ຂ່າວເດັ່ນ

ເມືອງສາລະວັນ ດໍາເນີນກອງປະຊຸມເປີດກວ້າງຄົບຄະນະ ວັນທີ 3 ກໍລະກົດ 2019



ເມືອງສາລະວັນ ດໍາເນີນກອງປະຊຸມເປີດກວ້າງຄົບຄະນະ
ວັນທີ 3 ກໍລະກົດ 2019 ເມືອງສາລະວັນ ໄດ້ຈັດກອງປະຊຸມເປີດກວ້າງຄົບຄະນະບໍລິຫານງານພັກເມືອງ ໄດ້ ຄັ້ງທີ 12 ສະໄໝທີ VIII ຢູ່ສະໂມສອນແຂວງ. ໂດຍການເປັນປະທານຂອງ ທ່ານ ທຶງ ຈອມມະນີ ຄະນະປະຈໍາພັກແຂວງ ເລຂາພັກເມືອງ ເຈົ້າເມືອງໆສາລະວັນ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ-ຮອງຫ້ອງການ, ພະນັກງານບໍານານ, ພ້ອມດ້ວຍເລຂາໜ່ວຍພັກນາຍບ້ານທົ່ວເມືອງສາລະວັນ ເຂົ້າຮ່ວມ.



ກອງປະຊຸມຄັ້ງນີ້ໄດ້ຕີລາຄາຄືນການນຳພາວຽກງານຮອບດ້ານຂອງຄະນະບໍລິຫານງານພັກເມືອງ, ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການຈັດຕັ້ງປະຕິບັດໂຄງການລົງທຶນຂອງລັດ, ສະຫຼຸບການປະຕິບັດແຜນງົບປະມານແຫ່ງລັດ, ພ້ອມທັງໄດ້ຄົ້ນຄວ້າບັນດາຂໍ້ຄົງຄ້າງ ແລະ ທິດທາງການແກ້ໄຂໃນແຕ່ລະຂົງເຂດວຽກງານໃນຕໍ່ໜ້າ ແລະ ຜູ້ເຂົ້າຮ່ວມໄດ້ປະກອບຄຳຄິດເຫັນໃສ່ຮ່າງບົົດຕີລາຄາການນຳພາຮອບດ້ານ ໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019. 




ໂດຍໄດ້ຕັ້ງໜ້າເຊື່ອມຊຶມມະຕິ, ຄໍາສັ່ງ ແລະ ວຽກງານຕ່າງໆ ລົງສູ່ຮາກຖານ ເຮັດໃຫ້ສັງຄົມມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ເສດຖະກິດໄດ້ຮັບການຂະຫຍາຍຕົວຢ່າງຕໍ່ເນື່ອງ ແລະ ຖືກທິດ, ທັງເປັນເຈົ້າການສະກັດກັ້ນ ແລະແກ້ໄຂປະກົດການຫຍໍ້ທໍ້ຕ່າງໆໃນສັງຄົມ ໃຫ້ຫຼຸດໜ້ອຍຖອຍລົງ ແລະ ໄດ້ຮັບການແກ້ໄຂເທື່ອລະກ້າວ.

ທີ່ມາ: ໜັງສືພິມ“ສາລະວັນ“

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.