເໜືອ, ອາເມລິກາລາຕິນ ແລະ ພາກພື້ນອາຊີ-ປາຊີຟິກ. ເດລິເວີຣີ້ ຮີໂຣ້ ຍັງໃຫ້ບໍລິການຈັດສົ່ງອາຫານໃນເຂດຕົວເມືອງທີ່ມີປະຊາກອນອາໄສຢູ່ຢ່າງໜາແໜ້ນໃນ 200 ກວ່າແຫ່ງທົ່ວໂລກ, ເຊິ່ງມີສຳນັກ ງານໃຫຍ່ຕັ້ງຢູ່ນະຄອນຫຼວງແບກແລັງ ແລະ ມີພະນັກງານຫຼາຍກວ່າ 21,000 ຄົນ. ສຳລັບຂໍ້ມູນເພີ່ມຕື່ມ, ກະລຸນາເຂົ້າໄປທີ່ www.deliveryhero.com.

ວິທີການສັ່ງອາຫານ:
ດ້ວຍການບໍລິການຜ່ານທາງເວັບໄຊ ຟູດແພນດ້າ ຫຼື ແອັບໃນລະບົບປະຕິບັດການ iOS ແລະ Android, ລູກຄ້າສາມາດ ເລືອກເຂດພື້ນທີ່ ແລະ ເບິ່ງລາຍຊື່ຮ້ານອາຫານທີ່ໃຫ້ບໍລິການຢູ່ເຂດໃກ້ຄຽງເຊິ່ງໄດ້ລວບລວມໄວ້ໃຫ້ແລ້ວ. ຫຼັງຈາກລູກຄ້າເຫັນ ເມນູອາຫານທີ່ຕ້ອງການແລ້ວ, ລູກຄ້າສາມາດສັ່ງອາຫານຢ່າງສະດວກສະບາຍຢູ່ເຮືອນ ຫຼື ຫ້ອງການ. ລາຍການອາຫານທີ່ສັ່ງຈະໄດ້ຮັບການປຸງແຕ່ງຈາກທາງຮ້ານອາຫານດ້ວຍຄວາມເອົາ ໃສ່ໃຈ, ແລ້ວພະນັກງານຂັບລົດຂອງຟູດແພນດ້າຈະໄປຮັບເອົາ ແລະ ຈັດສົ່ງໂດຍກົງເຖິງທີ່.

ຕິດຕາມເຮົາໄດ້ທາງ:
Facebook: https://www.facebook.com/foodpanda.la/
Instagram: @foodpandalaos



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.