ຂ່າວເດັ່ນ

ອົບຮົມ-ຫັດແອບ ວິຊາປ້ອງກັນຊາດ-ປ້ອງກັນຄວາມສະຫງົບໃຫ້ນັກສຶກສາ ມຂ ປະຈຳປີ 2019





ນັກສຶກສາຈາກມະຫາວິ ທະຍາໄລສະຫວັນນະເຂດ ຈຳນວນ 977 ຄົນ, ຍິງ 571 ຄົນ ໄດ້ເຂົ້າຮ່ວມການອົບຮົມ-ຫັດແອບວິຊາປ້ອງກັນຊາດ-ປ້ອງກັນຄວາມສະຫງົບປະ ຈຳປີ 2019. ຈຸດປະສົງຂອງການຫັດແອບຄັ້ງນີ້ກໍ່ເພື່ອໃຫ້ນັກສຶກສາມີສະຕິລະວັງຕົວຕໍ່ກົນອຸບາຍ, ຍຸດທະສາດຕ້ານການຫັນປ່ຽນໂດຍສັນຕິຂອງສັດຕູ, ກຽມພ້ອມຮັບໃຊ້ຊາດ ເມື່ອຊາດມີຄວາມຮຽກຮ້ອງ ຕ້ອງການ, ພ້ອມທັງເປັນການ ເຮັດໃຫ້ນັກສຶກສາມີຄວາມ ຮູ້ພື້ນຖານກ່ຽວກັບວຽກງານ ປ້ອງກັນຊາດ-ປ້ອງກັນ ຄວາມສະຫງົບດີຂຶ້ນ. ໃນນີ້, ພາກທິດສະດີການເມືອງ ລວມມີ 6 ບົດຄື: ຄວາມໝາຍ ສຳຄັນຂອງວຽກງານ ປກຊ-ປກສ, ມູນເຊື້ອກອງທັບປະຊາ ຊົນລາວໃຕ້ຮົ່ມທຸງປະຕິວັດ, ຍຸດທະສາດຕ້ານການຫັນ ປ່ຽນໂດຍສັນຕິຂອງສັດຕູ ແລະກຸ່ມຄົນບໍ່ດີ, ຄວາມຮູ້ພື້ນ ຖານກ່ຽວກັບເລົ່າລົບວິຊາ ສະເພາະຢູ່ໃນກອງທັບປະຊາ ຊົນລາວ, ແນວທາງນະໂຍບາຍ ຂອງພັກ-ລັດຕໍ່ເຜົ່າຊົນ. ພາກລະບຽບມີສອງບົດຄື: ລະບຽບຮູບແຖວບຸກຄົນ ແລະເຄື່ອນທີ່ 20 ຈັງຫວະ, ລະບຽບຮູບແຖວບຸກຄົນມີປືນ ປະຈຳທີ່ ແລະເຄື່ອນທີ່ 8 ຈັງຫວະ. ພາກສິລະປະຍຸດມີ 6 ບົດຄື: ຄຸນຄ່າສະມັດຕະ ພາບການປະກອບສ້າງຂອງ ປືນ AK, ຄຸນຄ່າສະມັດຕະພາບ ການປະກອບສ້າງຂອງປືນ CKC, ບົດຍິງປືນທະຫານລາບ 4 ທ່າ, ຄວາມຮູ້ພື້ນຖານກ່ຽວ ກັບໝາກແຕກ(ລະເບີດ), ຫຼັກການຍິງປືນບົດເປີດສາກ ປືນ AK,CKC, ປະຕິບັດ ຍິງລູກປືນແທ້ AK,CKC. ໃຫ້ກຽດເຂົ້າຮ່ວມເປັນປະ ທານໃນການອົບຮົມ-ຫັດ ແອບຂອງນັກສຶກ​ສາມະຫາ ວິທະຍາໄລສະຫວັນນະເຂດ ໃນສົກປີນີ້ ໂດຍ ແມ່ນ ທ່ານ ປອ ສຸລິຍົງ ໄຊໂກສີ ອະທິ ການບໍດີ ມຂ ພ້ອມດ້ວຍຄະນະ ຈາກກອງບັນຊາການທະຫານ ແຂວງສະຫວັນນະເຂດ, ສ່ວນສະຖານທີ່ອົບຮົມ-ຫັດ ແອບແມ່ນໄດ້ຈັດຂຶ້ນທີ່ສະ ໜາມຍິງປືນຢູ່ກອງພັນ 207(ໜອງໂກ່ມ)ໃນວັນທີ 13 ກັນຍາ 2019./.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.