ຂ່າວເດັ່ນ

ຮອງນາຍົກລັດຖະມົນຕີ ລົງວຽກຮາກຖານເມືອງນອງ


ຮອງນາຍົກລັດຖະມົນຕີລົງພົບປະໂອ້ລົມພະນັກງານຫຼັກແຫຼ່ງແລະປະຊາຊົນເມືອງນອງແຂວງສະຫວັນນະເຂດ.

ໃນຕອນເຊົ້າຂອງວັນທີ 17 ມິຖຸນາ 2019 ນີ້, ທ່ານ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ,ປະທານກວດກາສູນກາງ ຮອງນາຍົກລັດຖະມົນຕີລົງພົບປະໂອ້ລົມພະນັກງານຫຼັກແຫຼ່ງຂອງເມືອງນອງ 
ໂດຍການໃຫ້ກຽດຕ້ອນຮັບຈາກການນຳຂັ້ນແຂວງ,ຂັ້ນເມືອງ, ຄະນະຫ້ອງການ,ຫົວໜ້າຈຸດສຸມ,ກຸ່ມບ້ານແລະ ອຳນາດການປົກຄອງພາຍໃນເມືອງນອງຢ່າງອົບອຸ່ນ.







ໃນການລົງຢ້ຽມຢາມໃນຄັ້ງນີ້ທ່ານ ປອ ສຸພາພອນ ນັນທະນາວອນ ກຳມະການພັກແຂວງເລຂາພັກເມືອງເຈົ້າເມືອງ-ເມືອງນອງໄດ້ລາຍງານສະພາບແລະຈຸດພິເສດຂອງເມືອງນອງໃນແຕ່ລະດ້ານໂດຍສັງເຂບ.ຫຼັງຈາກນັ້ນທ່ານຮອງນາຍົກລັດຖະມົນຕີໄດ້ໃຫ້ກຽດໂອ້ລົມແລະຍ້ອງຍໍຊົມເຊີຍຜົນງານທີ່ປະຕິບັດໃນໄລຍະຜ່ານມາເຊັ່ນ:ວຽກງານກໍ່ສ້າງລົບລ້າງຄວາມທຸກຍາກເຮັດໃຫ້ຄອບຄົວພົ້ນທຸກເພີ່ມຂື້ນ,ວຽກງານສຶກສາ,ສາທາລະນະສຸກແລະອື່ນໆທີ່ເມືອງນອງປະຕິບັດໄດ້ແລະໃຫ້ຊອກຫາຄວາມອາດສາມາດອັນບົມຊ້ອນ,ທ່າແຮງໃນຂັ້ນທ້ອງຖິ່ນເພື່ອມາພັດທະນາແລະຂະຫຍາຍຫຼາຍຂື້ນກວ່າເກົ່າ.




ທັງນີ້ກໍ່ເພື່ອຈະເຮັດໃຫ້ຄອບຄົວແລະເມືອງຂອງພວກເຮົາໃຫ້ກາຍເປັນເມືອງພົ້ນທຸກໄປເທື່ອລະກ້າວ,ສ່ວນວຽກງານປ້ອງກັນຊາດ-ປ້ອງກັນຄວາມສະຫງົບແມ່ນບັນຫາທີ່ເປັນພື້ນຖານທີ່ພວກເຮົາລົດລະບໍ່ໄດ້ເພາະເປັນພື້ນຖານໃຫ້ແກ່ການຜະລິດ,ພື້ນຖານການທຳມາຫາກິນຂອງພໍ່ແມ່ປະຊາຊົນ,ພື້ນຖານການດຶງດູດໃຫ້ນັກລົງທຶນ



ການທ່ອງທ່ຽວຂອງຕ່າງປະເທດແລະໄດ້ເນັ້ນໃຫ້ພະນັກລົງສູ່ຮາກຖານສຶກສາອົບຮົມການເມືອງ-ແນວຄິດໃຫ້ພໍ່ແມ່ປະຊາຊົນໃຫ້ຮູ້ເລ້ລ່ຽມກົນອຸບາຍຂອງສັດຕູ,ຮູ້ຈັກຮັກສາສັດໃນດິນສິນໃນນໍ້າ ໃຫ້ຍືນຍົງແລະຍາວນານ.ໃນໂອກາດດັ່ງກ່າວທ່ານຍັງໄດ້ມອບເງິນຈຳນວນ20 ລ້ານກີບໃຫ້ເມືອງນອງແລະໄດ້ເດີນທາງໄປເບິ່ງພື້ນຖານໂຄງລ່າງຢູ່ຈຸດສຸມຕັງອາໄລ-ລະແບງອີກດ້ວຍ.

ພາບ - ຂ່າວ: ຄຳນ້ອຍ ໄຊຍະບຸດ

<

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.