ຂ່າວເດັ່ນ

ສະມາຄົມໜໍ່ໄມ້ ເມືອງທ່າປາງທອງ ຜ່ານລະບຽບປ່າສະຫງວນ ແລະ ວັງສະຫງວນ ບ້ານປະດ໋ອງ



ກອງປະຊຸມຜ່ານລະບຽບ, ຂໍ້ຫ້າມຕ່າງໆຂອງປ່າສະ ຫງວນ ດົງໜອງເຕົ່າ ແລະວັງ ສະຫງວນວັງຝັ່ງແດງ ບ້ານປະ ດ໋ອງ ເມືອງທ່າປາງທອງ ແຂວງສະຫວັນນະເຂດ ໄດ້ຈັດ ຂຶ້ນຢ່າງເປັນທາງການໃນວັນ ທີ 30 ກໍລະກົດ 2019 
ທີ່ ຫ້ອງການບ້ານດັ່ງກາວ ພາຍໃຕ້ການເປັນກຽດເຂົ້າຮ່ວມຂອງທ່ານ ຈັນເພັງ ສຸພາອອນ ຮອງຫົວໜ້າຫ້ອງວ່າການ ປົກຄອງເມືອງ, ທ່ານ ແອ ອຳພອນ ທຳມະວົງສາ ຫົວໜ້າ ສະມາຄົມໜໍ່ໄມ້ ປະຈຳເມືອງ, ທ່ານ ພັນຕີ ໄພມະນີ ພາວັນດີ ຄະນະກອງບັນຊາການ ປກສ ເມືອງ, ທ່ານ ນາງ ປັດທຸມມາ ສີສຸລາດ ຄະນະຫ້ອງການ ຖວທ ເມືອງ ຈາກນັ້ນກໍ່ມີບັນດາ ທ່ານຫ້ອງການກ່ຽວຂ້ອງ,ຫົວ ໜ້າຈຸດສຸມກຸ່ມບ້ານ, ເລຂາ ໜ່ວຍພັກ, ນາຍບ້ານ ແລະພິເສດ ຍັງມີຄະນະປົກຄອງບ້ານ ກະແໜບ ເມືອງຕຸ້ມລານ ແຂວງ ສາລະວັນ, ຄະນະປົກຄອງບ້ານ ໂນນໄຊ ເມືອງພີນ ກໍ່ໄດ້ຮັບກຽດ ເຂົ້າຮ່ວມ.

ໃນພິທີ, ໄດ້ຜ່ານບົດສະຫຼຸບ ສັງລວມວຽກງານສ້າງຕັ້ງປ່າສະຫງວນດົງໜອງເຕົ່າ ແລະ ວັງສະຫງວນວັງຝັ່ງແດງຂັ້ນ ບ້ານປະດ໋ອງ ເມືອງທ່າປາງ ທອງ, ຂັ້ນຕອນການຈັດຕັ້ງ ວາງແຜນວິຊາການເມືອງ, ຈັດ ປະຊຸມທາບທາມຄວາມພ້ອມ ຂອງອົງການຈັດຕັ້ງບ້ານ ແລະ ພໍ່ແມ່ປະຊາຊົນ, ເກັບກຳຂໍ້ມູນ ເສດຖະກິດ-ສັງຄົມຂອງບ້ານ, ລົງສຳຫຼວດຂອບເຂດປ່າ ແລະ ວັງສະຫງວນພ້ອມທັງເກັບ ກຳຂໍ້ມູນເຄື່ອງປ່າຂອງດົງ ແລະສຳຫຼວດຊີວະນາໆພັນ, ຝຶກອົບຮົມການເປັນຜູ້ນຳການ ວາງແຜນ ແລະບົດບາດຍິງ-ຊາຍ ແລະຕິດປ້າຍຫ້າມທັງໜົດ 83 ປ້າຍ ໃນນັ້ນປ້າຍຫ້າມນ້ອຍ 75 ປ້າຍ. ປ່າສະຫງວນດົງ ໜອງເຕົ່າ ແລະວັງສະຫງວນ ວັງຝັ່ງແດງມີເນື້ອທີ່ທັງໜົດ 562,24 ເຮັກຕາ, ວັງສະ ຫງວນວັງຝັ່ງແດງ ບ້ານປະ ດ໋ອງ ແມ່ນສາຍນໍ້າເຊກືມີເນື້ອ ທີ່ທັງໜົດ 538,91 ເຮັກຕາ ເຊິ່ງໄດ້ວັດແທກຄວາມຍາວ ທັງສອງຟາກຝັ່ງ 1.574 ແມັດ, ຄວາມກວ້າງຂອງວັງເບື້ອງ ເໜືອ 30 ແມັດ, ເບື້ອງໃຕ້ 41 ແມັດ, ສຳເລັດການຕິດປ້າຍ ຫ້າມທັງໜົດ 26 ປ້າຍ. ເປົ້າ ໜາຍກໍ່ເພື່ອອະນຸລັກສັດນໍ້າ ໃຫ້ມີການແຜ່ຂະຫຍາຍພັນ ໃຫ້ຫຼາກຫຼາຍ ແລະຍືນຍົງຕະ ຫຼອດໄປ. ບ້ານປະດ໋ອງ ມີ 160 ຫຼັງຄາເຮືອນ, ມີ 195 ຄອບ ຄົວ, ມີພົນລະເມືອງທັງໜົດ 1.049 ຄົນ, ຍິງ 509 ຄົນ, ປະຊາຊົນສ່ວນໃຫຍ່ເປັນຊົນ ເຜົ່າກະຕາງ,ຖືສາສະໜາຜີ, ອາ ຊີບຕົ້ນຕໍແມ່ນເຮັດນາ ແລະ ລ້ຽງສັດເປັນສໍາຮອງ./.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.