ຂ່າວເດັ່ນ

7 ວິທີງ່າຍໆ ປ້ອງກັນບໍ່ໃຫ້ຍຸງກັດ

ໃນໄລຍະລະດູຝົນນີ້, ບັນຫາໄຂ້ເລືອດອອກກໍາລັງລະບາດ ຖືເປັນສິ່ງທີ່ໜ້າເປັນຫ່ວງ ເພາະຫຼາຍແຂວງ ພົບການລະບາດ ຂອງພະຍາດດັ່ງກ່າວ. ດັ່ງນັ້ນ, ມືນີ້ ແອດມິນ Day ເລີຍຊອກຫາຂໍ້ມູນດີໆ ເພື່ອປ້ອງກັນບໍ່ໃຫ້ຍຸງກັດມາຝາກແຟນເພຈປະກາດ

7 ວິທີປ້ອງກັນບໍ່ໃຫ້ຍຸງກັດ


1.ພະຍາຍາມບໍ່ໃຫ້ຢູ່ບ່ອນມືດ ແລະອັບເອົ້າ

ຖ້າສັງເກດເບິ່ງວ່າ ບໍລິເວນບ່ອນມືດ ແລະອົບເອົ້ານັ້ນຈະມັກມີຍຸງມາກັດຕະຫຼອດ ເພາະຕາມປົກກະຕິຍຸງຈະບໍ່ມັກແສງສະຫວ່າງປານໃດ ສະນັ້ນຫາກວ່າທ່ານບໍ່ຍາກຖືກຍຸງກັດ ຢ່າໄປຢູ່ບ່ອນມືດ ແລະອົບເອົ້າຈະດີກວ່າ.

2.ກະທຽມກໍຊ່ວຍໄດ້

ກະທຽມເປັນສະໝຸນໄພກິ່ນຂິວ ແລະຍຸງກໍບໍ່ມັກນໍາ ເຊິ່ງແປວ່າຖ້າຫາກທ່ານກິນກະທຽມເຂົ້າໄປຍຸງກໍບໍ່ກ້າເຂົ້າມາເພາະໄດ້ກິ່ນກະທຽມອອກມາຈາກຜິວໜັງ ແລະຍຸງກໍຈະບໍ່ມາກັດນໍາ.




3.ຢ່າທານໍ້າຫອມທີ່ມີກິ່ນອ່ອນໆ

ຜູ້ຊ່ຽວຊານໄດ້ເຕືອນວ່າ ຖ້າທ່ານບໍ່ຢາກຕົກເປັນເປົ້າໝາຍຂອງຍຸງ ພະຍາຍາມຫຼີກລ້ຽງຜະລິດຕະພັນທີ່ໃຫ້ກິ່ນຫອມຄ້າຍດອກໄມ້ຈະດີກວ່າ.




4.ໃສ່ເສື້ອຜ້າປົກປິດ

ອີກໜື່ງວິທີປ້ອງກັນຍຸງກັດທີ່ທ່ານສາມາດເຮັດເອງໄດ້ງ່າຍ ໂດຍບໍ່ຕ້ອງໃຊ້ ອຸປະກອນເສີມໃດໆ ພຽງແຕ່ໃສ່ເສື້ອຜ້າທີ່ປົກປິດ. ດີທີ່ສຸດກໍສົ້ງຂາຍາວ ເສື້ອແຂນຍາວ ເທົ່ານີ້ກໍປົກປິດບໍ່ໃຫ້ຍຸງກັດ.




5.ຢູ່ໃກ້ໆພັດລົມ

ນັກວິໄຈໄດ້ຟັນທົງວ່າຍຸງບໍ່ແມ່ນສັດບິນທີ່ບິນເກ່ງ ພ່ຽງແຕ່ແຮງລົມພັດກໍເຮັດໃຫ້ຍຸງບິນເຊ ແລະໃນເມື່ອຮູ້ຈັງຊີ້ແລ້ວພະຍາຍາມຢູ່ໃກ້ພັດລົມຈະດີກວ່າ.




6.ກໍາຈັດແຫຼ່ງນໍ້າຂັງໃຫ້ໝົດ

ຍຸງເປັນສັດວາງໄຂ່ໃນນໍ້າ ໂດຍສະເພາະນໍ້າເນົ່າທີ່ມີນໍ້າຂັງຢູ່ໃນສະພາບແວດລ້ອມທີ່ອັບມືດ ແລະອົບອຸ່ນ ເຊິ່ງຍຸງຈະຮູ້ສືກປອດໄພ. ດັງນັ້ນກໍຄວນສໍາຫຼວດອ້ອມຮອບບ້ານ ບ່ອນໃດທີ່ມີນໍ້າຂັງຢູ່ກໍຄວນຈັດການຖິ້ມໃຫ້ໝົດກ້ຽງຈື່ງບໍ່ໃຫ້ຍຸງມາາງໄຂ່ໄດ້.

7.ທາໂລຊັນກັນຍຸງ

ໂລຊັນກັນຍຸງເປັນນະວັດຕະກໍາປ້ອງກັນຍຸງບໍ່ເຖິງກັບໃໝ່ ແຕ່ກໍສາມາດໄລ່ຍຸງໄດ້ຢ່າງມີປະສິດຕິພາບພໍສົມຄວນ ການທາໂລຊັນກັນຍຸງນັ້ນຈະຊ່ວຍປ້ອງກັນຜິວເຮົາບໍ່ໃກ້ຍຸງກັນໄດ້ພຽງ 23 ນາທີເທົ່ານັ້ນ ຖ້າທ່ານບໍ່ຢາກໃຫ້ຖືກຍຸງກັດກໍໝັ່ນທາຕະຫຼອດ.



ຫວັງວ່າຂໍ້ມູນເຫຼົ່ານີ້ຈະເປັນປະໂຫຍດໃຫ້ແກ່ທຸກຄົນ.

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.