ຂ່າວເດັ່ນ

ທ່ານກຳລັງຄິດວິຕົກກັງວົນ ຫລື ຄິດຫລາຍ ກ່ຽວກັບວຽກງານ ແລະ ຊີວິດຢູ່ຫລືບໍ່ ? ມາຮູ້ວິທີຜ່ອນຄາຍນຳກັນ





ເລື້ອງວິຕົກກັງວົນ ແລະ ຄິດຫລາຍໃຜໆກໍ່ເປັນກັນໄດ້ ໂດຍສະເພາະ ພະນັກງານຫ້ອງການເຮັດວຽກ ແລະ ຜູ້ທີ່ມີພາລະຫນ້າທີ່ ມີຄວາມຮັບຜິດຊອບວຽກຕ່າງໆ ໃຫ້ຕ້ອງໄດ້ໃຊ້ສະຫມອງ ຕ້ອງໄດ້ຄິດໄດ້ແກ້ໄຂຕະຫລອດມື້

ການຄິດຫລາຍ ແລະ ວິຕົກກັງວົນ ຖ້າມີຫລາຍເກີນໄປອາດຈະເຮັດໃຫ້ສຸຂະພາບຮ່າງກາຍເສຍໄດ້ ແລະ ອາດຈະສ້າງຜົນເສຍຫາຍໃນການໃຊ້ຊີວິດ ແລະ ວຽກງານ ພ້ອມທັງຄວາມສຳພັນໃນຄອບຄົວ ຫມູ່ຄູ່  ກໍ່ເປັນໄດ້



ດັ່ງນັ້ນ , ແອດມິນເລີຍຊອກຫາວິທີດີໆ ແລະ ງ່າຍມາຝາກໃຫ້ແຟນເພຈ ໄດ້ຮູ້ກ່ຽວກັບການຜ່ອນຄາຍຈາກການວິຕົກກັງວົນ ແລະ ພາວະຄິດຫລາຍ



ວິທີງ່າຍໆເລີຍ :

1 , ຫາຍໃຈເຂົ້າເລິກໆ ຫາຍໃຈອອກຊ້າໆ ພັກສາຍຕາໂຕເອງ ລອງຍ່າງອອກໄປຈາກບ່ອນທີ່ເຮົາກຳລັງເມື່ອຍ ເພື່ອໄປເບິ່ງສະພາບແວດລ້ອມທາງນອກ


2 , ລອງນວດເບົາໆບໍລິເວນຫົວ ຫນ້າຜາກ ແລະ ບ່າທັງສອງເບື້ອງ ສຳຫລັບຄົນທີ່ສະດວກກໍ່ສາມາດໄປຫາສະຖານທີ່ດີໆ ໄປນວດຜ່ອນຄາຍກໍ່ສາມາດຊ່ວຍໄດ້ 

3 ຫາແນວເບິ່ງ ແລະ ອ່ານເລື້ອງຊວນຫົວ ຕະລົກເຮຮາ ຫລື ຟັງເພງມ່ວນໆ ເບິ່ງຫນັງກໍ່ໄດ້ ສິ່ງເຫລົ່ານີ້ເຮັດໃຫ້ຮ່າງກາຍໄດ້ຜ່ອນຄາຍ ເວລາທີ່ເຮົາຍິ້ມຫລືຫົວ ແມ່ນເຮັດໃຫ້ຮ່າງກາຍແລະຈິດໃຈໄດ້ຜ່ອນຄາຍ ແບບບໍ່ຮູ້ຕົວ .



4 ຢູ່ບ່ອນຫງຽບໆ ໃຊ້ຄວາມຫງຽບເພື່ອຢຸດຄວາມຄິດຂອງໂຕເອງ ແລະ ຄິດທົບທວນຊີວິດເພື່ອໃຫ້ຮູ້ເຫັນແຈ້ງຢ່າງເລີກເຊິງວ່າ ຊີວິດເປັນສິ່ງທີ່ບໍ່ແນ່ນອນ ເກີດຂຶ້ນ ຕັ້ງຢູ່ແລະ ດັບໄປເປັນທຳມະດາ ໃຫ້ປ່ອຍວາງໃນສິ່ງທີ່ເຮົາຄວບຄຸມບໍ່ໄດ້ ຂໍພຽງແຕ່ເຮົາເຮັດທຸກຢ່າງໃຫ້ດີທີ່ສຸດກໍ່ພໍ

ແລະ ນີ້ກໍ່ແມ່ນເຄັດບໍ່ລັບມາຝາກໃຫ້ທຸກທ່ານໄດ້ຮູ້ ເພື່ອໃຫ້ຜ່ອນຄາຍຈາກຄວາມວິຕົກກັງວົນ ຄວາມຄິດຫລາຍເລື້ອງຕ່າງໆ 

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.