ຂ່າວເດັ່ນ

ບໍ່ຫນ້າເຊື່ອວ່າ ຫນໍ່ໄມ້ ນັ້ນສາມາດຕ້ານມະເລັງໃນລຳໄສ້ໄດ້


ຊ້ວງນີ້ແມ່ນລະດູຝົນແລ້ວ ການຫາຫນໍ່ມາເຮັດອາຫານ ຫລື ຊອກຊື້ຫນໍ່ໄມ້ຕາມຕະຫລາດຈະງ່າຍແລະຍັງໄດ້ລາຄາຖືກກວ່າ ຍາມຮ້ອນ ຫລື ຍາມຫນາວ ເພາະວ່າຫນໍ່ໄມ້ ມັກຂຶ້ນຊ້ວງລະດູຝົນ ບ່ອນທີ່ມີນໍ້າ 

ຫນໍ່ໄມ້ຖືວ່າເປັນອາຫານພື້ນເມືອງລາວເຮົາ ເພາະອາຫານບ້ານເຮົາມັກເຮັດແກງຫນໍ່ , ຊຸບຫນໍ່ໄມ້, ຫນໍ່ໄມ້ສົ້ມ ສາມາດນຳມາເຮັດແຈ່ວ ຫລື ໃສ່ແກງກໍ່ແຊບໄປອີກແບບ 


ແຕ່ທ່ານຮູ້ບໍ່ວ່າ ຫນໍ່ໄມ້ມີຄຸນປະໂຫຍດຫລາຍຢ່າງ ທີ່ເຮົາບໍ່ຮູ້ ຫນໍ່ໄມ້ນັ້ນມີໂປຣຕີນ , ວິຕາມິນ ແລະ ກົດອະມີໂນທີ່ຮ່າງກາຍຂອງເຮົາຜະລິດບໍ່ໄດ້  ນອກຈາກນັ້ນ ຫນໍ່ໄມ້ຍັງມີກາກໃຍອາຫານທີ່ຊ່ວຍໃຫ້ຮ່າງກາຍນຳກາກ ແລະ ສານພິດອອກສູ່ຮ່າງກາຍໄດ້ໄວ  


ຫນໍ່ໄມ້ນັ້ນ ຖ້າຮັບປະທານເຂົ້າໄປໃນຮ່າງກາຍແລ້ວນັ້ນ ມັນສາມາດຂັບສານພິດຕ່າງໆທີ່ຢູ່ໃນຮ່າງກາຍໄດ້ ໂດຍສະເພາະ ຢາຂ້າແມງໄມ້ ທີ່ເຮົາສູດດົມເຂົ້າໄປໃນຮ່າງກາຍ ພວກປະເພດສານຕ່າງໆທີ່ເປັນພິດກັບຮ່າງກາຍ ຈະຖືກຂັບອອກມາໄດ້ດີຂຶ້ນ ສາມາດລົດຄວາມສ່ຽງຂອງການເກີດໂລກມະເລັງໃນລຳໄສ້ໄດ້ດີ ແຕ່ການຮັບປະທານ ກໍ່ໃຫ້ພໍເຫມາະພໍສົມ ບໍ່ໃຫ້ຫລາຍເກີນໄປ ແລະທີ່ສຳຄັນກໍ່ຕ້ອງມີຄວາມສະອາດນຳ ຈຶ່ງຈະກິນໄດ້ຍິ່ງເປັນການດີ 



ອາຫານທີ່ດີຕໍ່ສຸຂະພາບ ສ່ວນຫລາຍກໍ່ຈະແມ່ນອາຫານພື້ນບ້ານເຮົາ ທັງຍັງບໍ່ແພງນຳອີກ ແຕ່ສຳຫລັບບາງຄົນອາດຈະແພ້ຫນໍ່ໄມ້ກໍ່ເປັນໄດ້ ນັ້ນກໍ່ຂຶ້ນນຳທາດໃນຮ່າງກາຍຂອງໃຜລາວ .

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.