ຂ່າວເດັ່ນ

ຢຶດຢາບ້າ 60 ພັນເມັດ ພ້ອມຜູ້ຖືກຫາ 1 ຄົນຢູ່ເຂດບ້ານຫຼັກ 35





ຢຶດຢາບ້າ 60 ພັນເມັດ ພ້ອມຜູ້ຖືກຫາ 1 ຄົນຢູ່ເຂດບ້ານຫຼັກ 35

ໃນວັນທີ 8 ກັນຍາ 2019, ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດ ໄດ້ ຢຶດຢາບ້າ 60.000 ເມັດ ຢູ່ເສັ້ນທາງ 13 ໃຕ້ ເຂດບ້ານຫຼັກ 35 ເມືອງຈໍາພອນ ທີ່ຊຸກເຊື່ອງໄວ້ປ່າແຄມ ທາງໃນຂະນະລໍຖ້າຜູ້ມາຊື້ ແລະ ສາມາດຈັບຕົວຜູ້ຖືກຫາໄດ້ 1 ຄົນ, ສ່ວນຜູ້ຮ່ວມຂະ ບວນການແລ່ນໜີເຂົ້າປ່າ.


ເຈົ້າໜ້າທີ່ ປກສ ແຂວງສະຫວັນນະເຂດ ໃຫ້ຮູ້ວ່າ: ຜູ້ຖືກຫາຊື່ ທ້າວ ສົມບັດ ຢູ່ບ້ານນາອຸດົມ ເມືອງສອງຄອນ ແຂວງສະຫວັນນະເຂດ. ກ່ອນຈັບຕົວຜູ້ກ່ຽວແມ່ນໄດ້ຮັບລາຍງານຈາກແຫຼ່ງຂ່າວວ່າ ຜູ້ກ່ຽວກໍາລັງເຄື່ອນໄຫວ ຄ້າຂາຍຢາເສບຕິດຢູ່ເສັ້ນທາງ ເລກທີ 13 ໃຕ້ ເຂດບ້ານຫຼັກ 35 ເມືອງຈຳພອນ ແຂວງສະຫວັນນະເຂດ. ຈາກນັ້ນ, ຈຶ່ງໄດ້ຈັດຕັ້ງກຳລັງວິຊາສະເພາະລົງຕິດຕາມກວດກາຢູ່ຈຸດດັ່ງກ່າວ ຮອດເວລາປະ ມານ 15:13 ໂມງຂອງວັນດຽວກັນ ຈຶ່ງເຫັນລົດວີໂກ້ ສີປອນເງິນ ບໍ່ຕິດປ້າຍທະບຽນແລ່ນມາຈອດຢູ່ຂ້າງປ້ຳນ້ຳມັນ ເຂດບ້ານຫຼັກ 35 ເຫັນຜູ້ກ່ຽວລົງຈາກລົດຄັນດັ່ງກ່າວ, ແຕ່ລົດກະບະວີໂກ້ຄັນດັ່ງກ່າວໄດ້ກາຍໄປຈອດລໍຖ້າຢູ່ແຄມປ່າກາຍປໍ້າ ນໍ້າມັນໄປປະ ມານ 100 ເມັດ. ດັ່ງນັ້ນ, ເຈົ້າໜ້າທີ່ຈຶ່ງເຂົ້າຈັບຕົວ ທ້າວ ສົມບັດ, ເຊິ່ງຜູ້ກ່ຽວຮັບສາລະພາບຢາບ້າແມ່ນຊຸກເຊື່ອງໄວຢູ່ແຄມທາງກາຍປໍ້ານໍ້າມັນໄປປະມານ 100 ເມັດ ຈຶ່ງນໍາຕົວໄປກວດກາພົບເຫັນຢາບ້າຈໍານວນ 30 ເມັດ ມີຈໍານວນ 60.000 ເມັດ ຊຸກເຊື່ອງໄວ້ປ່າແຄມທາງ.

ສ່ວນຜູ້ຮ່ວມຂະບວນການທີ່ມານຳກັນໄດ້ຂັບຂີ່ລົດວີໂກ້ຄັນດັ່ງກ່າວຫຼົບໜີ ເຈົ້າໜ້າທີ່ຈຶ່ງໄລ່ຕາມຈັບຕົວໄປຮອດເຂດບ້ານດົງຄັນຄູ ເມືອງຈຳພອນ ເເຂວງສະຫວັນນະເຂດ ພົບເຫັນແຕ່ລົດວີໂກ້ຄັນດັ່ງກ່າວຈອດຢູ່ແຄມທາງ. ແຕ່ຄົນຂັບແມ່ນຫຼົບໜີເຂົ້າປ່າ. ຈາກນັ້ນ, ໄດ້ກວດກາເບິ່ງລົດພົບເຫັນປ້າຍທະບຽນ ກຄ 3453 ສະຫວັນນະເຂດຢູ່ໃນລົດ.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.