ຂ່າວເດັ່ນ

ການນຳແຂວງສະຫວັນນະເຂດຮ່ວມ ປູກຕົ້ນຈຳປາໃສ່ສອງຂ້າງທາງແຕ່ຫຼັກ 12 ທາງເລກ 9 ບ້ານດົງນາຄໍາເຂົ້າຫາບ້ານທາດອີງຮັງ



ໃນວັນທີ 14 ມິຖຸນາ 2019 ນີ້ນະຄອນໄກສອນ ພົມວິຫານ ຮ່ວມກັບບໍລິສັດບໍລິສັດບີເຄໂປຣ ບໍລິການ ໄດ້ຈັດພິທີປູກຕົ້ນຈຳປາ ໃສ່ສອງຂ້າງທາງແຕ່ຫຼັກ 12 ທາງເລກ 9 ບ້ານດົງນາຄໍາເຂົ້າຫາບ້ານທາດອີງຮັງໂດຍການໃຫ້ກຽດເຂົ້າຮ່ວມຂອງທ່ານ ຄຳພູນຕຸໄພທູນ ຮອງເຈົ້າແຂວງສະຫວັນນະເຂດ, ທ່ານ ວົງເພັດ ໄຊສະຫງວນ ຫົວໜ້າຄະນະໂຄສະນາອົບຮົມແຂວງ, ທ່ານບຸນຍູ້ ທຳມະວົງ ເຈົ້ານະຄອນໄກສອນພົມວິຫານ ພ້ອມມີບັນດາທ່ານ ຫົວໜ້າພະແນກການອ້ອມຂ້າງແຂວງ ແລະ ຫົວໜ້າບໍລິສັດບີເຄໂປຣ ບໍລິການ ແລະຕອບສະໜອງທຸກວົງການເຂົ້າຮ່ວມ.



ໃນພິທີ ທ່ານ ບຸນຍູ້ ທຳມະວົງ ເຈົ້ານະຄອນໄກສອນ ພົມວິຫານ ກໍ່ໄດ້ກ່າວລາຍງານການເປີດພິທີປູກຕົ້ນຈຳປາຢ່າງເປັນທາງການວ່າ:ການປູກຕົ້ນຈຳປາໃສ່ສອງຂ້າງທາງ ແຕ່ຫຼັກ 12 ທາງເລກ9 ບ້ານດົງຄຳ ເຂົ້າຫາບ້ານທາດອີງຮັງໃນຄັ້ງນີ້ຈຸດປະສົງກໍ່ຄືເນື່ອງໃນວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ດັງທີ່ພວກເຮົາຮູ້ນໍາກັນແລ້ວວ່າ ວັນດັ່ງກ່າວມີຄວາມໝາຍຄວາມສຳຄັນ ແລະການປູກຕົ້ນຈໍທາປາຄັ້ງນີ້ເພາະເປັນຈຸດໜຶ່ງທີ່ເປັນເອກະລັກຂອງນະຄອນໄກສອນຂອງພວກເຮົາກໍ່ຄືຊາວແຂວງສະຫວັນນະເຂດ, ກໍ່ເພື່ອເປັນການປະຕິບັດແຜນການສ້າງນະຄອນໄກສອນພົມວິຫານໃຫ້ປະຕິບັດນະໂຍບາຍ 6 ສໍ ຕາມເງື່ອນໄຂການສ້າງນະຄອນຄື: ສໍ ສີຂຽວ, ສໍ ສະຫວ່າງ, ສໍ ສະອາດ, ສໍ ສະເໜ່ແລະ ສໍສີວິໄລໃຫ້ປະກົດຜົນເປັນຈິງ, 



ທັງນີ້ກໍ່ເພື່ອປະດັບປະດາຖະໜົນ ຫົນທາງໃຫ້ມີຄວາມຈົບງາມ, ມີສະເໜ່ດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ຽວຊົມ ແລະ ເພື່ອສ້າງສະຕິໃຫ້ປະຊາຊົນບັນດາເຜົ່າຫວນແຫນໃນການປົກປັກຮັກສາປ່າໄມ້ ແລະ ສິ່ງແວດລ້ອມທໍາມະຊາດພ້ອມທັງແນ່ໃສ່ໃຫ້ປ່າໄມ້ອຸດົມສົມບູນ ທັງເປັນການປຸກລະດົມປະຊາຊົນບັນດາເຜົ່າເຫັນໄດ້ເຖິງຄຸນປະໂຫຍດຂອງປ່າໄມ້ອີກດ້ວຍ ເຊິ່ງໄມ້ຈະນຳມາປູກຄັ້ງນີ້ ຄືຕົ້ນຈຳປາ ທີ່ມີຈຳນວນທັງໝົດ 268 ຕົ້ນມີມູນຄ່າປະມານ 140 ລ້ານກີບ ໂດຍແມ່ນບໍລິສັດບີເຄໂປຣ ບໍລິການ ແລະຕອບສະໜອງທຸກວົງການເປັນຜູ້ສະໜັບສະໜູນ ແລະ ຈະປູກໃນມື້ນີ້ແມ່ນມີຈຳນວນ 100 ຕົ້ນ ພາຍຫຼັງທີ່ປູກ ແລ້ວ ທາງ ບໍລິສັດບີເຄໂປຣກໍ່ຍັງຈະໄດ້ສືບຕໍ່ປູກໄປເລື້ອຍໆຈົນກວ່າຈະສຳເລັດ ແຜນການທີ່ກຳນົດໄວ້ໃຫ້ທັນລະດູການປູກໄມ້.



ພາຍຫຼັງທີມີການປູກແລ້ວກໍ່ຈະໄດ້ມອບໃຫ້ອຳນາດການປົກຄອງບ້ານທາດອີງຮັງ, ບ້ານດົງນາຄຳ ແລະ ປະຊາຊົນທຸກຄົນທີ່ຢູ່ໃກ້ຄຽງຈົ່ງຮ່ວມໃຈກັນປົກປັກຮັກສາບໍ່ໃຫ້ຖືກທຳລາຍ ແລະ ເພື່ອການເຕີບໃຫຍ່ຂະຫຍາຍຕົວ ໃຫ້ມີຄວາມສວຍສົດງົດງາມ,ຈາກນັ້ນທາງບໍລິສັດເຄໂປຣ ບໍລິການ ແລະຕອບສະໜອງທຸກວົງການກໍ່ໄດ້ມອບເບ້ຍຕົ້ນຈຳປາໃຫ້ທາງການນຳແຂວງ ແລ້ວລົງມືປູກຢ່າງເປັນທາງການ.



ພາບ-ຂ່າວ: ວິລັດດາ ດວງຈັນທາ


_______
ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ
ສາມາດສົ່ງໄປທາງຂໍ້ຄວາມ ໄປທີ່ m.me/Pakaad

ພິເສດ: ເປັນກໍາລັງໃຈໃຫ້ທີມງານພວກເຮົາ ພຽງແຕ່ທ່ານກົດອ່ານໂຄສະນາ ທີ່ປະກົດຢູ່ດ້ານລຸ່ມ




ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.