ຂ່າວເດັ່ນ

ເຈົ້າໜ້າທີ່ ປກສ ເມືອງຊົນ ນະບູລີ ກັກຕົວຜູ້ຄ້າຂາຍຢາ ເສບຕິດ 1 ຄົນ ພ້ອມຂອງ ກາງ ຢາບ້າ 1.022 ເມັດ




ໃນວັນທີ 23 ສິງຫາ 2019 ນີ້, ໃນເວລາປະມານ 08 ໂມງ 30 ນາທີ ເຈົ້າໜ້າທີ່ ປກສ ເມືອງຊົນນະບູລີ ແຂວງ ສະຫວັນນະເຂດ ໄດ້ຮັບແຈ້ງ ຈາກພົນລະເມືອງດີວ່າ: ໄດ້ມີ ການຄ້າຂາຍຢາ ເສບຕິດຢູ່ບ້ານ ເຊວັນ ເມືອງຊົນນະບູລີ ແຂວງ ສະຫວັນນະເຂດ, ຈາກນັ້ນທາງ ເຈົ້າໜ້າທີ່ໜ່ວຍງານສະກັດກັ້ນ ແລະຕ້ານຢາເສບຕິດ ປກສ ເມືອງ ຈຶ່ງໄດ້ສົມທົບກັບພາກ ສ່ວນທີ່ກ່ຽວຂ້ອງໄດ້ວາງກໍາ ລັງເຂົ້າກວດກາແລະຕິດຕາມ ເປົ້າໝາຍ, ມາຮອດເວລາປະ ມານ 14 ໂມງ 30 ນາທີ ເຈົ້າໜ້າ ທີ່ສາມາດຈັບຕົວຜູ້ຖືກຫາໄດ້ 1 ຄົນ, ຊື່ທ້າວ ໂຢນາ ອາຍຸ33 ປີ ປະຊາຊົນບ້ານ ເຊວັນ ເມືອງຊົນ ນະບູລີ ແຂວງສະຫວັນ ນະເຂດ, ພ້ອມຂອງກາງ ຢາບ້າ 5 ຖົງກັບ 67 ເມັດ, ເທົ່າກັບ 1.022 ເມັດ, ຢູ່ໃນເຮືອນຂອງຜູ້ກ່ຽວເອງ ພ້ອມນໍາຕົວທ້າວ ໂຢນາ ມາ ສອບສວນ, ຜ່ານການສອບ ສວນເບື້ອງຕົ້ນຂອງເຈົ້າໜ້າທີ່, ຜູ້ກ່ຽວໄດ້ໃຫ້ການຮັບສາລະ ພາບວ່າ: ຢາບ້າຈໍານວນດັ່ງ ກ່າວແມ່ນຂອງຕົນແທ້ ແລະໄດ້ ສາລະພາບຕື່ມວ່າຢາບ້າໄດ້ຊື້ ມາຈາກຜູ້ຮ່ວມຂະບວນການ ເຊິ່ງຕິດຕໍ່ຊື້ຂາຍທາງໂທລະສັບ ເມື່ອໄດ້ຢາບ້າມາແລ້ວກໍ່ນໍາມາ ຈໍາໜ່າຍໃຫ້ກັບໄວໜຸ່ມພາຍໃນ ບ້ານ ໂດຍໄດ້ເຄື່ອນໄຫວຄ້າ ຢາເສບຕິດມາແຕ່ປີ 2017 ຈົນ ຮອດປະຈຸບັນ, ໃນຂະນະທີ່ຜູ້ ກ່ຽວກໍາລັງເຄື່ອນໄຫວຄ້າຂາຍຢາເສບຕິດຢູ່ນັ້ນຈຶ່ງໄດ້ຖືກເຈົ້າໜ້າທີ່ຈັບຕົວພ້ອມຂອງກາງຢາ ບ້າ 1.022 ເມັດ, ຄະດີດັ່ງກ່າວ ຍັງຢູ່ໃນຂັ້ນຕອນການສອບ ສວນຂະຫຍາຍຜົນຫາຜູ້ຮ່ວມ ຂະບວນການເພື່ອນໍາຕົວມາດໍາເນີນຄະດີຕາມລະບຽບກົດ ໝາຍບ້ານເມືອງ./.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.