ຂ່າວເດັ່ນ

ທາງ 42 ເສັ້ນ ແລະ ຂົວ 10 ແຫ່ງ ຢູ່ແຂວງເຊກອງເປ່ເພຍ້ອນນ້ຳຖ້ວມ




ແຂວງເຊກອງຕ້ອງການງົບປະມານຫຼາຍກວ່າ 170 ຕື້ກີບ ເພື່ອ ຟື້ນຟູຜົນກະທົບຈາກໄພນ້ຳຖ້ວມເມື່ອເດືອນກັນຍາທີ່ຜ່ານມາ ເຊິ່ງ ຕ້ອງການຫຼາຍກວ່າໝູ່ແມ່ນຂະແໜງໂຍທາທິການ ແລະ ຂົນສົ່ງ, ເຊິ່ງມີມູນຄ່າປະມານ 105 ຕື້ກີບ ຍ້ອນວ່າເສັ້ນທາງສຳຄັນຫຼາຍເສັ້ນເປ່ເພ.

ທ່ານ ຄຳສອນ ກັນຍາ ຫົວໜ້າພະແນກແຮງງານ ແລະ ສະຫວັດດີການສັງຄົມ ທັງເປັນຮອງປະທານຄວບຄຸມໄພພິບັດ ແຂວງເຊກອງໄດ້ໃຫ້ສຳພາດຕໍ່ສື່ມວນຊົນໃນບໍ່ດົນມານີ້ວ່າ: ພາຍຫຼັງທີ່ເກັບກຳຂໍ້ມູນຜົນກະທົບຕົວຈິງເປັນຕົ້ນແມ່ນລະບົບພື້ນຖານໂຄງລ່າງ ເຊັ່ນ: ເສັ້ນທາງ, ໄຟຟ້າ ໂດຍສະເພາະຢູ່ ເມືອງດາກຈຶງ ແລະ ເມືອງກະລຶມ.

ທ່ານ ຄຳສອນ ກ່າວຕື່ມວ່າ: ສຳລັບເສັ້ນທາງຢູ່ໃນແຜນການສ້ອມແປງ ມີເສັ້ນທາງແຂວງຄຸ້ມຄອງຢູ່ເທດສະບານແຂວງ 6 ເສັ້ນ ແລະ ຂົວ 2 ແຫ່ງ, ຢູ່ເມືອງລະມາມ 7 ເສັ້ນ ແລະ ຂົວ 2 ແຫ່ງ, ເມືອງທ່າແຕງ 12 ເສັ້ນ ແລະ ຂົວ 1 ແຫ່ງ, ເມືອງກະລຶມ 8 ເສັ້ນ ແລະ ຂົວ 2 ແຫ່ງ, ເມືອງດາກຈຶງ 9 ເສັ້ນ ແລະ ຂົວອູ່ 3 ແຫ່ງ. ນອກນັ້ນຍັງມີລະບົບນ້ຳປະປາທີ່ຈະຕ້ອງໄດ້ສ້ອມແປງ ແລະ ປັບປຸງໃໝ່.

ຂ່າວ-ພາບວຽງຈັນທາມ: ສົມພາວັນ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.