ຂ່າວເດັ່ນ

7 ວັນ ທ້າຍເດືອນກັນຍາ ມີຄະດີເກີດຂຶ້ນ 53 ເລື່ອງ




ໃນທ້າຍຂອງເດືອນກັນຍາ ທີ່ຜ່ານມາ, ປະກົດການຫຍໍ້ທໍ້ເກີດຂຶ້ນທັງໝົດ 53 ເລື່ອງ ຄະດີເກີດຂຶ້ນຫຼາຍກວ່າໝູ່ ແມ່ນລັກຊັບພົນລະເມືອງ ມີ 25 ເລື່ອງ ສ່ວນຫຼາຍແມ່ນລັກລົດຈັກ. ໃນນີ້, ມີລົດຈັກເສຍ 23 ຄັນ, ຄຳຮູບ ປະ ພັນ 11 ບາດ, ເງິນ 15.400.000 ກີບ ແລະ ເຄື່ອງມີຄ່າຈໍານວນໜຶ່ງ ໂດຍເຫດການຕ່າງໆເກີດຂຶ້ນດັ່ງລຸ່ມນີ້.

· ໃນວັນທີ 19 ກັນຍາ, ມີຄົນຮ້າຍ 2 ຄົນ ຂັບຂີ່ລົດຈັກ (ບໍ່ຈື່ຍີ່ຫໍ້) ເຂົ້າໄປລັກເອົາລົດຈັກຢູ່ເຮືອນຂອງນາງ ໄພລິນ ອາຍຸ 45 ປີ ຢູ່ບ້ານໂພນໄຊ ເມືອງໄຊເສດຖາ ລົດຈັກຍີ່ຫໍ້ BMW ສີຕັບໝູ ໝາຍເລກທະບຽນ ລມ 3725 ກຳແພງນະຄອນ ທີ່ຈອດໄວ້ໜ້າເຮືອນຂອງຜູ້ກ່ຽວ.

· ໃນເວລາ 8:30 ໂມງ ຂອງວັນທີ 24 ກັນຍາ, ຄົນຮ້າຍງັດເຂົ້າເຮືອນຂອງນາງ ສົມປອງ ອາຍຸ 42 ປີ ຢູ່ບ້ານໂພເງິນ ເມືອງຫາດຊາຍຟອງ ຜົນເສຍຫາຍມີ: ຄຳຮູບປະພັນ 11 ບາດ, ສາຍແອວທອງນາກ 1 ເສັ້ນ ໜັກ 6 ບາດ, ເງິນ 400.000 ກີບ, ໂທລະສັບ 3 ເຄື່ອງ ຍີ່ຫໍ້ໄອໂຟນ 6 ຈຳນວນ 2 ເຄື່ອງ ແລະ ໄອໂຟນ 5c.

· ວັນທີ 25 ກັນຍາ, ຄົນຮ້າຍໄປລັກລົດຈັກຢູ່ເຮືອນຂອງທ້າວ ພອນປະເສີດ ອາຍຸ 29 ປີ ຢູ່ບ້ານໜອງບົວທອງເໜືອ ເມືອງສີໂຄດຕະບອງ ລົດຈັກຍີ່ຫໍ້ HONDA CLICK-I ສີດໍາ ໝາຍ ເລກທະບຽນ ດຈ 7171 ກຳແພງນະຄອນ.

· ວັນທີ 28 ກັນຍາ, ເວລາປະມານ 1:00 ໂມງ ຄົນຮ້າຍລັກລົດຈັກ ຍີ່ຫໍ້ HONDA CLICK-I ສີສົ້ມດໍາໝາຍເລກທະບຽນ 0044 ກຳແພງນະຄອນ ຂອງນາງ ພະສະໄໝ ອາຍຸ 25 ປີຢູ່ຫ້ອງພັກເຊົ່າຂອງຜູ້ກ່ຽວຢູ່ບ້ານໂພນປ່າເປົ້າ ເມືອງສີສັດຕະນາກ

· ໃນວັນທີ 29 ກັນຍາ, ເວລາປະມານ 3:00 ໂມງ ຄົນຮ້າຍບໍ່ຮູ້ຈໍານວນ ເຂົ້າລັກງັດຮ້ານຂາຍເຄື່ອງຂອງ ທ້າວ ຈູຊິນເຊຍ ອາຍຸ 45 ປີ ສັນຊາດຈີນ ຢູ່ບ້ານໜອງດ້ວງ ເມືອງສີໂຄດຕະບອງ ຜົນເສຍຫາຍມີ: ເງິນ 15.000.000 ກີບ, 60.000 ບາດ ແລະ 6.000 ຢວນ, ໂທລະສັບ 1 ເຄື່ອງ.

ນອກຈາກຄະດີລັກຊັບແລ້ວ, ຍັງມີຄະດີຊິງຊັບພົນລະເມືອງ 2 ເລື່ອງ, ທຳຮ້າຍຮ່າງກາຍ 1 ເລື່ອງ, ທຳລາຍຊັບ 1 ເລື່ອງ. ຈາກສະພາບການດັ່ງກ່າວ, ເຈົ້າໜ້າທີ່ສາມາດແກ້ໄຂ ແລະ ຕິດຕາມຈັບຕົວຜູ້ກະທໍາຜິດຈາກຄະດີທີ່ຜ່ານມາ ແລະ ຄະດີທີ່ເກີດຂຶ້ນໃນທ້າຍເດືອນກັນຍານີ້ ໄດ້ຈຳນວນ 100 ຄົນ ຍິງ 11 ຄົນ ແລະ ເກັບກູ້ຂອງກາງໄດ້ມີ: ຢາບ້າ 25.525 ເມັດ, ເງິນບາດ 550.000 ບາດ, ລົດຈັກ 12 ຄັນ, ຢາໄອສ໌ 1 ກິໂລກຼາມ, ຖັງແກັດ 1 ຖັງ ແລະ ປືນສັ້ນ 1 ກະບອກ.


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.