ຂ່າວເດັ່ນ

ເຈົ້າແຂວງໆສາລະວັນ ລົງເຄື່ອນໄຫວຕິດຕາມ ແລະ ຊຸກຍູ້ການພັດທະນາແຫຼ່ງທ່ອງທ່ຽວອຸທິຍານພູຜາສຸກ








ໃນທ້າຍອາທິດຜ່ານມານີ້ ທ່ານ ສີສຸວັນ ວົງຈອມສີ ເຈົ້າແຂວງໆສາລະວັນ ພ້ອມຄະນະ, ພະແນກການຕ່າງໆທີ່ກ່ຽວຂ້ອງ ໄດ້ເຄື່ອນໄຫວຕິດຕາມ ແລະ ຊຸກຍູ້ການກໍ່ສ້າງບັນດາໂຄງການຕ່າງໆ ຢູ່ທີ່ແຫຼ່ງທ່ອງທ່ຽວອຸທິຍານພູຜາສຸກ ເປັນຕົ້ນ: ເສັ້ນທາງເຂົ້າແຫຼ່ງທ່ອງທ່ຽວ, ການກໍ່ສ້າງຈຸດຊົມວິວຕ່າງໆ ແລະ ການສ້າງສິ່ງອຳນວຍຄວາມສະດວກພາຍໃນຖ້ຳ ແລະ ອື່ນໆ.
ທ່ານເຈົ້າແຂວງ ກໍ່ໄດ້ຕິດຕາມເບິ່ງການກໍ່ສ້າງຈຸດຊົມວິວທີ່ກຳລັງຂຸ້ນຂ້ຽວກໍ່ສ້າງຢ່າງຮີບດ່ວນ, ຍ່າງເລາະຖໍ້າຕິດຕາມເບິ່ງສະພາບຕົວຈິງ ເພື່ອສ້າງສິ່ງອຳນວຍຄວາມສະດວກໃຫ້ກັບນັກທ່ອງທ່ຽວທີ່ເຂົ້າມາທ່ຽວຊົມໄດ້ຢ່າງສະດວກສະບາຍ, ພ້ອມດຽວກັນນີ້ທ່ານເຈົ້າແຂວງ ຍັງໄດ້ເນັ້ນໃຫ້ພະແນກກການທີ່ກ່ຽວຂ້ອງ ເຕົ້າໂຮມກັນເອົາກຳລັງຊາວໜຸ່ມຂອງພະແນກການອ້ອມຂ້າງແຂວງ ມາສ້າງຂະບວນການອອກແຮງງານຢູ່ອຸທິຍານພູຜາສຸກ, ສ້າງຂົວຂ້າມນໍ້າໂດຍໃຊ້ແຜ່ນເຫຼັກ ແລະອື່ນໆ ທີ່ເໝາະສົມຕາມຈຸດທີ່ມີນໍ້າເລິກພາຍໃນຖໍ້າ, ຕິດຕັ້ງໄຟເຍືອງຈຸດຖ່າຍຮູບໃຫ້ເໝາະສົມຢູ່ພາຍໃນຖໍ້າ ແລະ ບັນຫາອື່ນໆ. ທັງນີ້ກໍ່ເພື່ອແນໃສ່ເຮັດໃຫ້ແຫຼງທ່ອງທ່ຽວອຸທິຍານພູຜາສຸກມີຄວາມສະອາດຈົບງາມ ດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມໃຫ້ນັບມື້ນັບຫຼາຍຂື້ນ ແລະ ພັດທະນາຂຶ້ນໄປເທື່ອລະກ້າວ.
ທີ່ມາ: ຫນັງສືພິມສາລະວັນ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.