ຂ່າວເດັ່ນ

ອົງການ IACD ປະຈໍາ ສປປ ລາວ ມອບຢາ ແລະ ອຸປະກອນການ ແພດໃຫ້ແຂວງບໍລິຄຳໄຊ



ພິທີມອບຢາປິ່ນປົວ ແລະ ອຸປະກອນການແພດ ທີ່ໄດ້ຮັບການຊ່ວຍເຫຼືອ ຈາກອົງການສະຖາບັນວັດທະນະທໍາອາຊີ ແລະ ການພັດທະນາ (IACD: Institute of Asian Culture and Development) ສຳລັບ 4 ໂຮງໝໍ ແລະ 24 ສຸກສາລາ ທີ່ນອນຢູ່ໃນ 3 ເມືອງເປົ້າໝາຍ ຂອງອົງການ IACD ເຊັ່ນ: ໂຮງໝໍແຂວງ, ໂຮງໝໍເມືອງບໍລິຄັນ, ໂຮງໝໍເມືອງວຽງທອງ ແລະ ໂຮງໝໍເມືອງຄຳເກີດ ໄດ້ຈັດຂື້ນໃນວັນທີ 17/10/2019 ທີ່ພະແນກສາທາລະນະສຸກ ແຂວງບໍລິຄຳໄຊ ມອບໂດຍທ່ານ ດຣ. ໂຮສິກ ອີມ ຫົວໜ້າອົງການ IACD ປະຈຳ ສປປ ລາວ ແລະ ຮັບ ຕາງໜ້າຫົວໜ້າພະແນກສາທາລະນະສຸກ ແຂວງບໍລິຄຳໄຊ ໂດຍທ່ານ ດຣ. ສົມພູ ສີວິໄລ.
ຢາປິ່ນປົວ ແລະ ອຸປະກອນການແພດທີ່ມອບ ຄັ້ງນີ້ປະກອບມີ ເຄື່ອງຫາຍໃຈທຽມ, ເຄື່ອງຂູດຫີນປູນ, ເຄື່ອງສາຍແສງ, ປໍ້າລົມ, ຊຸດເຊີດຊູຜູ້ໃຫ່ຍ-ເດັກນ້ອຍ, ຊຸດຜ່າຕັດນ້ອຍ, ຢາປົວພະຍາດ ແລະ ອື່ນໆ ລວມມຸນຄ່າ 670,000,000 ກີບ.
ອົງການ IACD ປະຈໍາ ສປປ ລາວ ເປັນອົງການ NGO ທີ່ບໍ່ສັງກັດ ລັດຖະບານ, ສະຖານທີ່ຕັ້ງຢູ່ແຂວງບໍລິຄຳໄຊ ແລະ ໄດ້ເຮັດວຽກດ້ານການແພດເພື່ອຊ່ວຍເຫຼືອ ແຂວງມາໄດ້ 2 ໄລຍະເປັນເວລາເກືອບ 8 ປີ, ເຊິ່ງໄລຍະທີ I ເລີ່ມແຕ່ປີ 2013-2015 ແລະ ໄລຍະທີ່ II ເລີ່ມແຕ່ປີ 2016-2020. ການເຄື່ອນໄຫວຂອງອົງການມີ 4 ກິດຈະກໍາຫຼັກຄື:ລົງເຄື່ອນໄຫວບໍລິການທາງ ດ້ານການ ແພດເຄື່ອນທີ່ເປັນຈຳນວນ 6 ຄັ້ງຕໍ່ປີ ເພື່ອກວດສຸຂະພາບ ທີ່ບໍ ເສຍຄ່າໃຫ້ແກ່ພໍ່ແມ່ປະຊາຊົນຕາມແຕ່ລະບ້ານໃນ 3 ເມືອງເປົ້າໝາຍ (ບໍລິຄັນ, ຄໍາເກີດ ແລະ ວຽງທອງ), ສະໜອງການຝືກອົບຮົມທາງດ້ານວິຊາການໃຫ້ກັບພະນັກງານແພດ ໃນໂຮງໝໍແຂວງ, ໂຮງໝໍເມືອງ, ສຸກສາລາ ແລະ ອສບ ປີລະຄັ້ງ, ຊ່ວຍເຫຼືອຄ່າປິ່ນປົວຄົນເຈັບ ໃນແຕ່ລະໂຮງໝໍ, ສະໜັບສະໜູນທາງດ້ານ ປຶ້ມຄູ່ມືການປິ່ນປົວ, ຢາ, ເຄື່ອງໃຊ້ການແພດ ແລະ ອຸປະກອນການແພດໃຫ້ໂຮງໝໍແຂວງ, ໂຮງໝໍເມືອງ ແລະ ສຸກສາລາ ໃນ 3 ເມືອງເປົ້າໝາຍ.
ນອກຈາກນີ້ທາງອົງການ IACD ຍັງຊ່ວຍເຫຼືອລົດ Ambulance ຈໍານວນ 3 ຄັນໃຫ້ແກ່ 3 ໂຮງໝໍເມືອງ: ເມືອງບໍລິຄັນ, ເມືອງວຽງທອງ ແລະ ເມືອງຄໍາເກີດ ເພື່ອໄດ້ນຳສົ່ງຄົນເຈັບອີກດ້ວຍ.

ທີ່ມາ: ຫນັງສືພິມວຽງຈັນທາມ
ຂ່າວ: ສົມພາວັນ

ພາບ : IACD:

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.