ຂ່າວເດັ່ນ

ໂຮງຮຽນ 6 ແຫ່ງ ທົ່ວສາລະວັນ ໄດ້ຮຽນຮູ້ກ່ຽວກັບການນຳໃຊ້ສື່ສັງຄົມອອນລາຍໃຫ້ຖືກຕ້ອງ.


ວັນທີ 24-26 ກັນຍາ 2019ນີ້ ຄະນະໂຄສະນາອົບຮົມ ແຂວງສາລະວັນ ຮ່ວມກັບ ພະແນກໄປສະນີໂທລະຄົມມະນາຄົມ ແລະ ການສື່ສານແຂວງ, ພະແນກສຶກສາທິການ ແລະ ກິລາ, ກອງບັນຊາການ ປກສແຂວງ ແລະ ພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງສາລະວັນ ໄດ້ລົງເຜີຍແຜ່ການນຳໃຊ້ສື່ສັງຄົມອອນລາຍໃຫ້ຖືກຕ້ອງ ແລະຕອບຕ້ານປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນຄອບຄົວ, ສັງຄົມ ແລະ ໂຮງຮຽນ ໃນທົ່ວແຂວງສາລະວັນ ໃຫ້ກຽດເປັນປະທານໂດຍທ່ານ ສີເຮັງ ຫອມສົມບັດ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງສາລະວັນ, ມີວິທະຍາກອນຈາກ 4 ພາກສ່ວນທີ່ກ່ຽວຂ້ອງ, ບັນດາຄູ-ອາຈານ, ນັກຮຽນເຂົ້າຮ່ວມ.




ເພື່ອແນໃສ່ເຮັດໃຫ້ສະມາຊິກພັກ, ພະນັກງານ. ລັດຖະກອນ, ນັກຮຽນ, ນັກສຶກສາ, ນັກຮຽນຮູ້ປັນຍາຊົນຕ່າງໆໃນທົ່ວສັງຄົມ ໄດ້ມີຄວາມຮັບຮູ້ເຂົ້າໃຈ ກ່ຽວກັບການນຳໃຊ້ສື່ສັງຄົມອອນລາຍ (ອິນເຕີເນັດ) ໃນນັ້ນເອກະສານທີ່ນຳມາເຜີຍແຜ່ປະກອບມີ ເອກະສານ ນຳພາແນວຄິດ ນຳໃຊ້ສື່ສັງຄົມອອນລາຍ(ອິນເຕີເນັດ), ບັນດາກົດໝາຍ, ດຳລັດທີ່ກ່ຽວຂ້ອງ ແລະ ຕິດພັນກັບການກະທຳຜິດຜ່ານສື່ສັງຄົມອອນລາຍ, ໃຊ້ເຄືອຂ່າຍສັງຄົມອອນລາຍແນວໃດ ຈຶ່ງຈະປອດໄພ ແລະ ວິທີການແກ້ໄຂເມື່ອພົບບັນຫາຕ່າງໆໃນການນຳໃຊ້ສື່ສັງຄົມອອນລາຍ, ໂຄສະນາເຜີຍແຜ່ກ່ຽວກັບມາດຕາ, ກົດໝາຍສື່ມວນຊົນ, ກົດລະບຽບຈາລະຈອນຕາມເສັ້ນທາງຫຼວງ, ຜົນຮ້າຍໄພອັນຕະລາຍຂອງຢາເສບຕິດ ເຊິ່ງໃນປະຈຸບັນ ໃຫ້ມີສະຕິລະວັງຕົວສູງຕໍ່ກົນອຸບາຍ ຂອງອິດທິກຳລັງປໍລະປັກ ແລະ ພວກຄົນບໍ່ດີສວຍໃຊ້ສື່ສັງຄົມອອນລາຍ ສ້າງຄວາມປັ່ນປ່ວນໃນສັງຄົມ, ໂຄສະນາບິດເບືອນ, ໃສ່ຮ້າຍປ້າຍສີ, ຕົວະຍົວະຫຼອກລວງ, ສ້າງຄວາມແບ່ງແຍກລະຫວ່າງ ພັກ-ລັດ ດັ່ງນັ້ນປະຊາຊົນບັນດາເຜົ່າພວກເຮົາ ຕ້ອງເປັນເຈົ້າການນຳໃຊ້ສື່ດັ່ງກ່າວ ເຂົ້າໃນການເຄື່ອນໄຫວດຳລົງຊີວິດຢ່າງຖືກຕ້ອງ


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.