ຂ່າວເດັ່ນ

ກອງປະຊຸມຊີ້ນຳລະດັບຊາດ ຮ່ວມກັບຄະນະຊີ້ນຳຂັ້ນແຂວງ ກ່ຽວກກັບການສຳຫຼວດສະຖິຕິກະສິກຳແລະ ການສຳຫຼວດເສດຖະກິດທົ່ວປະເທດ ຄັ້ງທີ 3



ກອງປະຊຸມຊີ້ນຳລະດັບຊາດ ຮ່ວມກັບຄະນະຊີ້ນຳຂັ້ນແຂວງ ກ່ຽວກກັບການສຳຫຼວດສະຖິຕິກະສິກຳແລະ ການສຳຫຼວດເສດຖະກິດທົ່ວປະເທດ ຄັ້ງທີ 3



ໃນວັນທີ 14 ມີຖຸນາ 2019 ນີ້ ຢູ່ທີ່ຫ້ອງປະຊຸມຊັ້ນ 4 ຫ້ອງວ່າການປົກຄອງແຂວງສະຫວັນນະເຂດ ໄດ້ຈັດກອງປະຊຸມຊີ້ນຳລະດັບຊາດ ຮ່ວມກັບຄະນະຊີ້ນຳຂັ້ນແຂວງ ກ່ຽວກກັບການສຳຫຼວດສະຖິຕິກະສິກຳແລະ ການສຳຫຼວດເສດຖະກິດທົ່ວປະເທດ ຄັ້ງທີ 3 ປະຈຳປີ 2019 ໂດຍການເປັນກຽດເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ທັງເປັນຫົວໜ້າຄະນະຊີ້ນຳລະດັບຊາດ ການສຳຫຼວດສະຖິຕິກະສິກຳ ແລະ ການສຳຫຼວດເສດຖະກິດທົ່ວປະເທດ ຄັ້ງທີ 3 ປະຈຳປີ 2019,ມີທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍພາກສ່ວນທີ່ກ່ຽວຂ້ອງ ທີ່ມາຈາກສູນສະຖິຕິແຫ່ງຊາດ,ແຂວງຄຳມ່ວນ ແລະ ສະຫວັນນະເຂດເຂົ້າຮ່ວມ.



ໃນກອງປະຊຸມ ທ່ານຮອງນາຍົກລັດຖະມົນຕີ ກໍ່ໄດ້ກ່າວມີຄຳເຫັນວ່າ: ຈຸດປະສົງຂອງການສຳຫຼວດສະຖິຕິກະສິກຳ ແລະ ການສຳຫຼວດເສດຖະກິດທົ່ວປະເທດ ຄັ້ງທີ 3 ປະຈຳປີ 2019 ແມ່ນເພື່ອເປັນການຈົດນັບບັນດາຫົວໜ່ວຍການຜະລິດພື້ນຖານທາງດ້ານກະສິກຳ,ຫົວໜ່ວຍເສດຖະກິດ ແລະ ວິສາຫະກິດຫ້າງຮ້ານ ທີ່ພວມດຳເນີນທຸລະກິດຢູ່ໃນ ສປປ ລາວ ເພື່ອຕີລາຄາສະພາບການປ່ຽນແປງ ຂອງໂຄງສ້າງການຜະລິດກະສິກຳ ແລະ ການດຳເນີນກິດຈະກຳທາງດ້ານເສດຖະກິດ. ການສຳຫຼວດສະຖິຕິກະສິກຳແລະ ການສຳຫຼວດເສດຖະກິດທົ່ວປະເທດ ຄັ້ງທີ 3 ນີ້ ຈະແບ່ງອອກເປັນ 2 ໄລຍະຄື:


ໄລຍະການຂຶ້ນບັນຊີຄົວເຮືອນ ເພື່ອຈົດນັບບັນດາຄົວເຮືອນກະສິກຳ ແລະ ຄົວເຮືອນທີ່ດຳເນີນທຸລະກິດ ພ້ອມດ້ວຍບັນດາຫົວໜ່ວຍທຸລະກິດຫ້າງຮ້ານໃນຂອບເຂດທົ່ວປະເທດ ເຊິ່ງຈະຈັດຕັ້ງປະຕິບັດໃນລະຫວ່າງເດືອນ ກໍລະກົດ ປີ 2019 ແລະ ການສໍາຫຼວດຕົວຈິງພາກສະໜາມ ໃນເດືອນຕຸລາ ຫາ ເດືອນພະຈິກ ປີ 2019 ນີ້.



 ຜົນ ໄດ້ຮັບຈາກການສຳຫຼວດຄັ້ງນີ້ຈະເປັນບ່ອນອີງສຳຄັນໃຫ້ແກ່ການຕິດຕາມ ແລະ ປະເມີນການຈັດຕັ້ງແຜນພັດທະນາເສດຖະກິດ - ສັງຄົມແຫ່ງຊາດຄັ້ງທີ 8 ,ການວາງແຜນ 5 ປີຄັ້ງທີ 9 ແລະ ເປົ້າໝາຍການພັດທະນາແບບຍືນຍົງ 2030 ເວົ້າລວມ,ເວົ້າສະເພາະກໍ່ແມ່ນສະພາບການພັດທະນາຊົນນະບົດ,ການແກ້ໄຂຄວາມທຸກຍາກ ແລະ ການຄາດຄະເນລະດັບການເຕີບໂຕທາງດ້ານເສດຖະກິດແຫ່ງຊາດ,ການພັດທະນາຂະແໜງກະສິກຳ,ອຸດສາຫະກຳ ແລະ ບໍລິການຕາມທິດເຫັນເປັນປະເທດອຸດສາຫະກຳ ແລະ ທັນສະໄໝ.

ພາບ-ຂ່າວ: ອັກສອນສິນ ພົມມະຈັນ

_______
ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ
ສາມາດສົ່ງໄປທາງຂໍ້ຄວາມ ໄປທີ່ m.me/Pakaad

ພິເສດ: ເປັນກໍາລັງໃຈໃຫ້ທີມງານພວກເຮົາ ພຽງແຕ່ທ່ານກົດອ່ານໂຄສະນາ ທີ່ປະກົດຢູ່ດ້ານລຸ່ມ




ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.