ຂ່າວເດັ່ນ

ລະວັງ !!!!! ພວກມິດສາຊີບຫລອກໂທຫາ ຫລື ສົ່ງຫາທາງວັອບແອັບອ້າງຂໍເງິນບໍລິຈາກໂລງສົບໃຫ້ຄົນຕາຍ



ມີຄົນໃຊ້ເຟສດບຸກຊື່ວ່າ: Yee Phetpakay Xaypanya ໄດ້ໂພສດ ກ່ຽວກັບເຫດການທີ່ເກີດຂຶ້ນກັບໂຕເອງວ່າ

((ຂໍຖາມຫມູ່ເພື່ຶອນໃນເຟສ ໃຜເຄີຍເຈີຄືຂ້ອຍແນ່
ຂ້ອຍຄາໃຈມາດົນວ່າຂ້ອຍເຮັດບຸນ ຫລືຖືກຕວະ... ເພາະມີເບີທີ່ບໍ່ຮູ້ຈັກໂທມາເບີຂ້ອຍແລະເບີຜົວ ເພີ່ນບອກວ່າເປັນຄູບາ ຢູ່ວັດ1ເຂດເມືອງເຟືອງ ສົ່ງມາຂໍປັດໃຈບໍລິຈາກໂລງສົບແລະມ້ຽນຄາບອາບສົບໃຫ້ແກ່ສົບທຸກຍາກ ເພີ່ນສົ່ງຮູບຜູ້ຕາຍມາທາງວ໊ອດແອັບ ແລະບອກລາຍລະອຽດ ພ້ອມເລກບັນຊີ (ແປກທີ່ຮູ້ຈັກທັງເບີຜົວ ເບີເມຍ) ກະຄິດງົງໃນໃຈບໍຮູ້ວ່າເພີ່ນເອົາເບີຂ້ອຍມາແຕ່ໃສ ໂທມາໃນລັກສະນະຄືດູດວງ ແລະທັກທ້ວງ ຕອນນັ້ນກະຄິດວ່າເພີ່ນຄືຊິເປັນຄູບາແທ້ເພາະລັກສະນະການເວົ້າຈາ ຄຳເວົ້າຄຳວ່າກະຄືຜູ້ມີສິນທຳ ແຕ່ໃນໃຈກະຄິດຢູ່ວ່າຊິຖືກມິດສາຊີບຕວະບໍ່ເພາະເຮົາບໍ່ຮູ້ຈັກເພີ່ນເລີຍ ແຕ່ເຫັນຮູບແລ້ວກະຢາກເຮັດບຸນກະເລີຍໂອນເງີນໃຫ້ 1000.000ກີບ ໂອນແລ້ວເພີ່ນກະສົ່ງຮູບມາຕາມຂັ້ນຕອນການຊື້ໂລງສົບ ການເຮັດພິທີຕ່າງໆ ເບີ່ງຈັ່ງຫນື່ງຄືຮູບແຕ່ດົນລະເປັນການສົ່ງມາຕວະເຮົາຊື່ໆ ແຕ່ຂ້ອຍກະບໍຄິດຫລາຍຖືວ່າເຮັດບຸນ... ນັບແຕ່ນັ້ນຮູ້ສຶກວ່າເບີນັ້ນບໍ່ເປີດໃຊ້ອີກເລີຍ ຄືຈັ່ງວ່າຕວະເຮົາໂອນເງີນໃຫ້ລະເຊົາໃຊ້ເລີຍ..
ແລະກະຍັງມີເບີອື່ນອ້າງວ່າເປັນຄູບາ ສົ່ງມາໃຫ້ຕະຫລອດ ບາງທີ່ກະເປັນສົບຂອງຄູບາ ສົບຜູ້ເຖົ່າຜູ້ແກ່ ສົບໄລ້ຍາດ ສົ່ງມາຂໍແຜ່ປັດໃຈຕະຫລອດ ສາທຸ ຖ້າຫາກວ່າແມ່ນແທ້ ຜູ້ຂ້າຂໍຍໍມືໃສ່ຫົວ🙏🙏🙏... ແຕ່ມັນກະເປັນຕາງົງອີ່ຫລີ ຄືຊຸດນີ້ກະວ່າເປັນອາຈານຢູ່ຈຳປາສັກ ທີ່ສົ່ງມາຂໍແຜ່ປັດໃຈ  ))




ຕອນນີ້ ກຳລັງມີພວກມິດສາຊີບ ຫາກິນແບບຫລອກລວງ ເອົາຄວາມຮູ້ດ້ານສິນດ້ານທຳມາອ້າງເພື່ອລໍ້ລວງ ເງິນຄຳຈາກປະຊາຊົນ
ຖ້າມີໃຜທີ່ເຮົາບໍ່ຮູ້ຈັກ ສົ່ງມາຫາ ຫລື ໂທມາຂໍເງິນບໍລິຈາກ ກໍ່ຂໍໃຫ້ມີສະຕິໃຫ້ຫລາຍຂຶ້ນ ແລະ ທາງທີ່ດີໃຫ້ບອກຕິດຕໍ່ພົວພັນຫາ ມູນນິທິດີກວ່າ  ຄື 1623  , 1624 , ຫລື ອົງການກາແດງ ເພາະຈະເປັນແນວທາງຊ່ວຍເຫລືອທີ່ປອດໄພກວ່າ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.