ຂ່າວເດັ່ນ

ໃຜທີ່ມັກເລື້ອງການດື່ມຊາຫ້າມພາດ ສວນຊາ 400 ປີ ແຂວງຜົ້ງສາລີ ເປີດໃຫ້ນັກທ່່ອງທ່ຽວຢ້ຽມຊົມ




ສວນຊາ 400 ປີ ຕັ້ງຢູ່ເຂດບ້ານກໍແມນ ເມືອງ ແລະ ແຂວງຜົ້ງສາລີ ຫ່າງ ຈາກເທດສະບານແຂວງປະມານ 15 ກິໂລແມັດ. ປະຊາຊົນບ້ານກໍແມນໄດ້ປະກອບອາຊີບປູກ ແລະ ຂາຍຊາເປັນອາຊີບຫຼັກມາໄດ້ຫຼາຍເຊັ່ນຄົນແລ້ວເຊິ່ງ ຊາຢູ່ທີ່ນີ້ມີຊື່ສຽງຫຼາຍຍ້ອນມີລົດຊາດທີ່ດີ ແລະ ມີສັບພະ ຄຸນທີ່ເປັນປະ ໂຫຍດຕໍ່ສຸກຂະພາບຫຼາຍກວ່າຊາທີ່ປູກຢູ່ ບ່ອນອື່ນໆ. ນອກຈາກນັ້ນແລ້ວ, ຕົ້ນຊາຢູ່ໃນສວນແຫ່ງ ນີ້ຍັງໄດ້ຖືກຮັບຮອງຈາກນັກວິໄຈວ່າເປັນ ຕົ້ນຊາ ທີ່ມີອາຍຸ ເກົ່າແກ່ທີ່ສຸດໃນປະເທດລາວ ຊຶ່ງມີອາຍຸຫຼາຍກວ່າ 400ປີ.
ດັ່ງນັ້ນ ສວນຊາແຫ່ງນີ້ຈຶ່ງໄດ້ຂະໜານນາມວ່າສວນຊາ 400ປີ ເຊິ່ງມີເນື້ອທີ່ປະມານ 32,25 ເຮັກຕາ ແລະ ລວມມີຕົ້ນຊາ ທັງໝົດ 48.373 ຕົ້ນ.
ປັດຈຸບັນ, ສວນຊາ 400ປີໄດ້ຮັບຄວາມສົນໄຈ ແລະ ເປັນ ແຫຼ່ງທ່ອງທ່ຽວທີ່ສາມາດດຶງດູດນັກທ່ອງທ່ຽວ ໂດຍສະເພາະ ນັກທ່ອງທ່ຽວຈີນ ເຂົ້າມາທ່ຽວຊົມສະຖານທີ່ສວນຊາ ໂດຍໄດ້ສຳພັດກັບລົດຊາດຂອງຊາດ້ວຍຕົນເອງເປັນຈຳນວນຫຼາຍຢູ່ແຂວງ ຜົ້ງສາລີ.

ທີ່ມາ: ຫນັງສືພິມວຽງຈັນທາມ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.