ຂ່າວເດັ່ນ

ຈັບໄດ້ 2 ຄົນນັດສົ່ງຢາບ້າຢູ່ຖຽງນາ ພ້ອມຂອງກາງກວ່າ 700 ເມັດ



ເຈົ້າໜ້າທີ່ ປກສ ເມືອງໂພນໂຮງ ແຂວງວຽງຈັນ ໄດ້ເຂົ້າຕົວຜູ້ຊາຍ 2 ຄົນທີ່ລັກລອບນັດສົ່ງຢາເສບຕິດ ປະເພດຢາບ້າ ຢູ່ຖຽງນາແຫ່ງໜຶ່ງ ເຂດບ້ານນາເຫຼົ່າ ເມືອງໂພນໂຮງ ພ້ອມຂອງກາງຢາບ້າ ຈຳນວນ 752 ເມັດ ໃນວັນທີ 2 ສິງຫາ 2019; ໂດຍ ຜູ້ຖືກຫາ 2 ຄົນ ຊື່ວ່າ: ທ້າວ ແລວຄໍາ ອາຍຸ 43 ປີ ຢູ່ບ້ານນາເຫຼົ່າ ແຂວງວຽງຈັນ ແລະ ທ້າວ ເລ້ ອາຍຸ 22 ປີ ຢູ່ບ້ານວັງມົນ ທັງ 2 ຄົນ ຢູ່ເມືອງໂພນໂຮງ ແຂວງວຽງຈັນ.ເຈົ້າໜ້າທີ່ ປກສ ເມືອງໂພນໂຮງ ເປີດເຜີຍໃຫ້ຮູ້ວ່າ: ໃນເບື້ອງຕົ້ນ ແມ່ນຈັບຕົວ ທ້າວ ແລວຄໍາ ພ້ອມຢາບ້າ ຈຳນວນ 37 ເມັດ ຢູ່ຖຽງນາ ເຂດບ້ານນາເຫຼົ່າ; ຈາກນັ້ນ, ຈຶ່ງຂະຫຍາຍຜົນໂດຍໃຫ້ ທ້າວ ແລວຄໍາ ໂທລະສັບສັ່ງຢາບ້ານໍາ ທ້າວ ເລ້ ເພື່ອໃຫ້ມາສົ່ງຢູ່ຖຽງນາດັ່ງກ່າວ ແລະ ບໍ່ພໍເທົ່າໃດນາທີ ກໍເຫັນ ທ້າວ ເລ້ ຂີ່ລົດຈັກມາສົ່ງຢາ
ບ້າຕາມນັດ, ເຈົ້າໜ້າທີ່ ຈຶ່ງເຂົ້າຈັບຕົວ ແລ້ວກວດຄົ້ນຮ່າງກາຍ ກໍພົບຢາບ້າ 721 ເມັດ ແລະ ຢາໄອສ໌ 1 ຖົງນ້ອຍສີຂາວ.

ຕາມການສອບສວນ, ທ້າວ ແລວຄໍາ ສາລະພາບ ວ່າ: ໄດ້ພົວພັນເສບ ແລະ ຂາຍຍ່ອຍຢາບ້າ ມາດົນເຕີບແລ້ວ, ຈົນມາຮອດເດືອນກໍລະກົດ 2019 ຜູ້ກ່ຽວ ໄດ້ຊື້ຢາບ້ານຳ ທ້າວ ເລ້ ຈຳນວນ 200 ເມັດ ເພື່ອເອົາມາໄວ້ຂາຍຕໍ່.



ສຳຫຼັບການສົ່ງຢານັ້ນ ສ່ວນຫຼາຍແມ່ນນັດສົ່ງໃຫ້ກັນຢູ່ຖຽງນາ ບ້ານນາເຫຼົ່າ ແລ້ວຜູ້ກ່ຽວກໍເອົາຢາບ້າໄປໄວ້ຂາຍໃຫ້ກັບໄວລຸ້ນທົ່ວໄປ; ມາຮອດວັນທີ 2 ສິງຫາ 2019, ຜູ້ກ່ຽວ ໄດ້ອອກໄປຫຼິ້ນຢູ່ຖຽງນາບ່ອນເກົ່າ ແລ້ວເອົາຢາບ້າ 1 ເມັດ ອອກມາເສບ ແລະ ຮອດເວລາປະມານ 12:00 ໂມງ ຂອງວັນດຽວກັນ ຈຶ່ງຖືກເຈົ້າໜ້າທີ່ຈັບຕົວ ພ້ອມຢາບ້າ 37 ເມັດ.

ສ່ວນດ້ານ ທ້າວ ເລ້ ໄດ້ຮັບສາລະພາບ ວ່າ: ໃນວັນທີ 2 ສິງຫາ 2019, ຜູ້ກ່ຽວ ໄດ້ໄປຊື້ຢາບ້ານໍາຄົນຮູ້ຈັກ ຢູ່ບ້ານນາບອນ ເມືອງໂພນໂຮງ ຈຳນວນ 721 ເມັດ ແລະ ຢາໄອສ໌ 1 ຖົງນ້ອຍ; ຫຼັງຈາກນັ້ນ, ກໍໄດ້ເອົາຢາບ້າໄປສົ່ງ ທ້າວ ແລວຄໍາ ຢູ່ຖຽງນາ ບ້ານນາເຫຼົ່າ ແຕ່ຍັງບໍ່ທັນໄດ້ຂາຍ ກໍຖືກເຈົ້າໜ້າທີ່ຈັບຕົວ ພ້ອມຂອງກາງຢາບ້າ ຈໍານວນ 721 ເມັດ ແລະ ຢາໄອສ໌ 1 ຖົງນ້ອຍ.


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.