ຂ່າວເດັ່ນ

ປະຊາຊົນຈຳນວນ 6 ບ້ານ ພາຍໃນເມືອງງາ ໄດ້ຮັບເງີນຊົດເຊີຍຜົນກະທົບຈາກທາງລົດໄຟ




ພິທີມອບໃບຍ້ອງຍໍ ແລະ ເງີນຊົດເຊີຍຜົນກະທົບໃຫ້ແກ່ປະຊາຊົນເມືອງງາ ແຂວງອຸດົມໄຊ ທີ່ໄດ້ປະກອບສ່ວນດີນປຸກສ້າງ ເຮືອນ ດີນປູກຝັງ ແລະ ຜົນລະປູກ ໂຄງການກໍ່ສ້າງທາງລົດໄຟລາວ-ຈີນ ຊ່ວງຜ່ານແຂວງອຸດົມໄຊ ງວດທີ 2 ໄດ້ຈັດຂື້ນຢ່າງເປັນທາງການໃນວັນທີ່ 24 ກັນຍາ 2019 ນີ້ ທີ່ສະໂມສອນເມືອງງາ ໂດຍການເຂົ້າຮ່ວມຂອງທ່ານ ສົມຈິດ ປັນຍາສັກ ຮອງເຈົ້າແຂວງໆ ອຸດົມໄຊ ມີທ່ານ ສີວອນ ຢູລິໄຊ ຮອງເຈົ້າເມືອງໆງາ ແລະ ມີບັນດາຫົວຫນ້າພະແນກການທີ່ ແລະ ວິຊາການທີ່ກ່ຽວຂ້ອງ ພ້ອມດ້ວຍປະຊາຊົນທີຖຶກຜົນກະທົບຈາກ 6 ບ້ານ ເຂົ້າຮ່ວມ.


ພິທີໄດ້ຜ່ານບົດສະຫຼຸບໂດຍຫຍໍ້ຈາກການຊົມເຊີຍທັງໝົດຈຳນວນ 3ຄັ້ງ ແລະ ຄັ້ງນີ້ກໍເປັນຄັ້ງທີ່4 ເຊີ່ງຄັ້ງທີ່ 1 ແມ່ນໄດ້ຊົດເຊີຍຄ່າເຂົ້າ ປີ 2017 ຈຳນວນ 5 ບ້ານ ເປັນເງິນ 157ລ້ານກ່ວາກີບ ຄັ້ງທີ່2 ແມ່ນຈ່າຍຄ່າເຂົ້າປີ 2018 ຈຳນວນ 9 ບ້ານ 159ຄອບຄົວ ເປັນເງິນ 594ລ້ານກ່ວາກີບ, ຄັ້ງທີ່3 ຈ່າຍຊົດເຊີຍຄ່າເຮືອນ ຈຳນວນ 2ບ້ານ 12ຄອບຄົວ ເປັນເງິນ 513ລ້ານກ່ວາກີບ, ແລະ ຄັ້ງທີ່4 ແມ່ນຈ່າຍຜົນກະທົບໃນເສັ້ນແດງ ຈຳນວນ6 ບ້ານ 181 ຄອບຄົວ ເປັນເງີນ11ຕື້ 830 ລ້ານກ່ວາກີບ ແລະ ໃຫ້ກຽດມອບເງີນຊົດເຊີຍຄັ້ງນີ້ໂດຍແມ່ນທ່ານສົມຈິດ ປັນຍາສັກ ຮອງເຈົ້າແຂວງໆອຸດົມໄຊ ແລະຮັບໂດຍຄະນະບ້ານ6ບ້ານທີໄດ້ຮັບຜົນກະທົບ ໂອກາດນີ້ທ່ານກໍໄດ້ໂອ້ລົມຕໍ່ກັບປະຊາຊົນບັນດາເຜົ່າ ໂດຍໄດ້ຍົກໃຫ້ເຫັນຄວາມຫມາຍຄວາມສຳຄັນຂອງໂຄງການກໍສ້າງທາງລົດໄຟລາວ-ຈີນ ທີ່ພັກລັດໄດ້ຕັດສິນໃຈລົງທຶນເຂົ້າຮ່ວມໂຄງການດັ່ງກ່າວ ພ້ອມທັງໄດ້ຍົກໃຫ້ເຫັນເຖີງຜົນປະໂຫຍດທີ່ຈະໄດ້ຮັບພາຍຫຼັງທາງລົດໄຟສ້າງສຳເລັດ ພ້ອມນີ້ທ່ານຍັງໄດ້ກ່າວຍ້ອງຍໍຊົມເຊີຍຕໍ່ນ້ຳໃຈອັນເສຍສະຫຼະອັນສູງສົ່ງຂອງພໍ່ແມ່ປະຊາຊົນເມືອງງາທີ່ໄດ້ປະກອບສ່ວນເຂົ້າໃນການພັດທະນາປະເທດຊາດຕາມແນວທາງຂອງພັກ ແລະ ລັດວາງໄວ້ ພ້ອມທັງໄດ້ເນັ້ນໃຫ້ຄະນະກວດກາເອົາໃຈໃສ່ກວດກາໃຫ້ລະອຽດເພື່ອໃຫ້ປະຊາຊົນໄດ້ັຮັບຜົນປະໂຫຍດສຸງສຸດ. ຂ່າວໃຫ້ຮູ້ອີກວ່າ.


ໂຄງການກໍ່ສ້າງເສັ້ນທາງລົດໄຟລາວ-ຈີນ ສະເພາະແຂວງອຸດົມໄຊ ມີທັງໝົດ 16 ບ້ານ, ໃນນັ້ນ ເມືອງນາໝໍ້ 5 ບ້ານ, ເມືອງໄຊ 5 ບ້ານ ແລະ ເມືອງງາ 6 ບ້ານ ລວມມູນຄ່າທັງໝົດ 47,4 ຕື້ກວ່າກີບ.ສຳລັບການເບີກຈ່າຍເງິນຊົດເຊີຍ ແລະ ເງິນຄ່າເຂົ້າ ໄລຍະຜ່ານມາ ໂດຍສະເພາະໃນປີ 2017 ຈຳນວນ 3 ເມືອງ ລວມເປັນເງິນ 1,7 ຕື້ກວ່າກີບ ແລະ ປີ 2018 ຈຳນວນ 2,2 ຕື້ກວ່າກີບ ໃນນັ້ນ ເມືອງນາໝໍ້ ມີຈຳນວນ 10 ບ້ານ 85 ຄອບຄົວ ຍັງຄ້າງຈ່າຍ 31 ຄອບຄົວ, ເມືອງໄຊ 13 ບ້ານ 296 ຄອບຄົວ ຍັງຄ້າງຈ່າຍ 17 ຄອບຄົວ, ເມືອງງາ 9 ບ້ານ 187 ຄອບຄົວ.ນອກນັ້ນ ຍັງໄດ້ຈ່າຍເງິນຊົດເຊີຍຜົນກະທົບ ປະຈຳງວດທີ 1 ໂດຍສະເພາະແມ່ນ ຄ່າທີ່ດິນ, ຜົນລະປູກ ຢູ່ເມືອງໄຊ ຈຳນວນ 13 ຄອບຄົວ ລວມມູນຄ່າ 4,6 ຕື້ ກວ່າກີບ, ຄ່າໂຮງຮຽນບ້ານຫ້ວຍຂຸມ 15 ຕື້ກວ່າກີບ.
ຂ່າວ: ແສງອາທິດ



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.