ຂ່າວເດັ່ນ

ກະຊວງການຕ່າງປະເທດ ມອບອຸປະກອນການສຶກສາຊ່ວຍເຫຼືອໂຮງຮຽນປະຖົມ ແລະ ມັດທະຍົມ ທ່າໂພ



ກະຊວງການຕ່າງປະເທດ ມອບອຸປະກອນການສຶກສາຊ່ວຍເຫຼືອໂຮງຮຽນປະຖົມ ແລະ ມັດທະຍົມ ທ່າໂພ
ເພື່ອເປັນການກະຕຸກຊຸກຍູ້ກິດຈະກຳວຽກງານການສຶກສາກໍ່ຄືແຜນກິດຈະກຳການຮຽນ-ການສອນຄູ-ອາຈານ ແລະ ນ້ອງນັກຮຽນ


ໃຫ້ຄົບຕາມ 5 ຫຼັກມູນຂອງການສຶກສາ ເມື່ອວັນທີ 3 ກໍລະກົດ 2019 ຜ່ານມາ ທີ່ໂຮງຮຽນປະຖົມສົມບູນ ທ່າໂພ ເມືອງໂພນໄຊ ແຂວງຫຼວງພະບາງ ໄດ້ມີພີທີມອບເຄື່ອງອຸປະກອນການສຶກສາໃຫ້ແກ່ໂຮງຮຽນປະຖົມດັ່ງກ່າວ ໂດຍການໃຫ້ກຽດກ່າວມອບຂອງທ່ານ ອານຸພາບ ວົງໜໍ່ແກ້ວ ຫົວໜ້າກົມຈັດຕັ້ງສາກົນ 



ກະຊວງການຕ່າງປະເທດ ແລະ ກ່າວຮັບຂອງທ່ານ ອ່ອນສີ ຈ່າເພຍວ່າ ຮອງເຈົ້າເມືອງໂພນໄຊ ໂດຍມີ ຮອງຫົວໜ້າຫ້ອງການສຶກສາທິການ ແລະ ກິລາເມືອງ,ຄະນະອຳນວຍການໂຮງຮຽນ,ເລຂາພັກກຸ່ມ,ນາຍບ້ານ,ພະນັກງານ,ຄູອາຈານ ແລະ ນ້ອງນ້ອຍນັກຮຽນເຂົ້າຮ່ວມ.



ສຳລັບອຸປະກອນທີ່ນຳມາມອບໃນຄັ້ງນີ້ປະກອບມີ: ປື້ມຂຽນ 200 ໜ້າ ຈຳນວນ 500 ຫົວ,ບິກ 500 ກ້ານ,ສໍດຳ 500 ກ້ານ,ບານເຕະ 4 ໜ່ວຍ,ບານສົ່ງ 2 ໜ່ວຍ,ກະຕໍ້ 2 ໜ່ວຍ,ຕາໜ່າງກະຕໍ້ 1 ອັນ, ຕາງໜ່າງບານສົ່ງ 1 ອັນ, ຕາໜ່າງໂກນ 2 ອັນ, ປື້ມບັນທຶກ SDG 40 ຫົວ ເຊີ່ງລວມມູນຄ່າທັງໝົດ 3,5 ລ້ານກ່ວາກີບ.



ໂອກາດນີ້ ທ່ານ ອ່ອນສີ ຈ່າເພຍວ່າ ຮອງເຈົ້າເມືອງໂພນໄຊ ໄດ້ກ່າວສະແດງຄວາມຮູ້ບຸນຄຸນຂອບອົກຂອບໃຈ ພ້ອມທັງມອບໃບຂອງໃຈຂອງທ່ານເຈົ້າເມືອງໂພນໄຊໃຫ້ກະຊວງການຕ່າງປະເທດທີ່ໄດ້ປະກອບສ່ວນຊ່ວຍເຫຼືອໃນການພັດທະນາວຽກງານການສຶກສາກໍ່ຄືອຸປະກອນການຮຽນ-ການສອນໃຫ້ແທດເໝາະ ແລະ ສອດຄ່ອງຄົບຕາມ 5 ຫຼັກມູນການສຶກສາແຫ່ງຊາດ.
ໂດຍ: ແຈັກກີ້ ສກຂ ຫຼວງພະບາງ.





ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.