ຂ່າວເດັ່ນ

ທາງດ່ວນ ນະຄອນຫຼວງວຽງຈັນ-ວັງວຽງສໍາເລັດແລ້ວ 40% ເປັນຂ່າວທີ່ດີຫລາຍ



ການກໍ່ສ້າງເສັ້ນທາງດ່ວນທີ່ເຊື່ອມຕໍ່ລະຫວ່າງນະຄອນຫຼວງວຽງຈັນຫາເມືອງວັງວຽງ ແຂວງວຽງຈັນ ຊຶ່ງມີຄວາມຍາວ 113,5 ກີໂລແມັດ ມາຮອດປັດຈຸບັນການກໍ່ສ້າງແມ່ນສຳເລັດແລ້ວກວ່າ 40% ໂດຍໂຄງການດັ່ງກ່າວເລີ່ມກໍ່ສ້າງມາແຕ່ເດືອນເມສາ 2018 ຄາດວ່າພາຍໃນປີ 2021 ຈະເປີດໃຊ້ຢ່າງເປັນທາງການ.

ເມື່ອທາງດ່ວນເສັ້ນນີ້ສ້າງສໍາເລັດຈະມີການເກັບປີ້ຜ່ານທາງ ໂດຍຜູ້ຊົມໃຊ້ທາງດ່ວນເສັ້ນນີ້ ຈະໄດ້ເສຍເງິນປະມານ 550 ກີບຕໍ່ 1 ກີໂລແມັດ ຫຼື ປະມານ 62.000 ກີບ (ນັບແຕ່ນະຄອນຫຼວງວຽງຈັນເຖິງວັງວຽງ) ໂດຍນັກລົງທຶນຈີນໄດ້ສໍາປະທານເສັ້ນທາງນີ້ໄລຍະເວລາ 50 ປີ ມູນຄ່າການກໍ່ສ້າງທັງໝົດ ຢູ່ທີ່ 1,2 ຕື້ໂດລາ ໃນນັ້ນ ລັດຖະບານ ສປປ ລາວ ຖືຮຸ້ນ 5%.

ຢ່າງໃດກໍຕາມ ເສັ້ນທາງດ່ວນສາຍນີ້ໄດ້ສ້າງໃຫ້ເປັນແລວຄູ່ຂະໜານໄປກັບເສັ້ນທາງລົດໄຟຄວາມໄວສູງ ລາວ-ຈີນ ທີ່ເລີ່ມຈາກບ້ານສີເກີດ ເມືອງນາຊາຍທອງຫາເມືອງວັງວຽງ ແຂວງວຽງຈັນ ຄວາມໄວທີ່ອະນຸຍາດໃຫ້ຂັບຂີ່ເທິງທາງດ່ວນສາຍນີ້ແມ່ນ 100 ກີໂລແມັດຕໍ່ຊົ່ວໂມງຈາກເຂດຮາບພຽງບ້ານສີເກດຫາເມືອງໂພນໂຮງ ຫຼັງຈາກນັ້ນຄວາມໄວທີ່ຈະອະນຸຍາດໃຫ້ຂັບຂີ່ແມ່ນ 80 ກີໂລແມັດຕໍ່ຊົ່ວໂມງໃນເຂດຄ້ອຍຊັນມີພູຜາຫຼາຍນັບແຕ່ເຂດເມືອງໂພນໂຮງໄປຫາເມືອງວັງວຽງ.


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.