ຂ່າວເດັ່ນ

ຫວຽດນາມ ສັ່ງຈຳຄຸກລັດຖະມົນຕີຊ່ວຍ ຖານສໍ້ລາດບັງຫລວງ



ສຳນັກຂ່າວຕ່າງປະເທດລາຍງານເມື່ອບໍ່ດົນມານີ້ວ່າ ເລ ບັກ ຫົ່ງ ອະດີດລັດຖະມົນຕີຊ່ວຍກະຊວງແຮງງານຖືກເຈົ້າຫນ້າທີ່ຕຳຫຼວດຄຸມໂຕໄປຍັງຄ້າຍຄຸມຂັງຫລັງການພິຈາລະນາຄະດີໃນນະຄອນຮ່າໂນຍ. ສານຫວຽດນາມຕັດສິນໂທດຈຳຄຸກອະດີດລັດຖະມົນຕີຊ່ວຍກະຊວງແຮງງານເປັນເວລາ 6 ປີ ຫລັງພົບວ່າມີຄວາມຜິດໃນຂໍ້ຫາບໍລິຫານຈັດການເສດຖະກິດຜິດພາດ

ສານປະຊາຊົນນະຄອນຮ່າໂນຍຍັງມີຄຳສັ່ງໃຫ້ທ່ານເລ ບັກ ຫົ່ງ ລັດຖະມົນຕີຊ່ວຍກະຊວງແຮງງານ ແລະສະຫວັດດີການສັງຄົມ ແລະອະດີດຫົວຫນ້າສຳນັກງານປະກັນສັງຄົມຫວຽດນາມ ຈ່າຍຄ່າປັບໃຫມເປັນເງີນຈຳນວນ 150.000 ລ້ານດົງ (6.47 ລ້ານດອລລາ) ຕາມການລາຍງານຂອງສື່ຫວຽດນາມ ການພິຈາລະນາຄະດີດັ່ງກ່າວເກີດຂື້ນທ່າມກາງການປາບປາມການສໍ້ລາດບັງຫລວງໃນປະເທດຢ່າງກວ້າງຂວາງທີ່ເຮັດໃຫ້ໄດ້ເຫັນເຈົ້າຫນ້າທີ່ລະດັບສູງຂອງລັດ ແລະຜູ້ບໍລິຫານກິດຈະການຂອງລັດຈຳນວນຫລາຍຖືກຈັບກຸມໂຕ ແລະຖືກຈຳຄຸກ

ລາຍງານລະບຸວ່າ ທ່ານ ຫົ່ງ ແລະຄົນອື່ນໆ ກູ້ຢືມເງີນຂອງລັດຢ່າງຜິດກົດຫມາຍໃຫ້ແກ່ບໍລິສັດທາງການເງີນທ້ອງຖິ່ນທີ່ລົ້ມລະລາຍໃນປີ 2018 ເປັນເຫດໃຫ້ລັດສູນເສຍເງີນງົບປະມານເກືອບ 1.7 ລ້ານລ້ານດົງ (73.3 ລ້ານດອລລາ)

ສານຍັງຕັດສິນຄວາມຜິດຈຳຄຸກອະດີດເຈົ້າຫນ້າທີ່ຂອງສຳນັກງານປະກັນສັງຄົມຫວຽດນາມອີກ 5 ຄົນເປັນເວລາ 2-14 ປີ ຈາກຂໍ້ຫາດຽວກັນ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.