ຂ່າວເດັ່ນ

ຕະຫຼອດໄລຍະ 10 ປິ ມຂ ກາຍເປັນແຫຼ່ງຜະລິດບຸກຄະລາກອນຫຼາກຫຼາຍ ສາຂາອາຊີບສຳລັບແຂວງພາກກາງຂອງປະເທດ




ເວລາຜ່ານໄປຄົບຮອບ 10 ປີພໍດີ ສຳລັບການສ້າງຕັ້ງ ມະຫາວິທະຍາໄລສະຫວັນນະ ເຂດ ເຊິ່ງເປັນມະຫາວິທະຍາ ແຫ່ງທີ 4 ຂອງ ສປປ ລາວ ເປັນສະຖາບັນການສຶກສາຊັ້ນ ສູງຂອງພາກລັດທີ່ສາມາດ ຮອງຮັບນັກສຶກສາໃນບັນດາ ແຂວງພາກກາງຂອງປະເທດ. ມະຫາວິທະຍາໄລສະຫວັນນະເຂດໄດ້ຮັບການສ້າງຕັ້ງຂຶ້ນໃນວັນທີ 12 ຕຸລາ 2009. ເພື່ອເປັນ ການຢັ້ງຢືນເຖິງຜົນສຳເລັດ ແຫ່ງການພັດທະນາສະຖາບັນ ການສຶກສາຕົນ ຕະຫຼອດໄລ ຍະ 10 ປີທີ່ຜ່ານມາ, ສະນັ້ນມາ ໃນວັນ 30 ຕຸລາ 2019 ມະຫາ ວິທະຍາໄລສະຫວັນນະເຂດໄດ້ ຈັດພິທີສະເຫຼີມສະຫຼອງວັນ ສ້າງຕັ້ງມະຫາວິທະຍາໄລສະ ຫວັນນະເຂດຂຶ້ນຢ່າງຍິ່ງ ໃຫຍ່ສົມກຽດ. ໃຫ້ກຽດເຂົ້າ ຮ່ວມໃນພິທີຄັ້ງນີ້ມີ ທ່ານ ນາງ ແສງເດືອນ ຫຼ້າຈັນທະບູນ ລັດ ຖະມົນຕີກະຊວງສຶກສາທິການ ແລະກິລາ, ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າ ແຂວງສະຫວັນນະເຂດ, ທ່ານ ປອ ສຸລິຍົງ ໄຊໂກສີ ຮັກ​ສາ​ການ ອະທິການບໍດີມະຫາວິທະຍາ ໄລສະຫວັນນະເຂດ ພ້ອມແຂກ ຖືກເຊີນເຂົ້າຮ່ວມຈຳນວນ ຫຼາຍ.



ໃນໂອກາດນີ້, ທ່ານຮສ.ປອ ສີທາ ເຂັມມະລາດ ຮອງອະທິ ການບໍດີຝ່າຍວິຊາການໄດ້ລາຍງານວ່າ: ຕະຫຼອດໄລຍະ 10 ປີ, ມຂ ໄດ້ຮັບນັກສຶກສາທັງໝົດ 8.811 ຄົນ, ຍິງ 4.636 ຄົນ ແລະສຳເລັດການສຶກສາລະດັບ ປະລິນຍາຕີໄປແລ້ວ 6 ຮຸ່ນມີຈຳ ນວນນັກສຶກສາທີ່ສຳເລັດການ ຮຽນແລ້ວອອກຮັບໃຊ້ສັງຄົມ ໃນສາຂາອາຊີບຕ່າງໆຈຳ ນວນ 5.849 ຄົນ, ຍິງ 3.233 ຄົນ. ປະຈຸບັນ ມຂ ໄດ້ບັນຈຸ ຄະນະ ວິຊາຕ່າງໆດັ່ງນີ້: ຄະນະກະ ເສດສາດ ແລະສິ່ງແວດລ້ອມ, ຄະນະບໍລິຫານທຸລະກິດ, ຄະ ນະພາສາ ແລະມະນຸດສາດ, ຄະນະເຕັກໂນໂລຊີ-ຂໍ້ມູນຂ່າວ ສານ, ຄະນະວິທະຍາສາດອາ ຫານ, ຄະນະສຶກສາສາດ, ຄະ ນະວິທະຍາສາດທຳມະຊາດ, ຄະນະວິສາວະກຳສາດ ແລະ ຫຼັກສູດປະລິນຍາຕີພັດທະນາ ຊົນນະບົດ, ຫຼັກສູດ ປະລິນຍາໂທ ພັດທະນາເສດຖະກິດຊົນນະບົດ ແລະການບໍລິຫານການສຶກ ສາ-ພັດທະນາ. ຊຶ່ງໃນສົກປີ 2018-2019 ມຂ ມີພະນັກ ງານທັງໝົດ 309 ຄົນ, ຍິງ 134 ຄົນ. ສ່ວນການພັດທະ ນາພື້ນຖານ ໂຄງລ່າງແມ່ນເລັ່ງ ໃສ່ສອງວິທະຍາເຂດຄື: ວິທະ ຍາເຂດນາ ເຊັງໃຊ້ຫ້ອງຮຽນ ຂອງໂຮງຮຽນ ມສ ຊົນເຜົ່າ ແລະພອນສະຫວັນໃນສົກປີ 2018-2019 ສຳເລັດການ ສ້າງຫ້ອງການ, ຫ້ອງສະໝຸດ ແລະຫ້ອງຮຽນ ເພີ່ມ 7 ຫຼັງ, ສ່ວນວິທະຍາເຂດໜອງຜືສຳ ເລັດການກໍ່ສ້າງຫ້ອງການ, ຫ້ອງຮຽນ ພ້ອມເຄື່ອງເຟີນີເຈີ ແລະອຸປະກອນການຮຽນໄດ້ 1 ຫຼັງ, ຈາກນັ້ນ​ກໍ່​ໄດ້ດຳເນີນ ການກໍ່ສ້າງ ເສັ້ນທາງເບຕົງຢູ່ ພາຍໃນມີຈຳນວນ 7 ເສັ້ນ, ຄວາມຍາວ 10 ກິໂລແມັດ, ດຳເນີນການກໍ່ສ້າງທາງເບ ຕົງ ຈາກທາງເລກ 9 ເຖິງພື້ນ ທີ່ ມຂ ໄລຍະ 1,2 ກິໂລແມັດ ແລະທາງປູຢາງອ້ອມຮອບ ເນື້ອທີ່ 304 ເຮັກຕາ ປະຈຸບັນ ສຳເລດ 15%.
ໃນພິທີຄັ້ງນີ້ຍັງໄດ້ມີການມອບຫຼຽນໄຊແຮງງານຊັ້ນ II, ຫຼຽນໄຊແຮງງານຊັ້ນ III ແລະໃບຍ້ອງຍໍຂັ້ນຕ່າງໆໃຫ້ແກ່ບຸກຄົນ ແລະຄະນະຕ່າງໆຢ່າງສົມ ກຽດ. ພ້ອມນັ້ນ, ໃນພິທີຍັງໄດ້ ຈັດງານວາງສະແດງຜົນງານ ການວິໄຈ ແລະຜົນງານການ ຄົ້ນຄວ້າຈາກຄະນະສາຂາວິ ຊາຕ່າງໆຫຼາຍສິບຮ້ານ ແລະ ໄດ້ມີການຕັດແຖບຜ້າ-ປ່ອຍ ໝາກປຸ້ງເປົ້າເພື່ອເປັນສັນຍາ ລັກແຫ່ງການເຕີບໃຫຍ່ເຂັ້ມ ແຂງຂອງມະຫາວິທະຍາໄລ ສະ ຫວັນນະເຂດ ຕະຫຼອດໄລຍະ 10 ປີຜ່ານມາ./.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.