ຂ່າວເດັ່ນ

ປກສ ເມືອງຊົນນະບູລີ ມອບລົດຈັກຄືນເຈົ້າຂອງ


ເຈົ້າໜ້າທີ່ ປກສ ເມືອງຊົນນະບູລີ ໄດ້ຈັດພິທີມອບລົດຈັກທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມ

ສະຫວັນນະເຂດ: ໃນວັນທີ 24 ມີຖຸນາ 2019 ນີ້ ເຈົ້າໜ້າທີ່ ປກສ ເມືອງຊົນນະບູລີ ໄດ້ຈັດພິທີມອບລົດຈັກຮອນດ້າເວັບປ່າຟ້າວສີຟ້າດໍາ ປ້າຍທະບຽນ ຍສ 0957 ສະຫວັນນະເຂດ ທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມ ຕາງມອບໂດຍທ່ານ ພັຕ ພູວຽງ ເສນສະຫວັນ ຮອງພະແນກຕໍາຫຼວດ ປກສ ເມືອງຊົນນະບູລີ ແຂວງສະຫວັນນະເຂດ

ຕາງຮັບໂດຍທ່ານ ສົມສີ ຢູ່ບ້ານໄຊສົມບູນ ເມືອງຊົນນະບູລີ ແຂວງສະຫວັນນະເຂດ ມີບັນດາຄະນະພັກຄະນະບັນຊາເຂົ້າຮ່ວມເປັນສັກຂີພິຍານ, ເຊີ່ງລົດຈັກຄັນດັ່ງກ່າວນີ້ແມ່ນໄດ້ຖືກຄົນຮ້າຍລັກໄປໃນວັນທີ 13 ມີຖຸນາ 2019 ເວລາປະມານ 21 ໂມງ 30 ນາທີ ຊື່ງເຈົ້າຂອງລົດກໍ່ໄດ້ແຈ້ງໃຫ້ອໍານາດການປົກຄອງບ້ານ ແລະ ປກສ ກຸ່ນບ້ານທີ 5 ໃຫ້ຮັບຮູ້ເພື່ອປະສານລາຍງານໃຫ້ເຈົ້າໜ້າທີ່ ປກສ ເມືອງຊົນນະບູລີໄດ້ຮັບຮູ້,

ຈາກນັ້ນທາງເຈົ້າໜ້າທີ່ ປກສ ເມືອງຈິງໄດ້ຈັດຕັ້ງກໍາລັງວິຊາສະເພາະລົງປະສານສົມທົບກັບທຸກພາກສ່ວນທີ່ກ່ຽວຂອງເພື່ອຕິດຕາມຊອກຫາຄົນຮ້າຍຕາມເສັ້ນທາງທີ່ຄົນຮ້າຍເອົາໂຕລົບໜີ, ຕົກມາຮອດວັນທີ 14 ມີຖຸນາ 2019 ເວລາປະມານ 1 ໂມງ 30 ນາທີ ທາງເຈົ້າໜ້າທີ່ ປກສ ເມືອງຊົນນະບູລີ ຈິງສາມາດກັກຕົວເປົ້າໝາຍລັກຊັບ ( ລົດຈັກ ) ໃນຄັ້ງນີ້ໄດ້ຈໍານວນ 2 ຄົນຄື: ທ້າວ ອິນປົງ ຫຼື ຂາວ ອາຍຸ 17 ປີ ອາຊິບ ນັກຮຽນ ບ້ານພະແລງ ເມືອງສອງຄອນ ແຂວງສະຫວັນນະເຂດ, ທ້າວ ໄພມະນີ ອາຍຸ 21 ປີ ອາຊິບ ເຮັດນາ ຢູ່ບ້ານນາກະຫຼືງ ເມືອງສອງຄອນ ແຂວງສະຫວັນນະເຂດ, ພ້ອມດ້ວຍຂອງກາງ ລົດຈັກຮອນດ້າເວັບປ່າຟ້າວສີຟ້າດໍາ ປ້າຍທະບຽນ ຍສ 0957 ສະຫວັນນະເຂດ ຈໍານວນ 1 ຄັນ, ສ່ວນຜູ້ຖືກຫາທັງ 2 ຄົນ, ທາງເຈົ້າໜ້າທີ່ ປກສ ເມືອງ ແມ່ນຈະດໍາເນີນຄະດີຕາມລະບຽບກົດໝາຍ.

ພາບແລະຂ່າວ: ປກສ ເມືອງຊົນນະບູລີ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.