ຂ່າວເດັ່ນ

ແຂວງຈຳປາສັກ ຕ້ອງການງົບ 25 ຕື້ ກີບ ດ່ວນ ເພື່ອຟື້ນຟູພື້ນຖານໂຄງລ່າງ




ພະແນກໂຍທາທິການ ແລະ ຂົນສົ່ງ (ຍທຂ) ແຂວງຈຳປາສັກໃຫ້ຮູ້ວ່າ ມີເສັ້ນທາງຈຳນວນ 115 ເສັ້ນ ແລະ ຂົວ 7 ແຫ່ງຖືກເປ່ເພ ແລະ ເສຍຫາຍຍ້ອນນໍ້າຖ້ວມນັບແຕ່ວັນທີ 31 ສິງຫາ - 8 ກັນຍາ 2019 ທີ່ມີຝົນຕົກໜັກ.
ທ່ານ ຈັນທະວີສຸກ ວັນສີລິ ຮອງຫົວໜ້າພະແນກ ຍທຂ ແຂວງຈໍາປາສັກ ໄດ້ລາຍງານກ່ຽວກັບຜົນເສຍຫາຍຂອງເສັ້ນທາງທີ່ຖືກນໍ້າຖ້ວມມື້ວານນີ້ 23/09/2019 ວ່າ: 9 ມື້ທີ່ມີຝົນຕົກໜັກ ແລະ ມີນໍ້າຖ້ວມຂັງເປັນບໍລິເວນກວ້າງຢູ່ແຂວງຈຳປາສັກ ໄດ້ເຮັດໃຫ້ພື້ນຖານໂຄງລ່າງໄດ້ຮັບຜົນກະທົບ ໂດຍສະເພາະແມ່ນເສັ້ນທາງຄົມມະນາຄົມ ແລະ ຂົວ ຖືກເປ່ເພ ແລະ ເສຍຫາຍຢ່າງໜັກ.

ຕາມການເກັບກຳຂໍ້ມູນຂອງ ພະແນກ ຍທຂ ເຫັນວ່າຜົນເສຍຫາຍແມ່ນເສັ້ນທາງ ແລະ ຂົວ ລວມມີເສັ້ນທາງເສຍຫາຍທັງໝົດ 115 ເສັ້ນ ແລະ ຂົວທີ່ໄດ້ຮັບຜົນເສຍຫາຍທັງໝົດ 7 ແຫ່ງ.
ທ່ານ ຈັນທະວີສຸກ ຍັງໄດ້ເວົ້າອີກວ່າ: ແຜນໃນການຟື້ນຟູພື້ນຖານໂຄງລ່າງໃນໄລຍະແກ້ໄຂສຸກເສີນນີ້ ພະແນກ ຍທຂ ແຂວງ ໄດ້ຂຶ້ນແຜນສະເໜີຫາຂັ້ນເທິງໃນການຂໍງົບປະມານມາສ້ອມແປງໂດຍສະເພາະແມ່ນມາສ້ອມແປງເສັ້ນທາງທີ່ຖືກຕັດຂາດຈຳນວນ 23 ເສັ້ນມູນຄ່າ 16,20 ຕື້ກີບ ແລະ ຂົວ 7 ແຫ່ງມູນຄ່າ 9,6 ຕື້ກີບ ລວມທັງເສັ້ນທາງທີ່ເປ່ເພອື່ນໆອີກ 90 ເສັ້ນ ມູນຄ່າ 43 ຕື້ກີບ ຈະໄດ້ສະເໜີຂໍຟື້ນຟູຫຼັງລະດູຝົນ.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.