ຂ່າວເດັ່ນ

ພະແນກກະສິກຳ-ປ່າໄມ້ເຄື່ອນໄຫວມອບເຄື່ອງອຸປະໂພກ-ບໍລິໂພກ ຊ່ວຍເຫຼືອປະຊາຊົນຈຸດສຸມຕັ່ງຫວາຍ-ລຳທວາຍ ຫຼັງນຳ້ບົກ





ໃນວັນທີ 15 ກັນຍາ ຜ່ານ ມານີ້, ຄະນະພະແນກກະສິກຳ ແລະປ່າໄມ້ແຂວງສະຫວັນນະເຂດ ນຳໂດຍທ່ານ ບຸນເລດ ຈັນທອງທິບ ຮອງຫົວໜ້າພະ ແນກກະສິກຳ-ປ່າໄມ້ແຂວງ ພ້ອມດ້ວຍຄະນະນຳ ແລະພະ ນັກງານ-ລັດຖະກອນພາຍ ໃນພະແນກດັ່ງກ່າວຈຳນວນ 65 ຄົນ ໄດ້ນຳເອົາເຄື່ອງບໍ ລິໂພກ-ອຸປະໂພກລົງໄປມອບ ຊ່ວຍເຫຼືອບັນເທົາທຸກໃຫ້ພໍ່ແມ່ ປະຊາຊົນຈຸດສຸມຕັ່ງຫວາຍ-ລຳທວາຍເມືອງຊົນນະບູລີ ທີ່ໄດ້ ຮັບຜົນກະທົບຈາກໄພນ້ຳຖ້ວມ ເຊິ່ງຕາງໜ້າຮັບເຄື່ອງຊ່ວຍ ເຫຼືອໃນຄັ້ງນີ້ມີຄະນະກຳມະ ການຕ້ານໄພພິບັດຂັ້ນເມືອງ, ຫົວໜ້າຈຸດສຸມຕັ່ງຫວາຍ-ລຳທວາຍ ແລະອຳນາດການ ປົກຄອງບ້ານເຂົ້າຮ່ວມ.
ທ່ານ ບຸນເລດ ຈັນທອງທິບ ໄດ້ໃຫ້ສຳພາດຕໍ່ນັກຂ່າວພວກ ເຮົາວ່າ: ພະແນກພວກເຮົາໄດ້ ປຸກລະດົມອ້າຍນ້ອງພະນັກ ງານຈາກຂະແໜງການຕ່າງໆ ຕະຫຼອດເຖິງການຈັດຕັ້ງກຳ ມະບານ, ຊາວໜຸ່ມ, ແມ່ຍິງພາຍ ໃນພະແນກ ສ້າງຂະບວນການ ລະດົມເຄື່ອງຊ່ວຍເຫຼືອ ແລະ ວັດ ຖຸສິ່ງຂອງເປັນຕົ້ນ: ເຂົ້າສານ, ນ້ຳດື່ມ, ອາຫານ ແຫ້ງ, ໝີ່, ຫວດ, ໝໍ້ນຶ້ງແລະສິ່ງຂອງຈຳ ເປັນອື່ນໆລົງໄປມອບຊ່ວຍເຫຼືອ ບັນເທົາທຸກໃຫ້ພໍ່ແມ່ປະຊາຊົນ ເຂດຈຸມສຸມຕັ່ງຫວາຍ-ລຳ ທວາຍທີ່ໄດ້ຮັບຜົນກະທົບຈາກ ໄພນ້ຳຖ້ວມ ແລະພົບຄວາມ ຫຍຸ້ງຍາກລຳບາກໃນການດຳ ລົງຊີວິດ, ລວມມູນຄ່າເຄື່ອງ ຊ່ວຍເຫຼືອຫຼາຍກວ່າ 35 ລ້ານ ກີບ, ຊຶ່ງເຄື່ອງຊ່ວຍເຫຼືອດັ່ງ ກ່າວນີ້ແມ່ນໄດ້ມອບໃຫ້ທາງ ຈຸດສຸມເພື່ອນຳໄປແຈກຢາຍໃຫ້ປະຊາຊົນຕໍ່ໃຫ້ທົ່ວເຖິງ.
ຈຸດສຸມຕັ່ງຫວາຍ-ລຳ ທວາຍ ມີຈຳນວນບ້ານທັງໝົດ 21 ບ້ານ, ໃນນີ້ ມີບ້ານທີ່ຖືກ ນ້ຳຖ້ວມ 16 ບ້ານ, ມີ1.465 ຄອບຄົວ, ພົນລະເມືອງເກືອບ 5 ພັນຄົນ ໄດ້ຮັບຜົນກະທົບ, ມີເນື້ອທີ່ຖືກຖ້ວມ 926 ກວ່າ ເ ຮັກ ຕາ, ມີເຮືອນ 370 ຫຼັງຄາ, ເລົ້າເຂົ້າ 287 ຫຼັງ, ໂຮງຮຽນ 10 ແຫ່ງ, ລົດຫຸ່ນໄດ 5 ຄັນ, ລົດໄຖນາ 40 ຄັນ, ລົດຈັກ 79 ຄັນ, ໂຮງສີເຂົ້າ 8 ໂຮງ ຖືກນ້ຳຖ້ວມ, ຈາກນີ້ ກໍ່ມີ ຄວາຍຕາຍ 35 ໂຕ, ງົວ 84 ໂຕ, ແບ້ 66 ໂຕ, ໝູ 214 ໂຕ ແລະສັດປີກອີກ 2 ພັນກວ່າໂຕ. ເຊິ່ງໃນຈຳນວນ 16 ບ້ານ ທີ່ ໄດ້ຮັບຜົນກະທົບຈາກນ້ຳຖ້ວມ ນີ້ມີ 6 ບ້ານ ທີ່ຕັ້ງລຽບແຄມ ເຊບັ້ງຫຽງ ແມ່ນຖືກຜົນກະ ທົບໜັກ ເຊິ່ງນ້ຳໄດ້ໄຫຼເຊາະ ບ້ານເຮືອນ ແລະເລົ້າເຂົ້າຂອງປະຊາຊົນເສຍຫາຍຫຼາຍຫຼັງ.
ໂອກາດນີ້, ຍັງມີໂຮງງານ ປຸງ ແຕ່ງໄມ້ລາວ-ຫວຽດ ເມືອງ ອາດສະພອນ ໄດ້ມອບເງິນ ຊ່ວຍເຫຼືອອີກຈຳນວນ 5 ລ້ານ ກີບ./.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.