ຂ່າວເດັ່ນ

ປະຊາຊົນບ້ານແຊລະບຳທີ່ໄດ້ຮັບຜົນກະທົບຈາກນໍ້າຖ້ວມ ຮຽກຮ້ອງໃຫ້ຂັ້ນເທີງແບ່ງດິນ ແລະ ທືນເພື່ອສ້າງເຮືອນໃໝ່




ປະຊາຊົນຈຳນວນ 109 ຫຼັງຄາເຮືອນຢູ່ບ້ານ ແຊລະບຳ ເມືອງຊະນະສົມບູນ ແຂວງຈຳປາສັກ ທີ່ໄດ້ຮັບຜົນກະທົບຈາກໄພນ້ຳຖ້ວມໃນຕົ້ນ ເດືອນ ກັນຍາ ທີ່ຜ່ານມາ ສ່ວນຫຼາຍຍັງອາໄສຢູ່ ເຮືອນພັກຊົ່ວຄາວ ແລະ ເຮືອນພີ່ນ້ອງ ຍ້ອນວ່າຍັງ ບໍ່ມີທີ່ດິນ ແລະ ທືນເພື່ອປຸກສ້າງເຮືອນໃໝ່. ສ່ວນທີ່ດິນເກົ່າແມ່ນຖືກນ້ຳເຊາະເປັນຮອງເປັນຂຸມໃຊ້ການບໍ່ໄດ້ ແລະ ມີຄວາມສ່ຽງທີ່ຈະເກີດນ້ຳຖ້ວມອີກ.
ທ່ານ ທະວີຈິດ ໂສພາ ປະຊາຊົນບ້ານແຊລະບຳ ເມືອງຊະນະສົມບູນ ທີ່ໄດ້ສູນເສຍເຮືອນສອງຫຼັງ ລວມທັງເຄື່ອງໃຊ້ຄົວເຮືອນ ທີ່ມີມູນຄ່າ 148 ກວ່າລ້ານກີບໃຫ້ສຳພາດຕໍ່ສື່ມວນຊົນໃນບໍ່ດົນມານີ້ວ່າ: ຂ້າພະເຈົ້າ ກໍ່ຄືຕາງໜ້າປະຊາຊົນຢູ່ບ້ານ ແຊລະບຳ ຢາກໃຫ້ຂັ້ນເທີງຊ່ວຍຮີບດ່ວນ, ເຊິ່ງຄວາມຕ້ອງການໃນປັດຈຸບັນຢາກໃຫ້ເພີ່ນຊ່ວຍ ຈັດສັນທີ່ດິນໃຫ້ ຄອບຄົວທີ່ໄດ້ຮັບຜົນກະທົບໜັກ ພ້ອມທັງຕໍ່ໄຟຟ້າເຂົ້າ, ເຈາະນ້ຳບາດານ ແລະ ພ້ອມທັງຊ່ວຍທືນປຸກສ້າງເຮືອນໃໝ່ ດຽວນີ້ແມ່ນໄດ້ອາໄສຢູ່ເຮືອນພີ່ນ້ອງເປັນບ່ອນເພິ່ງພາອາໄສຊົ່ວຄາວ ເພາະຍັງບໍ່ມີດິນ ແລະ ທືນເພື່ອປຸກເຮືອນໃໝ່. ຜ່ານມາທາງຂັ້ນເທີງກໍ່ໄດ້ມີການຊ່ວຍເຫຼືອປະເພດເຂົ້າສານ, ອາຫານແຫ້ງ, ນ້ຳດື່ມ ແລະ ສັງກະສີຈຳນວນ 16 ແຜ່ນຕໍ່ຄອບຄົວ ເພື່ອໃຫ້ກຳລັງໃຈ.
ເຫດການນໍ້າຖ້ວມ ບ້ານແຊລະບຳ ເຮັດໃຫ້ເຮືອນ ຊຸໄຫຼ ແລະ ເປ່ເພຈຳນວນ 109 ຫຼັງ ມູນຄ່າເສຍຫາຍ 5,6 ຕື້ກວ່າກີບ ພ້ອມນັ້ນຍັງມີເລົ້າເຂົ້າ, ສັດລ້ຽງ, ພື້ນຖານໂຄງລ່າງ, ພືດກະສິກຳ, ຊົນ ລະປະທານ, ເສົາໄຟຟ້າ ແລະ ອື່ນໆ ມູນຄ່າເສຍຫາຍຫຼາຍກວ່າ 16,4 ຕື້ກີບ.
ຂ່າວ : ສົມພາວັນ
ພາບ: ປອງ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.