ຂ່າວເດັ່ນ

ເຈົ້າຫນ້າທີ່ ນວ ໄດ້ຈັບຕົວຜູ້ຮ້າຍທຸບແວ່ນລົດໄດ້ແລ້ວ





ເຈົ້າໜ້າ​ທີ່ ປກສ ນະຄອນຫລວງວຽງ​ຈັນ ​ໃຫ້​ຮູ້​ວ່າ: ​ເມື່ອ​ບໍ່​ດົນ​ມາ​ນີ້, ກໍາລັງ​ເຈົ້າ​ໜ້າ​ທີ່ຂອງ​ຕົນ​ໄດ້​ປະສານ​ສົມທົບ​ກັບ​ກອງ​ບັນຊາ​ການ ປກສ ​ແຂ​ວງວຽງ​ຈັນ​ ເຂົ້າຈັບ​ກຸມ​ທ້າວ ຄໍາ​ນາງ (ອຸ້ຍ) ອາຍຸ 36 ປີ​ຢູ່​ບ້ານ​ໜອງ​ທາ​ເໜືອ, ​ເມືອງ​ຈັນທະ​ບູລີ ນະຄອນຫລວງ​ວຽງ​ຈັນ ທີ່​ມາ​ລີ້​ຊ້ອນ​ຕົວຢູ່​ໃນເຮືອ​ນພັກ​ແຫ່ງ​ໜຶ່ງທີ່ເມືອງ​ໂພນ​ໂຮງ​ແຂວງ​ວຽງ​ຈັນ, ຫລັງ​ຈາກ​ຜູ້ກ່ຽວ​ໄດ້​ເຄື່ອນ​ໄຫວ​ກໍ່​ເຫດ​ທຸບ​ແວ່ນ​ລົດ​ໃຫຍ່​​​ໃນ​ນະຄ​ອນຫລວງ​ວຽງ​ຈັນ​ເພື່ອ​ລັກ​ຊັບ​ຫລາຍກວ່າ 25 ຄັ້ງ ​ແລະ ​ໄດ້​​ເອົາຊັບ​ສິນ​​ຕ່າງໆຂອງ​ເຈົ້າຂອງ​ລົດ​ໄປ​ເປັນ​ຈໍານວນ​ຫລາຍລາຍການ.

​​ໃນ​ຂະນະ​​ຈັບ​ຕົວ​ຜູ້​ກ່ຽວ ​ແລະ ກວດ​ຄົ້ນ​ຫ້ອງ​ພັກດັ່ງ​ກ່າວເຈົ້າ​ໜ້າ​ທີ່​ກວດ​ພົບອາວຸດ​ປືນ 1 ກະບອກ, ພ້ອມ​ກະ​ສູນ 38 ລູກ, ຢາ​ບ້າ 40 ກວ່າ​​ເມັດ, ​ເຄື່ອງມື​ຕັດ​ແກ້ວ, ຄ້ອນ​ຕີ, ສະ​ຫວ່ານ​ໄຟຟ້າ, ລົດຈັກ 1 ຄັນ, ​ເງິນ 100 ລ້ານ​ກີບ ​ແລະ ຄໍາ​ຮູບ​ປະພັນ​ຈໍານວນ​ໜຶ່ງ. ຜ່ານ​ການ​ສືບສວນ-ສອບ​ສວນ ຜູ້ກ່ຽວ​ໄດ້​ຮັບ​ສາລະພາບ​ວ່າ: ​ໄດ້​ເຄື່ອນ​ໄຫ​ວທຸບ​ແວ່ນ​ລົດ​ໃຫຍ່​ຕາມ​ສໍານັກ​ງານ-ອົງການ, ຮ້ານ​ອາຫານ, ຮ້ານບັນ​ເທິງ, ​ໂຮງໝໍ ​ແລະ ສະຖານ​ທີ່​ຕ່າງໆ​​​ໃນ​ຕົວ​ເມືອງ​ນັບແຕ່​ເດືອນ​ກໍລະກົດ​ເປັນ​ຕົ້ນ​ມາຫລາຍ​ກວ່າ 25 ຄັ້ງ, ​ໂດຍ​ມີ​ເປົ້າ​ໝາຍ​ເລັ່ງ​ໃສ່​ລົດ​ຍີ​ຫໍ້​ຫລູ, ປ້າຍ​ທະບຽນ​ງາມ ​ແລະ ຊ່ອງ​ເບິ່ງ​ວ່າ​ໃນ​ລົດ​ມີ​ຊັບ​ສີນ ຫລື ກະ​ເປົາ​ປະ​ໄວ້​ນໍາບໍ, ​ໂດຍ​ໃຊ້ວິທີ​ການ​ຫລາຍ​ແບບ​ຄື: ​ໃຊ້​​​ເຄື່ອງມື​ຕັດ​ແກ້ວ​ປາດ​​ແລ້ວ​ເອົາ​ຄ້ອນ​ຕີ​ທຸບ​ແວ່ນ​ໃຫ້​ແຕກ ຫລື ​ໃຊ້​ສານ​​ເຄມີ​ດຶກ​ໃສ່​ແວ່ນ​ໃຫ້​ແຕກ ​ແລະ ​ຊັບ​ສີນ​ຕ່າງໆທີ່​ໄດ້​ມາ​ແມ່ນ​ເອົາ​ໄປ​ຂາຍ.

ເຈົ້າ​ໜ້າ​ທີ່​ ໃຫ້​ຮູ້​ວ່າ: ປັດ​ຈຸ​ບັນ, ຄະ​ດີ​ລັກ​ຊັບ​ລາຍ​ນີ້ ​ເຈົ້າໜ້າ​ທີ່​ພວມ​ເລັ່ງຂະຫຍາຍ​ຜົນ​ຫາຜູ້​ຮ່ວມ​ຂະ​ບວນການ​ອີກ​ຈໍານວນ​ໜຶ່ງ​ທີ່​ຍັງ​ຫລົບໜີ ​ເພື່ອ​ຈັບ​ຕົວ​ມາ​ເນີນ​ຄະດີ​ຕາມ​ລະບຽບ​ກົດໝາຍ ​ແລະ ນັບ​ແຕ່​ເດືອນ​ກໍລະກົດມາ​ຮອດ​ເດື​ອນພະຈິກ​ນີ້ ​ໄດ້ມີ​ເຫດການ​ທຸບ​ແວ່ນ​ລົດ​ໃຫຍ່​ໃນ​ຕົວ​ເມືອງ​ເກີດ​ຂຶ້ນ 47 ຄັ້ງ, ມີ​ຊັບ​ສີນ​ເສຍຫາຍ​ຄື: ປືນ​ສັ້ນ 5 ກະບອກ, ພ້ອມ​ກະ​ສູນ​ຈໍານວນ​ໜຶ່ງ, ​ເງິນ 75 ລ້ານ​ກວ່າ​ກີບ, 56.000 ກວ່າ​ບາດ​ (ສະກຸນ​ເງິນ​ໄທ), 13.000 ກວ່າ​ໂດ​ລາ​ສະຫະລັດ, ຄໍາ​ຮູບ​ປະພັນ​ໜັກ 10 ບາດ, ​ໂນ​ດບຸກ 12 ໜ່ວຍ, ​ໂທລະສັບມື​ຖື 12 ໜ່ວຍ ​ແລະ ​ເອກະສານ​ອື່ນໆອີກ. ດັ່ງ​ນັ້ນ ຈຶ່ງ​ຮຽກຮ້ອງ​ມາຍັງ​ເຈົ້າ​ຂອງ​ລົດ​ໃຫ້​​​ເພີ່ມສະຕິ​ໃນ​ການ​ຮັກສາ​ຊັບ​ສີນ​ຂອງ​ຕົນ, ​ໂດຍ​ສະ​ເພາະ​ເວລາ​ຈອດ​ລົດຄວນ​ເອົາ​ຊັບ​ສີນ ຫລື ວັດ​ຖຸມີຄ່າ​ຕ່າງໆ​ໄປ​ນໍາ ​​ເພື່ອ​ບໍ່​ຕົກ​ເປັນ​ເຫຍື່ອ​ຂອງ​ຄົນ​ບໍ່​ດີ. ​





ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.