ຂ່າວເດັ່ນ

ແຈ່ວບ່ອງແຊບໆ ມີໃຜມັກແນ່ ??? ມາຮູ້ວິທີເຮັດແຈ່ວບ່ອງເດີ້ມື້ນີ້ນະ





ແຈ່ວບອງ ຫຼວງພະບາງ ແຈ່ວບອງ ເປັນອາຫານພິ້ນເມືອງຂອງຄົນລາວເຮົາມາແຕ່ດົນນານ ເປັນສັນຍາລັກຂອງຊາວນະຄອນຫຼວງພະບາງ, ດ້ວຍລົດຊາດອັນເປັນເອກະລັກ ແລະ ແຊບຊ້ອຍຈຶ່ງໄດ້ຖືກເຜີຍແຜ່ໄປທົ່ວປະເທດລາວ ຊຶ່ງແຕ່ລະແຂວງກໍ່ໄດ້ມີວິທີວັດຖຸດິບ ແລະ ວິທີການປຸງແຕ່ງທີ່ອາດແຕກຕ່າງກັນພຽງເລັກນ້ອຍ ມື້ນີ້ແອດມິນຈະມານຳສະເໜີວິທີການເຮັດແຈ່ວບອງແຊບໆແບບສະບັບແຂວງຫຼວງພະບາງ. 

ວັດຖຸດິບໃນການປຸ່ງແຕ່ງ: 
- ໜັງແຫ້ງ 
- ໝາກເພັດໃຫຍ່ແຫ້ງ 
- ຫົວຂີງ 
- ຫົວຂ່າ 
- ຫົວຜັກບົ່ວແຫ້ງ 
- ຫົວຜັກທຽມແຫ້ງ 
- ເກືອ, ແປ້ງນົວ, ນ້ຳຕານ 
- ນ້ຳມັນພຶດ 

ວິທິການປຸງແຕ່ງ: 
- ເອົາໜັງແຫ້ງໄປໄປຈີ່ໃຫ້ສຸກ, ຈາກນັ້ນ ທຸບ ແລະ ຊອຍໃຫ້ເປັນຕ່ອນນ້ອຍໆ ແລ້ວນຳໄປແຊ່ນ້ຳເພື່ອໃຫ້ໜັງອ່ອນ. 
- ເອົາຫົວຂ່າ, ຫົວຂີງ, ຫົວຜັກທຽມແຫ້ງ, ຫົວຜັກບົ່ວແຫ້ງມາປອກ ແລ້ວລ້າງດ້ວຍນ້ຳໃຫ້ສະອາດ ແລ້ວນຳມາຈຶນດ້ວຍນ້ຳມັນພືດເປີດໄຟອ່ອນໆ ພໍເປັນສີເຫຼືອງ. ແລ້ວນຳມາຕຳລວມກັນໃຫ້ມຸ່ນ. 
- ນຳເອົາໝາກເພັດໃຫຍ່ແຫ້ງທີ່ເຮົາກຽມໄວ້ ມາແກະເອົາແຕ່ກາບໄປແຊ່ນ້ຳອຸ່ນປະມານ 1 ຊົ່ວໂມງ ແລ້ວຕຳໃຫ້ມຸ່ນ. ຈາກນັ້ນເອົາມາຂົ້ວປະສົມກັບໜັງອ່ອນ ແລະ ເຄື່ອງປະສົມທີ່ຕຳໄວ້. ປຸງລົດຊາດດ້ວຍ ເກືອ, ແປ້ງນົວ, ນ້ຳຕານ. ພຽງເທົ່ານີ້ເຮົາກໍ່ມີແຈ່ວບອງແຊບໆໄວ້ກິນຕະຫຼອດປີແລ້ວ. ວິທີການເກັບຮັກສາ: ບັນຈຸແຈ່ວບອງລົງໃນກວດແກ້ວ ຫຼື ກະປຸກ ເກັບໄວ້ໃຫ້ຫ່າງຈາກແສງແດດ ແລະ ອຸນຫະພູມທີ່ສູງເກີນໄປ ສາມາດເກັບໄວ້ໄດ້ດົນປະມານ 4-5 ເດືອນ.


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.