ຂ່າວເດັ່ນ

ໃນວັນທີ 02 ກໍລະກົດ 2019 ນີ້ທີ່ສະໂມສອນກອງບັນຊາການ ປກສ ແຂວງໄຊສົມບູນ ໄດ້ເປີດກອງກອງປະຊຸມສະຫຼຸບວຽກງານປ້ອງກັນຄວາມສະຫງົບ 06 ເດືອນຕົ້ນປີ ແລະ ທິດທາງ



ໃນວັນທີ 02 ກໍລະກົດ 2019 ນີ້ທີ່ສະໂມສອນກອງບັນຊາການ ປກສ ແຂວງໄຊສົມບູນ ໄດ້ເປີດກອງກອງປະຊຸມສະຫຼຸບວຽກງານປ້ອງກັນຄວາມສະຫງົບ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ 2019. ໂດຍການເປັນປະທານ ຂອງທ່ານ ພັອ ພິມພາ ທິຖາວອນ ຄະນະປະຈຳພັກແຂວງ, ເລຂາຄະນະພັກຮາກຖານ, ຫົວໜ້າກອງບັນຊາການ ປກສ ແຂວງ, ເຂົ້າຮ່ວມມີຄະນະພັກ-ຄະນະບັນຊາ, ບັນດາຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ ແລະ ແຂກທີຖືກເຊີນ ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມຢ່າງພ້ອມພຽງ.



ໃນກອງປະຊຸມ ທ່ານ ພັທ ອິນປັນ ຍາດຕິວົງ ຫົວໜ້າຫ້ອງການ ປກສ ແຂວງ ໄດ້ຂຶ້ນຜ່ານບົດສະຫຼຸບວຽກງານປ້ອງກັນຄວາມສະຫງົບ 06 ເດືອນຕົ້ນປີ ແລະ ວາງທິດທາງແຜນການ 06 ເດືອນທ້າຍປີໃນຕໍ່ໜ້າ ຕະຫຼອດ 06 ເດືອນຜ່ານມາ ກອງບັນຊາການປ້ອງກັນຄວາມສະຫງົບ ພວກເຮົາໄດ້ຈັດຕັ້ງປະຕິບັດຕາມ 04ເນື້ອໃນ, 04 ຄາດໝາຍ ແລະ 04 ໜ້າທີ່ໃຫຍ່ 41 ໂຄງການທີ່ກະຊວງປ້ອງກັນຄວາມສະຫງົບວາງອອກ ເພື່ອເຮັດໃຫ້ ປກສ ແຂວງໄຊສົມບູນ ມີສະຖຽນລະພາບທາງດ້ານການເມືອງ, ໜັກແໜ້ນທາງດ້ານການຈັດຕັ້ງ, ສັງຄົມມີຄວາມເປັນລະບຽບຮຽບຮ້ອຍ




 ໃນນີ້ໄດ້ແກ້ໄຂປະກົດການຫຍໍ້ທໍ້ຕ່າງໆ ເອົາໃຈໃສ່ສູງຕໍ່ກັບວຽກງານປ້ອງກັນຊາດ-ປ້ອງກັນຄວາມສະຫງົບ, ໂດຍຫັນເອົາພະນັກງານລົງກໍ່ສ້າງຮາກຖານ-ການເມືອງ ພັດທະນາຊົນນະບົດຮອບດ້ານຕິດພັນກັບວຽກງານ 3 ສ້າງ ແລະ ສຶກສາອົບຮົມ, ພໍ່ແມ່ປະຊາຊົນ ເຂົ້າໃຈຕໍ່ແນວທາງການພັດທະນາ ເສດຖະກິດ-ສັງຄົມຂອງຊາດ. ນອກນັ້ນ, ຍັງພິມປຶ້ມສຳມະໂນຄົວລະບົບທັນສະໄໝໄດ້ 1.540 ຄອບຄົວ, ຈຳນວນ 8.933 ຄົນ/ຍິງ 4.276 ຄົນ, 





ເກັບກຳຄົນຍົກຍ້າຍມາຈາກຕ່າງແຂວງທີ່ບໍ່ຖືກຕ້ອງມີ 88 ຄອບຄົວ, ກວດກາຄົນຕ່າງປະເທດເຂົ້າມາບໍ່ຖືກຕ້ອງ 224 ຄົນ, ລັກປະກອບອາຊີບ 114 ຄົນ, ຂຶ້ນບັນຊີເກັບກູ້ອາວຸດເສິກ-ອາວຸດລ່າເນື້ອໄດ້ທັງໝົດ 627 ກະບອກ, ອາວຸດເສີກ 02 ກະບອກ, ເລົາປືນ 45 ເລົາ, ໝາກຝ່າແຫຼວ 04 ກິໂລ, ສ້າງບ້ານປ້ອງກັນຄວາມສະຫງົບດີ 10 ບ້ານ, ບ້ານປອດຄະດີ 56 ບ້ານ, ບ້ານປອດຢາເສບຕິດ 30 ບ້ານ, ບ້ານວັດທະນາທຳ 42 ບ້ານ, ບ້ານພັດທະນາ 34 ບັານ, ບ້ານສາທາລະນະສຸກ 54 ບ້ານ, ເຝິກອົບຮົມ ປກສ ບ້ານໄດ້ 23 ບ້ານ. ທົ່ວແຂວງມີຄະດີເກີດຂຶ້ນທັງໝົດ 12 ເລື່ອງ, ມ້າງໄດ້ 02 ເລື່ອງ, ພວມດໍາເນີນ 04 ເລື່ອງ, ສົ່ງໄອຍາການ 06 ເລື່ອງ, ກັກຕົວຜູ້ກະທຳຜິດ 17 ຄົນ/ຍິງ 03 ຄົນ, ຂອງກາງຢາບ້າຈຳນວນ 8.350 ເມັດ. ອຸປະຕິເຫດເກີດຂຶ້ນທັງໝົດ 39 ເລື່ອງ, ພາຫະນະເປ່ເພ 73 ຄັນ, ລວມມູມຄ່າ 550.000.000 ກີບ, ມີຜູ້ໄດ້ຮັບບາດເຈັບ 76 ຄົນ/ຍິງ 14 ຄົນ, ເສຍຊີວິດ 11 ຄົນ. 




ນອກນັ້ນ, ຄະນະພັກ-ຄະນະບັນຊາຍັງໄດ້ເອົາໃຈໃສ່ຕໍ່ກັບ ວຽກງານສືກສາອົບຮົມການເມືອງແນວຄິດໃຫ້ພະນັກງານ-ນັກຮົບຢ່າງເປັນປະຈຳ, ສຸມໃສ່ວຽກງານນະໂຍບາຍ-ປະກັນສັງຄົມ ເງິນປິ່ນປົວ, ປະສູດລູດ, ອຸດໜູນ-ບຳນານໄດ້ທັງໝົດ 91.372.000 ກີບ ແລະ ອອກຂ່າວໜັງສືພິມ, ໂທລະໂຄ່ງ, ໂທລະພາບ 40 ຂ່າວ,ສົ່ງພະນັກງານໄປຮໍ່າຮຽນທັງພາຍໃນ ແລະ ຕ່າງປະເທດ 131 ສະຫາຍ, 25 ສະຫາຍ, ໄດ້ຮັບການຍ້ອງຍໍ, ເລື່ອນຊັ້ນ, ເລື່ອນໜ້າທີ່ຕຳແໜ່ງ 59 ສະຫາຍ/ຍິງ 01 ສະຫາຍ. ນອກນັ້ນເອົາໃຈໃສ່ການແກ້ໄຂຊີວິດການເປັນຢູ່ຂອງພະນັກງານພາຍໃນກົມກອງ ແລະ ວຽກງານວິຊາສະເພາະອື່ນໆ ໃຫ້ສຳເລັດຕາມຄາດໝາຍ, ໂອກາດດຽວກັນນີ້ໃນກອງປະຊຸມແຕ່ລະທ່ານຍັງໄດ້ປະກອບຄຳຄິດ-ເຫັນໃສ່ບົດສະຫຼຸບຢ່າງກົງໄປກົງມາເພື່ອເຮັດໃຫ້ເນື້ອໃນດັ່ງກ່າວສົມບູນ, ຖືກຕ້ອງ ແລະ ຄົບຖ້ວນ.

ຈາກນັ້ນ ທ່ານ ພັອ ພິມພາ ຖິຖາວອນ ກໍໄດ້ໃຫ້ກຽດໂອ້ລົມຕໍ່ກອງປະຊຸມ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດອັນໃຫຍ່ຫຼວງທີ່ຍາດມາໄດ້ໃນຜ່ານມາ ຕໍ່ກັບຜົນສຳເລັດດັ່ງກ່າວຍັງຈະຕ້ອງໄດ້ສືບຕໍ່ເພີ່ມທະວີວຽກງານສືກສາອົບຮົມການເມືອງ-ແນວຄິດໃຫ້ພະນັກງານຢ່າງເປັນປະຈຳ, ເອົາໃຈໃສ່ວຽກງານກໍ່ສ້າງພັກ-ພະນັກງານ, ປະຕິບັດນະໂຍບາຍຕໍ່ຜູ້ທີ່ມີຜົນງານດີເດັ່ນ, ຝືກຝົນຫຼໍ່ຫຼອມຄຸນທາດການເມືອງໃຫ້ໜັກແໜ້ນ, ປະຕິບັດລະບຽບວິໄນຂອງກຳລັງປ້ອງກັນຄວາມສະຫງົບຢ່າງເຂັ້ມງວດ, ຍົກສູງຄວາມສາມັກຄີເປັນເອກະພາບໃນໝູ່ຄະນະ. ນອກນັ້ນ, ທ່ານຍັງໄດ້ຮຽກຮ້ອງໃຫ້ສຸມໃສ່ກຳນົດແຜນລະອຽດໃນການແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນສັງຄົມໃຫ້ຫຼຸດລົງເປັນກ້າວໆ, ມີການກວດກາລາດຕະເວນຕາມຈຸດສຳຄັນຕ່າງໆ ເພື່ອຮັບປະກັນຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍໃຫ້ໄດ້ 100%.

ທີ່ມາ: ຂ່າວ ປກສ ແຂວງໄຊສົມບູນ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.