ຂ່າວເດັ່ນ

ແຂວງສະຫວັນນະເຂດເປີດຂະບວນການຜະຫຼິດລະດູແລ້ງ ເພື່ອເປັນການແຈ້ງເຕືອນໃຫ້ຊາວກະສິກອນເລີ່ມລົງມື








ໃນເດືອນພະຈິກຂອງທຸກໆ ປີນອກຈາກຈະມີວັນທີ່ສຳ ຄັນ ທາງປະຫວັດສາດແລ້ວກໍ່ ຍັງມີວັນທີ່ສຳຄັນຂອງຂະ ແໜງກະສິກຳອີກຄື: ວັນຊົນລະ ປະທານແຫ່ງຊາດ ວັນທີ 3 ພະຈິກ, ວັນສັກຢາກັນພະຍາດ ສັດແຫ່ງຊາດ ວັນທີ 11 ພະຈິກ ແລະວັນເປີດລະດູການຜະຫຼດ ລະດູແລ້ງ ທີ 15 ພະຈິກ. ເຊິ່ງໃນວັນທີ 15 ພະຈິກ2019 ນີ້ແຂວງສະຫວັນນະເຂດ ກໍ່ໄດ້ ຈັດພິທີເປີດງານດັ່ງກ່າວຂຶ້ນ ທີ່ໂຄງການຊົນລະປະທານກຸດ ຕາປໍ ບ້ານໂພນທັນ ເມືອງໄຊ ພູທອງ. ໂດຍການເຂົ້າຮ່ວມ ຂອງທ່ານ ຈັນທະບູນ ສອນທະວີ ຮອງຫົວໜ້າກົມຊົນລະປະທານ ກະຊວງກະສິກຳ ແລະປ່າໄມ້, ທ່ານ ບຸນເລດ ຈັນທອງທິບ ຮັກ ສາການຫົວໜ້າພະແນກກະສິ ກຳ ແລະປ່າໄມ້ແຂວງ, ທ່ານ ຮ່ວນ ຮັງບົວສອນ ຮອງເຈົ້າ ເມືອງໄຊພູທອງ, ພ້ອມບັນ ດາຂະແໜງການຕ່າງໆຂອງ ພະແນກ, ມີອຳນາດການປົກ ຄອງ ແລະຊາວນາເຂດດັ່ງ ກ່າວ.
ທ່ານຫົວໜ້າຫ້ອງການ ກະສິກຳ-ປ່າໄມ້ເມືອງໄຊພູ ທອງກ່າວວ່າ: ການເປີດພິທີ ຄັ້ງນີ້ມີຈຸດປະສົງ ເນັ້ນໃສ່ການ ຜັນຂະຫຍາຍແລະຈັດຕັ້ງປະ ຕິບັດກົດໝາຍວ່າດ້ວຍຊົນລະ ປະທານ, ເຊິ່ງໄດ້ກຳນົດເອົາວັນ ທີ 3 ພະຈິກຂອງທຸກໆປີເປັນວັນ ຊົນລະປະທານແຫ່ງຊາດ ແລະ ເປີດການຜະລິດລະດູແລ້ງປີ 2019 ເຊິ່ງໄດ້ກໍານົດເອົາວັນທີ 15 ພະຈິກເປັນມື້ລົງມືຕົກກ້າ ນາແຊງ. ທັງນີ້ກໍ່ເພຶ່ອແນໃສ່ຂະ ຫຍາຍເນື້ອທີ່ຮັບນ້ຳຊົນລະປະ ທານຮັບປະກັນທັງປະລິມານ ແລະຄຸນະພາບຕາມຕົວເລກຄາດ ໝາຍ ສູ້ຊົນທີ່ແຂວງໄດ້ຮັບຮອງ ແມ່ນຈະປັກດຳນາແຊງໃຫ້ໄດ້ 30.000 ເຮັກຕາ ແລະປູກພືດ ຊະນິດຕ່າງໆ, ໃນນັ້ນຄາດໝາຍ ສູ້ຊົນຂອງເມືອງໄຊພູທອງ ແມ່ນ 200 ເຮັກຕາ, ດ້ານໜຶ່ງອີກ ແມ່ນແນໃສ່ສົ່ງເສີມການຜະລິດລະດູແລ້ງ ແລະເປັນການສ້າງ ຈິດສຳນຶກໃຫ້ຊາວກະສິກອນ ໄດ້ມີແນວຄິດໃນການຄຸ້ມ ຄອງນຳໃຊ້ຊົນລະປະທານໃຫ້ ເປັນປົກກະຕິ ແລະຍາວນານ.
ໃນການກ່າວຄຳເຫັນຂອງ ທ່ານ ບຸນເລດ ຈັນທອງທິບ ກ່າວວ່າ: ນໍ້າແມ່ນປັດໄຈທີ່ສຳ ຄັນທີ່ສຸດ ສຳລັບການຜະລິດກະ ສິກຳທັງການປູກ ແລະການ ລ້ຽງ, ສະນັ້ນພັກ ແລະລັດຖະ ບານຈຶ່ງໄດ້ທຸ້ມເທທຶນຮອນອັນ ມະຫາສານເຂົ້າໃນການກໍ່ສ້າງ ລະບົບຊົນລະປະທານ ເພື່ອສ້າງ ເງື່ອນໄຂອຳນວຍຄວາມສະ ດວກໃຫ້ຊາວນາໄດ້ທຳການ ຜະລິດ, ແຕ່ກໍ່ຍັງມີບາງ ເຂດ, ຊົນລະປະທານບາງແຫ່ງມີ ຄວາມສາມາດຕອບສະໜອງ ນໍ້າໃຫ້ແກ່ການຜະລິດ 700 ຫາ 800 ເຮັກຕາ, ແຕ່ການຊົມ ໃຊ້ທຳການຜະລິດຂອງຊາວ ນາບໍ່ເຕັມຄວາມສາມາດຜະ ລິດພຽງແຕ່ 20 ຫາ 30 ເຮັກ ຕາ, ຈາກນັ້ນທ່ານໄດ້ເນັ້ນໜັກ ໃນການປົກປັກຮັກສາ ເພື່ອ ໃຫ້ນຳໃຊ້ໄດ້ຍາວນານ, ເຊິ່ງ ຕ້ອງໄດ້ມີການຈັດຕັ້ງກັນປົກ ປັກຮັກສາອະນາໄມໃຫ້ ນ້ຳໄຫຼ ສະດວກ, ປະຕູນ້ຳຕາມຄອງ ເໝືອງທຸກຈຸດບໍ່ໃຫ້ອຸດຕັນ, ມີ ການວາງແຜນການຜະລິດ, ການແຈກຢາຍນ້ຳໃຫ້ສອດ ຄ່ອງເໝາະສົມ. ອັນສຳຄັນກໍ່ ແມ່ນຄວາມຮັບຜິດຊອບ ແລະ ການຮ່ວມມືຈາກອຳນາດການ ປົກຄອງແຕ່ລະຂັ້ນ, ຕະຫຼອດ ຮອດຊາວກະສິກອນຕ້ອງໄດ້ ເປັນເຈົ້າການແກ້ໄຂບັນຫາທີ່ ເກີດຂຶ້ນ, ໂດຍສະເພາະຕ້ອງໄດ້ ທຳການຜະລິດໃຫ້ຫຼາຍ,ຫັນ ຈາກການຜະຫຼິດແບບຄອງ ເດີມໄປສູ່ການຜະລິດແບບນຳ ໃຊ້ເຕັກນິກໄໝ່ທັນສະໄໝປະ ຢັດຕົ້ນທຶນແຕ່ໄດ້ຜົນຜະລິດສູງ.
ຈາກນັ້ນກໍ່ໄດ້ຮ່ວມກັນລັ່ນ ຄ້ອງ ແລະຕັດແຖບຜ້າເປີດລະ ດູການຜະຫຼິດຢ່າງເປັນທາງ ການ, ພ້ອມທັງເບິ່ງການສາທິດ ການເຮັດນາເຕັກນິກໃໝ່ແບບ ຢອດປຽກ, ແບບນາຫວ່ານ, ໄຖຖົມເຟືອງພາຍຫຼັງເກັບກ່ຽວ ເພື່ອໃຫ້ມີການຍ່ອຍສະຫຼາຍ ກາຍເປັນຝຸ່ນໃນລະດູການຜະ ລິດຕໍ່ໄປ, ໃນງານຍັງມີການ ສັກຢາປ້ອງກັນພະຍາດສັດ ຕື່ມອີກ./.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.