ຂ່າວເດັ່ນ

ເຈົ້າຫນ້າທີ່ມຸກດາຫານ ຍຶດເຮືອແພລັກລອບຂົນລົດໃຫ່ຍ 2 ຄັນ ກາງແມ່ນ້ຳຂອງເພື່ອກຽມນຳສົ່ງໄປ ສປປ ລາວ







ເມື່ອວັນທີ່ 20 ຕຸລາ 2019 ກອງກຳລັງສຸລະສັກມົນຕີ ໂດຍ ສະຖານີເຮືອບ້ານແພງ ຫນ່ວຍເຮືອຮັກສາຄວາມສະຫງົບຮຽບຮ້ອຍຕາມແມ່ນ້ຳຂອງ ຮ່ວມກັບຫນ່ວຍງານຄວາມຫມັ້ນຄົງໃນພື້ນທີ່ຖະແຫຼງການກວດຍຶດລົດຍົນກະບະຈຳນວນ 2 ຄັນຄື ລົດຍົນກະບະໂຕໂຢຕ້າ ລີໂວ້ 4 ປະຕູ ສີຂາວ ແລະໂຕໂຢຕ້າຟໍຈູນເນີສີດຳ ພ້ອມເຮືອແພດັດແປງຕິດເຄື່ອງຈັກ 2 ລຳ ໂດຍກວດຍຶດໄດ້ເມື່ອເວລາ 03:00 ໂມງເຊົ້າ ຂອງວັນທີ 20/10/2019 ຜ່ານມາ ບໍລິເວນແຄມແມ່ນ້ຳຂອງ ບ້ານດອນແພງ ເມືອງບ້ານແພງ ແຂວງນະຄອນພະນົມ ປະເທດໄທ ພາຍຫລັງເຈົ້າຫນ້າທີ່ສືບຮູ້ວ່າ ຈະມີການລັກລອບຂົນລົດ ສົ່ງໄປຂາຍ ສປປ ລາວ ຈື່ງລະດົມກຳລັງວາງແຜນເຂົ້າສະກັດກັ້ນປາບປາມຈັບກຸມ ຈົນກະທັ້ງພົບກຸ່ມຊາຍຕ້ອງສົງໄສປະມານ 7-10 ຄົນ ກຳລັງຊ່ວຍກັນລຳລຽງລົດດັ່ງກ່າວລົງເຮືອຫາງຍາວ ທີ່ດັດແປງຕໍ່ແພ ເຈົ້າຫນ້າທີ່ຈື່ງສະແດງໂຕເຂົ້າກວດຄົ້ນຈັບກຸມ ເຮັດໃຫ້ກຸ່ມຜູ້ກະທຳຄວາມຜິດຖິ້ມລົດຫນີ ແລະອາໄສຄວາມມືດຫາຍໄປ ຈື່ງໄດ້ທຳການກວດຍຶດລົດຂອງກາງມາກວດສອບທີ່ສະຖານີເຮືອບ້ານແພງ

ເບື້ອງຕົ້ນຈາກການກວດສອບເຈົ້າຫນ້າທີ່ເຊື່ອວ່າ ລົດດັ່ງກ່າວຈະເປັນລົດຂອງຂະບວນການລັກລົດຂ້າມຊາດ ທີ່ລັກລອບນຳມາກຽມສົ່ງໄປຂາຍປະເທດລາວ ທີ່ເຄີຍມີການຈັບກຸມຫລາຍຄັ້ງ ໂດຍຈະໃຊ້ວິທີ່ການລຳລຽງລົງເຮືອຫາງຍາວສົ່ງຕໍ່ໄປຂາຍ ໃນລາຄາຄັນລະ 2-3 ແສນບາດ ຕາມສະພາບ ສ່ວນໃຫ່ຍຈະເປັນລົດກະບະປະເພດຍົກສູງ ຍີ່ຫໍ້ໂຕໂຢຕ້າເປັນຫລັກເພາະເປັນທີ່ນິຍົມຂອງຕະຫລາດລັກລົດຂ້າມຊາດ ສຳລັບທີ່ມາຂອງລົດສ່ວນໃຫ່ຍຈະມີທີ່ມາປະກອບດ້ວຍ ລົດຍົນທີ່ມາຈາກການລັກ ລວມເຖິງລົດທີ່ດາວມາໃນລາຄາຕ່ຳ ແລ້ວສົ່ງຕໍ່ໄປຂາຍ ແລະຍັງມີລົດສ່ວນໃຫ່ຍທີ່ນຳສົ່ງອອກໄປຂາຍຄືລົດທີ່ນຳມາຈາກຈຳນຳບ່ອນການພະນັນ ໂດຍເຈົ້າຫນ້າທີ່ຈະໄດ້ເລັ່ງສືບສວນສອບສວນ ຂະຫຍາຍຜົນ ຕິດຕາມຜູ້ຮ່ວມກະທຳຄວາມຜິດມາດຳເນີນຄະດີພ້ອມເພີ່ມມາດຕະການເຂັ້ມໃນການສະກັດກັ້ນປາບປາມຈັບກຸມຕາມພື້ນທີ່ແນວຊາຍແດນຕໍ່ໄປ

ຂອບໃຈພາບຂ່າວຈາກ: ສູນຂ່າວມຸກດາຫານ



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.