ຂ່າວເດັ່ນ

ອິນໂດເນເຊຍ ເດີນໜ້າສົ່ງ ຕູ້ຄອນເທນເນີຂີ້ເຫຍື້ອ 547 ຕູ້ ຄືນສູ່ປະເທດຕົ້ນທາງ



ໃນວັນທີ 19 ກັນຍາ ທີ່ຜ່ານມາ, ສຳນັກຂ່າວ ສະເຕຣດທາມ ລາຍງານການດຳເນີນການສົ່ງຄືນ ຂີ້ເຫຍື້ອທີ່ປະເທດມະຫາອຳນາດໃນເອີຣົບ ແລະ ອາຊີ ລັກລອບສົ່ງເຂົ້າມາຖິ້ມ ໃນອາຊີຕາເວັນອອກສຽງໃຕ້ ອີກຄັ້ງ ວ່າ: ທາງການອິນໂດເນເຊຍ ເດີນໜ້າສົ່ງຕູ້ຄອນເທນເນີບັນຈຸຂີ້ເຫຍື້ອ 547 ຕູ້ ກັບຄືນໄປຍັງປະເທດຕົ້ນທາງ ເຊິ່ງລວມມີ ສະຫະລັດອາເມລິກາ, ອັງກິດ, ຝຣັ່ງ, ເຢຍລະມັນ ແລະ ການາດາ.


ທ່າມກາງກະແສຮຽກຮ້ອງໃຫ້ລັດຖະບານ ຍົກມາດຕະການລົງໂທດຂັ້ນເດັດຂາດກັບ ບໍລິສັດເອກະຊົນ ທີ່ລັກລອບເຮັດທຸລະກິດນຳເຂົ້າຂີ້ເຫຍື້ອເປັນພິດ ລວມເຖິງ ຂີ້ເຫຍື້ອທີ່ແອບອ້າງວ່າ ເປັນພລາສະຕິກຣີໄຊເຄິນ.

ທ່ານ ເຮຣູ ປຳບູດີ ຜູ້ອຳນວຍການ ສຳນັກງານພາສີອາກອນ ອິນໂດເນເຊຍ ຖະແຫຼງການວ່າ
ສົ່ງຄືນຕູ້ຄອນເທນເນີຂີ້ເຫຍື້ອໄປແລ້ວ 331 ຕູ້ ຈາກທັງໝົດ 547 ຕູ້, ໃນຈຳນວນນີ້ມີ 91 ຕູ້ ມາຈາກ ອົດສະຕຣາລີ, 156 ຕູ້ ຢູ່ທີ່ທ່າເຮືອເມືອງທັງເກີຣັງ ຢູ່ເກາະຊວາ ມາຈາກ ອັງກິດ, ນູແວນເຊລັງ, ແອັດສະປາຍ, ສະຫະລັດອາເມລິກາ ແລະ ຈະດຳເນີນການສົ່ງຄືນຕູ້ຂີ້ເຫຍື້ອ ທີ່ຍັງເຫຼືອອີກ 216 ຕູ້ ກັບໄປຍັງ ຝຣັ່ງ, ເຢຍລະມັນ, ເກຼັກ, ຮອນແລນ, ການາດາ, ຍີ່ປຸ່ນ ແລະ ຮົງກົງ.
ທ່ານ ເຮຣູ ປຳບູດີ ກ່າວວ່າ: ຂີ້ເຫຍື້ອບາງສ່ວນ ເປັນເສດອາຫານທີ່ຍັງມີຂອງແຫຼວລອຍຢູ່, ເຊິ່ງຕັ້ງແຕ່ຕົ້ນປີທີ່ຜ່ານມາ ທາງການສາມາດສະກັດຕູ້ຄອນເທນເນີຂີ້ເຫຍື້ອ ໄດ້ຫຼາຍກວ່າ 2.000 ຕູ້ ຢູ່ທີ່ທ່າເຮືອແຂວງຊວາຕາເວັນອອກ, ທັງເກີຣັງ ແລະ ບາຕຳ.


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.