ຂ່າວເດັ່ນ

ຊົມເຊີຍເຈົ້າຫນ້າທີ່ ປກສ ເມືອງ ສີສັດຕະນາກ ມອບລົດໃຫຍ່ 2 ຄັນ ແລະ ລົດຈັກ 10 ຄັນ ໃຫ້ເຈົ້າຂອງເດີມ




ກອງບັນຊາການ ປກສ ເມືອງ ສີສັດຕະນາກ ນະຄອນຫຼວງວຽງຈັນ ໄດ້ມອບລົດໃຫຍ່ 2 ຄັນ ແລະ ລົດຈັກ 10 ຄັນທີ່ເກັບກູ້ຄືນມາໄດ້ຈາກຄົນຮ້າຍລັກ ແລະ ການຍັກຍອກຊັບໃນໄລຍະຜ່ານມາ ຄືນໃຫ້ເຈົ້າຂອງເດີມໃນວັນ ທີ 15 ຕຸ ລາ 2019, ກ່າວມອບໂດຍ ພັທ ທອງສະຫວັດ ແສນສຸວາດ ຫົວໜ້າກອງບັນຊາການ ປກສ ເມືອງສີສັດຕະນາກ ກ່າວຮັບໂດຍຕາງໜ້າເຈົ້າຂອງລົດຈໍານວນດັ່ງກ່າວ.


ພັທ ທອງສະຫວັດ ແສນສຸວາດ ກ່າວວ່າ ລົດໃຫຍ່ ແລະ ລົດ ຈັກຈໍານວນດັ່ງກ່າວ ແມ່ນເກັບກູ້ຄືນໄດ້ຈາກການມ້າງຄະດີລັກຊັບ-ຍັກຍອກຊັບຂອງພົນລະເມືອງ ໃນຂອບເຂດອ້ອມຂ້າງໃນໄລຍະຜ່ານມາ, ເຊິ່ງສາມາດກັກຕົວຜູ້ຖືກຫາ ໄດ້ 5 ຄົນ ຊື່ ທ້າວ ແມັກກີ້ ອາຍຸ 25 ປິ ແລະ ທ້າວ ສະໄຫວ ຫຼື ໂຊລ້າ ອາຍຸ 19 ປີ ທັງສອງຢູ່ບ້ານບຶງຂະຫຍອງ; ທ້າວ ພອນ ປະດິດ ອາຍຸ 18 ປີ ບ້ານທົ່ງກາງທັງ 3 ຄົນ ຢູ່ເມືອງສີສັດຕະນາກ, ທ້າວ ດາລາເພັດ ອາຍຸ 27 ປີ ບ້ານວັດນາກ ແລະ ທ້າວ ພອນໄຊ ອາ ຍຸ 35 ປີ ຢູ່ບ້ານໜອງດ້ວງ ທັງ 2 ຄົນ ຢູ່ເມືອງສີໂຄດຕະບອງ ລວມ ຂອງກາງລົດທີ່ສາມາດເກັບກູ້ຄືນ ໄດ້ທັງໝົດ 12 ຄັນ ຄື: ລົດເກັງ ຈໍານວນ 2 ຄັນ ແລະ ລົດຈັກເວັບຮ້ອຍ-ສະກູປີໄອ ຈໍານວນ 10 ຄັນ.

ຄະດີດັ່ງກ່າວ, ເຈົ້າໜ້າທີ່ ປກສ ເມືອງສີສັດຕະນະນາກ ພວມດໍາເນີນການສືບສວນ-ສອບສວນຂະຫຍາຍຜົນຫາກຸ່ມແກ້ງທີ່ພົວພັນກັບການລັກຊັບໃນຄັ້ງນີ້ ໄປດໍາເນີນຄະດີຕາມກົດໝາຍ.


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.