ຂ່າວເດັ່ນ

ຊັກຜ້າແນວໃດ ບໍ່ໃຫ້ກິ່ນເໝັນອັບໃນຊ່ວງລະດູຝົນ


ຊ່ວງນີ້ຝົນເລີມຕົກຈົນເຖິງເດືອນ 8ແລ້ວ ແອດມິນ Day ກໍເລີຍຫາຂໍ້ມູນດີໆ ສຳຫລັບຊັກເຄື່ອງບໍ່ໃຫ້ເໝັນອັບໃນຊ່ວງລະດູຝົນ ມາຝາກໃຫ້ທຸກໆຄົນເດີ


1.ບິດຜ້າໃຫ້ແຫ້ງ

   ສຳຫລັບຄົນທີ່ບໍ່ມີຈັກຊັກຜ້າ ການບິດຜ້າ ແລະ ສະບັດເສື້ອຜ້າເຄື່ອງນຸ່ງທີ່ເຮົາຊັກນັ້ນສຳຄັນຫລາຍ ເພາະຈະຊ່ວຍໃຫ້ນໍ້າທີ່ຢູ່ໃນເສັ້ນໃຍຂອງຜ້າອອກມາ ແລະ ຍັງຊ່ວຍໃຫ້ຜ້າແຫ້ງໄວ ເພາະສະນັ້ນຫາກວ່າທ່ານຊັກຜ້າໃນຍາມຝົນ ການບິດ ແລະສະບັດຫຼາຍໆເທື່ອນັ້ນຈະເຮັດໃຫ້ຜ້າແຫ້ງໄວຂຶ້ນກວ່າເກົ່າ ແຕ່ສຳຫລັບຄົນທີ່ມີຈັກຊັກຜ້າກໍ່ເບົາໂຕໄປ. 



2.ເລືອກນຸ່ງເເຄື່ອງທີ່ມີເນື້ອແຜ່ບາງລົງ

   ການເລືອກເຄື່ອງນຸ່ງເນື້ອແພບາງແນ່ກໍ່ດີ ເພາະຜ້າສ່ວນຫຼາຍທີ່ມີກິ່ນອັບ ເນື່ອງຈາກຜ້າເລົ່ານີ້ມີເນື້ອແຜ່ທີ່ໜາ ແລະເຮັດໃຫ້ແຫ້ງຊ້າກວ່າປົກກະຕິໃນຊ່ວງຝົນຕົກແບບນີ້ທາງທີ່ດີຄວນເລືອກໃສ່ຜ້າທີ່ມີເນື້ອແຜ່ບາງລົງກໍຈະຊ່ວຍໄດ້ຫຼາຍ ຫຼືຖ້າຈໍາເປັນທີ່ຕ້ອງໃຊ້ເນື້ອແຜ້ໜາ ການຕາກໃນຫ່າງໆກັນ ກໍເປັນອີກທາງທີ່ຊ່ວຍໄດ້. 



3.ຕາກຜ້າໃນຫ້ອງແອ ຫຼືໃຊ້ພັດລົມຊ່ວຍເປົ່າ

    ແທ້ໆ ແລ້ວການຕາກຜ້າໃນຫ້ອງແອກໍເປັນອີກທາງໜື່ງທີ່ຊ່ວຍໃຫ້ຜ້າແຫ້ງໄວ ເພາະອາກາດໃນຫ້ອງແອແຫ້ງ ແລະເຢັນຈຶ່ງເຮັດໃຫ້ຜ້າແຫ້ງໄດ້ ແລະພັດລົມກໍເປັນອີກທາງທີ່ຊ່ວຍໃຫ້ຜ້າແຫ້ງໄວໄດ້ເຊັ່ນກັນ. ຖ້າທ່ານບິດ ແລະສະບັດແບບວິທີທີ່ໜື່ງລວມກັບຕາກໃນຫ້ອງແອ ຫຼືພັດລົມ ກໍຈະເຮັດໃຫ້ຜ້າແຫ້ງໄວຂຶ້ນນໍາອີກ.


4  ການໃຊ້ຜະລິດຕະພັນຊັກຜ້າ ແລະ ປັບຜ້ານຸ້ມ ທີ່ຊ່ວຍເນັ້ນການລົດກິ່ນອັບຂອງເສື້ອຜ້າໄດ້ດີ


     ການເລືອກຜະລິດຕະພັນຊັກເສື້ອຜ້ານັ້ນກໍ່ສຳຄັນເຊັ່ນກັນ ເພາະເລືອກບໍ່ດີເຄື່ອງເຮົາກໍ່ບໍ່ສະອາດ ທັງເຫມັນນຳອີກ ດັ່ງນັ້ນກໍ່ໃຫ້ໃສ່ໃຈລາຍລະອຽດ ແລະ ຄຸນນະພາບຍິ່ງເປັນການດີ ເພື່ອໃຫ້ເຄື່ອງນຸ່ງຂອງເຮົາທັງສະອາດທັງຫອມນຳອີກ

         ຮູ້ແບບນີ້ແລ້ວ ຫວັງວ່າທຸກທ່ານຈະເອົາເຂັດລັບນີ້ໄປໃຊ້ເພື່ອໃຫ້ເຄື່ອງນຸ່ງຂອງທ່ານຈະໄດ້ຫອມສົດຊື່ນຕະຫຼອດທັ້ງວັນ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.