ຂ່າວເດັ່ນ

ແຂວງຫຼວງພະບາງ ຈັດບັ້ນສອບເສັງຈົບຊັ້ນ ມັດທະຍົມຕົ້ນ ມ4 ຢ່າງເປັນທາງການ 18-20/6/19



ຫຼວງພະບາງ: ເມື່ອວັນທີ 18 ມິຖຸນາ 2019 ຜ່ານມາ ທີ່ໂຮງຮຽນມັດທະຍົມສົມບູນ ປ່ອງຄໍາ ນະຄອງຫຼວງພະບາງໄດ້ຈັດພິທີເປີດການສອບເສັງຈົບຊັ້ນມັດທະຍົມຕອນຕົ້ນ ມ4 ຢ່າງເປັນທາງການໂດຍການໃຫ້ກຽດເຂົ້າຮ່ວມຂອງ ທ່ານ ສາຍສະໝອນ ສາລິວົງ ຮອງເຈົ້ານະຄອນຫຼວງພະບາງ,ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ,ມີ ທ່ານຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລານະຄອນຫຼວງພະບາງ,ຄະນະກຳມະການ,ພະນັກງານຄູອາຈານ ແລະ ນ້ອງນັກສອບເສັງເຂົ້າຮ່ວມ.



ໃນພິທີ ທ່ານ ບົວແຫວນ ບຸນທະວົງ ຫົວໜ້າຫ້ອງການສຶກສາທິການ ແລະ ກິລານະຄອນຫຼວງພະບາງກ່າວລາຍງານໃຫ້ຮູ້ວ່າ: ທົ່ວນະຄອນຫຼວງພະບາງມີໂຮງຮຽນມັດທະຍົມຕອນຕົ້ນທັງໝົດ 24 ແຫ່ງ ໃນນີ້ມີໂຮງຮຽນເອກະຊົນ 3 ແຫ່ງ,ມີໂຮງຮຽນມັດທະຍົມທີ່ມີຂັ້ນຮຽນຮອດຊັ້ນ ມ4 ຈຳນວນ 21 ແຫ່ງ,ມີສູນສອບເສັງທັງໝົດ 12 ສູນ,ມີຫ້ອງສອບເສັງທັງໝົດ 83 ຫ້ອງ,ມີນັກສອບເສັງ 1.666 ຄົນ,ຍິງ 714 ຄົນ,


ສະເລ່ຍມີນັກສອບເສັງ 20 ຄົນຕໍ່ຫ້ອງ ແລະ ອະນຸກຳມະການເຝົ້າຫ້ອງ 2 ຄົນຕໍ່ຫ້ອງ,ສຳລັບໄລຍະເວລາການສອບເສັງແມ່ນ 3 ວັນລະຫວ່າງວັນທີ 18-20 ມິຖຸນາ 2019 ເຊິ່ງກໍານົດເອົາ 6 ວິຊາຫຼັກຄື: ພາສາລາວ-ວັນນະຄະດີ,ວິຊາສຶກສາພົນລະເມືອງ,ວິຊາວິທະຍາສາດທຳມະຊາດ, ວິຊາວິທະຍາສາດສັງຄົມ,ວິຊາຄະນິດສາດ ແລະ ພາສາອັງກິດ ເຊິ່ງໃນສົກນີ້ແມ່ນໄດ້ກຳນົດເອົາໂຮງຮຽນມັດທະຍົມສູມບູນປ່ອງຄຳເປັນສະຖານທີ່ເປີດການສອບເສັງຈົບຊັ້ນມັດທະຍົມຕົ້ນ ມ4 ທົ່ວນະຄອນຫຼວງພະບາງ.




ໂອກາດດັ່ງກ່າວ, ທ່ານ ສາຍສະໝອນ ສາລິວົງໄດ້ໃຫ້ກຽດມີຄຳເຫັນໂອ້ລົມ, ກ່າວເປີດ ແລະ ຕັດຫົວບົດສອບເສັງຢ່າງເປັນທາງການພ້ອມດຽວກັນນີ້ ທ່ານຍັງໄດ້ຮຽກຮ້ອງມາຍັງຄະນະປະທານ,ກຳມະການທຸກພາກສ່ວນທີ່ກ່ຽວຂ້ອງຈົ່ງໄດ້ພ້ອມກັນເອົາໃຈໃສ່ປະຕິບັດລະບຽບວິໄນຂອງການສອບເສັງໃຫ້ຢ່າງເຂັ້ມງວດ,ມີຄວາມໂປ່ງໃສ,ຍຸດຕິທຳບໍ່ມີການລຳອຽງເຮັດຕາມພາລະບາດບາດຂອງຕົນຫຼີກລຽງຫາງສຽງຈົ່ມວ່າຂອງສັງຄົມ ທັງນີ້ກໍ່ເພື່ອຊອກໃຫ້ໄດ້ນັກຮຽນທີ່ມີຄຸນນະພາບມີຄວາມຮູ້ຄວາມສາມາດ,ມີຄຸນສົມບັດດີ ເພື່ອສືບທອດພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນອະນາຄົດ.

ໂດຍ: ແຈັກກີ້ ສກຂ ຫຼວງພະບາງ.


ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.