ຂ່າວເດັ່ນ

ແຈ້ງການເຕືອນ !!!! ລະວັງຊິ້ນສ່ວນຂອງຍານອາວະກາດຕົກຢູ່ພາກໃຕ້ຂອງລາວ








ກະຊວງໂຍທາທິການ ແລະ ຂົນສົ່ງແຈ້ງໃຫ້ປະຊາຊົນສອງແຂວງພາກໃຕ້ຂອງລາວໃຫ້ລະວັງການຕົກລົງມາຂອງຊິ້ນສວ່ນຍານອາວະກາດໃນມື້ອື່ນ 04/10/2019 ເວລາ 01:45 ໂມງ ຫາ 02:12 ໂມງເຊົ້າ.
ທ່ານ ຄີນ ສິມວົງສາ ຮອງຫົວ ໜ້າກົມການບິນພົນລະເຮືອນ ກະຊວງໂຍທາທິການ ແລະ ຂົນສົ່ງໄດ້ໃຫ້ສຳພາດໃນຕອນເຊົ້າ 03/10/2019 ວ່າ: ກະຊວງໄດ້ເຮັດໜັງສືແຈ້ງການດ່ວນ ແລະ ສົ່ງໃຫ້ບັນດາ ແຂວງດັ່ງກ່າວ ຄື ແຂວງຈຳປາສັກ ແລະ ອັດຕະປື ເພື່ອໃຫ້ແຈ້ງຕໍ່ກັບປະຊາຊົນທີ່ຢູ່ທ້ອງຖິ່ນໃຫ້ລະວັງການຕົກ ລົງມາຂອງຊິ້ນສ່ວນຍານອາວະກາດຂອງປະເທດຈີນ, ເຊິ່ງທາງການ ສປ ຈີນຈະມີການເຄື່ອນໄຫວກິດຈະການ ການບິນອາວະກາດໃນເຂດ ນານຟ້າຂອງ ສປປ ລາວ.
ກິດຈະການດັ່ງກ່າວອາດຈະມີຊິ້ນສວ່ນຕົກລົງມາໃສ່ບາງຂົງເຂດ ຂອງເມືອງປາກຊ່ອງ, ເມືອງປະທຸມພອນ, ເມືອງໂຂງ ແຂວງຈຳປາສັກ ແລະ ເມືອງ ສະໜາມໄຊ ແລະ ເມືອງສາມັກຄີໄຊ ແຂວງອັດຕະປື ຕາມຈຸດພິກັດດັ່ງນີ້: 14°47’56.00"N - 106°50’17.00”E , 14°55'19.00"N - 106°06’22.00"E, 13°43'08.00"N - 105°53'49.00"E, 13°35'49.00"N - 106°37'34.00"E.
ທ່ານ ຄີນ ໄດ້ອະທິບາຍຕື່ມອີກວ່າ ປີນີ້ເປັນເທື່ອທີ່ສາມ ແລ້ວ ທີ່ທາງກະຊວງເຮົາ ໄດ້ຮັບແຈ້ງການກ່ຽວກັບການຕົກລົງມາຂອງຊິ້ນສວ່ນຍານອາວະກາດ ແລະ ພວກເຮົາ ກໍ່ໄດ້ເຮັດແຈ້ງການໄປຫາ ແຂວງທີ່ກ່ຽວຂ້ອງ ແລະ ກໍ່ໄດ້ລົງກວດກາທຸກຄັ້ງພາຍຫຼັງ ທີ່ມີເຫດການດັ່ງກ່າວ. ບາງຄັ້ງຊິ້ນສວ່ນດັ່ງກ່າວກໍ່ມີນ້ຳໜັກເຖິງ 20 ກິໂລ ແລະ ກໍ່ໂຊກດີບໍ່ມີໃຜໄດ້ຮັບບາດເຈັບ ຫຼື ເສຍຊີວິດແຕ່ຢ່າງໃດ.
ຂ່າວ: ສຸກນີລັນດອນ
ພາບ: ພູນຊັບ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.