ຂ່າວເດັ່ນ

10 ເມືອງຢູ່ແຂວງໄຊຍະບູລີ ພວມປະເຊີນກັບ ການລະບາດຂອງບົ້ງຝຸງສາລີ


ໄຊຍະບູລີ: ທ່ານ ແສງອາທິດ ລາວເບຼຍຢາທໍ ຫົວໜ້າຂະແໜງປູກຝັງພະແນກກະສິກຳ ແລະ ປ່າໄມ້ແຂວງໄຊຍະບູລີ, ໄດ້ເປີດເຜີຍຕໍ່ນັກຂ່າວແຂວງໄຊຍະບູລີເມື່ອວັນທີ 20 ມີຖຸນາ 2019 ນີ້ວ່າມາຮອດປະຈຸບັນຝຸງບົ້ງສາລີຍັງສຶບຕໍ່ແຜ່ຂະຫຍາຍອອກເປັນວົງກວ້າງຂຶ້ນເລື້ອຍ ລວມເປັນ 10 ເມືອງທົ່ວແຂວງຄື: ເມືອງປາກລາຍ, ເມືອງພຽງ, ເມືອງໄຊຍະບູລີ, ເມືອງໄຊສະຖານ, ເມືອງແກ່ນທ້າວ, ເມືອງບໍ່ແຕນ, ເມືອງເງິນ, ເມືອງທົ່ງມີໄຊ, ເມືອງຊຽງຮ່ອນ, ເຂດລະບາດດັ່ງກ່າວມີເນື້ອທີປູກສາລີ 24.638 ເຮັກຕາກ່ວາ, ມີເນື້ອທີຖືກຜົນກະທົບ 4.478 ເຮັກຕາ, ຄາດຄະເນເນືອທີມີຄວາມສ່ຽງເສຍຫາຍ 2.260 ກ່ວາເຮັກຕາ, ໃນນີ້ມີ 52 ບ້ານ, ມີ 2.680 ຄອບຄົວ,




ປະຈຸບັນທາງວີຊາການທີ່ກ່ຽວຂ້ອງຍັງໄດ້ລົງສຶບຕໍ່ເກັບກຳຂໍ້ມູນຢູ່ບັນດາບ້ານຕື່ມອີກໆ, ການລະບາດຂອງສັດຕູພຶດບົ້ງຝຸງກິນສາລີແມ່ນເລີ່ມມີການລາຍງາຍໃນວັນທີ 20 ພຶດສະພາ 2019 ຫ້ອງການກະສິກຳ ແລະ ປ່າໄມ້ເມືອງປາກລາຍໄດ້ລາຍງານໃຫ້ພະແນກກະສິກຳ ແລະ ປ່າໄມ້ແຂວງຮັບຊາບວ່າໄດ້ເກີມີການລະບາດຂອງແມງໄມ້ສັດຕູພຶດທຳລາຍກັດກິນຕົ້ນສາລີຂອງປະຊາຊົນເມືອງປາກລາຍ, ຊຶ່ງມີເນື້ອທີ່ໄດ້ຮັບຜົນກະທົບທັງໝົດ 2.27 ເຮັກຕາກ່ວາ, ຄາດວ່າມີເນື້ອທີ່ເສຍຫາຍປະມານ 1.739 ເຮັກຕາກ່ວາ ມີ 7 ບ້ານທີ່ໄດ້ຮັບຜົນກະທົບ, ແຕ່ເຂດທີ່ມີຄວາມສ່ຽງດັ່ງກ່າວໄດ້ຊິດຢາ ແລະ ສາມາດຄອບຄຸມໄດ້ລະດັບໜື່ງ,



ທ່ານຍັງໃຫ້ຮູ້ຕື່ມອີກວ່າ: ເພື່ອຕອບໂຕ້ການລະບາດຂອງຝຸງບົ້ງສາລີໃນຂອບເຂດທົ່ວແຂວງທາງພະແນກກະສິກຳ ແລະ ປ່າໄມ້ແຂວງເວົ້້າລວມເວົ້າສະເພາະກໍ່ຄືຂະແໜງປູກຝັງໄດ້ສົມທົບກັບພາກສ່ວນທີ່ກ່ຽວຂ້ອງລົງແນະນຳໃຫ້ຊາວກະສິກອນໃນການປ້ອງກັນ ແລະ ສະກັດກັ້ນແບບເຂດຕະກຳດ້ວຍມືໃນເຂດທີ່ບໍ່ທັນມີການລະບາດຢ່າງຮ້າຍແຮງ, ສຳລັບເຂດທີ່ມີການລະບາດຫຼາຍທີ່ກະທົບເຖິງລະດັບເສດຖະກິດແມ່ນແນະນຳໃຫ້ນຳໃຊ້ສານເຄມີປະເພດແຊນອິມາແມັກ5, ສິດພົນໃນອັດຕາການໃຊ້ 10 ກຼາມ/ ນ້ຳ 20 ລິດ, ສິດພົ່ນໃນຕອນເຊົ້າກ່ອນເວລາ 8 ໂມງເຊົ້າ ແລະ ຫຼັງເວລາ 4 ໂມງແລງແມ່ນໄດ້ຮັບຜົນ ແລະ ເໝາະສົມກັບບົ້ງຝຸງຊະນິດນີ້, ແຕ່ໃນກໍລະນີເຂດທີ່ມີຄວາມເສຍຫາຍ 100% ໄດ້ແນະນຳໃຫ້ຊາວສວນໄຖດິນຕາກແດດຊິດຢາກຳຈັດ, ເພື່ອຕັດວົງຈອນຊີວິດຂອງບົ້ງຝຸງສາລີ ແລະ ປູກພຶດຄືນໃໝ່,



ສ່ວນພື້ນທີ່ຍັງບໍ່ທັນປູກສາລີແມ່ນໃຫ້ເລື່ອນການປູກອອກໄປຈົນກ່ວາສາມາດຄວບຄຸມສັດຕູພຶດດັ່ງກ່າວໄດ້, ສຶບຕໍເຜີຍແຜ່ຜົນຮ້າຍຂອງບົ້ງຝຸງສາລີ ແລະ ແນະນຳຄວາມຮູ້ພື້ນຖານກ່ຽວກັບບົ້ງຝຸງສາລີ, ພ້ອມການປ້ອງກັນກຳຈັດໃຫ້ຊາວກະສິກອນ, ໂດຍສະເພາະການນຳໃຊ້ສານເຄມີໃຫ້ຖືກກັບສັດຕູພຶດ ແລະ ຖືກຕ້ອງຕາມຫຼັກວີຊາການເພື່ອເພີ່ມປະສິດທິພາບໃນການກຳຈັດສັດຕູພຶດຫຼີກລ່ຽງການສ້າງຜົນກະທົບຕໍສິ່ງແວດລ້ອມ-ສັງຄົມ.



ແຂວງໄຊຍະບູລີມີແຜນກາຝົນປີນປູກສາລີໃນລະດູຝົນປີນີ້ 40.356 ເຮັກຕາ, ຄາດຄະເນສະມັດຕະພາບສະເລ່ຍ 5,4 ໂຕນຕໍ່ເຮັກຕາ ຜົນຜະລິດທັງໝົດ 217.979 ກ່ວາໂຕນ, ມາຮອດປະຈຸບັນສາມາດປູກສາລີໄດ້ 24.638 ເຮັກຕາກ່ວາ ເທົ່າກັບ 61,05% ຂອງແຜນການປີ, ປະຈຸບັນພຶດຜົນຜະລິດພວມຈະເລີນເຕີມໂຕ, ແຕ່ພັດມີຝຸງບົ້ງສາລີແຜລະບາດທຳລາຍກັດກີນຕົ້ນສາລີເຮັດໃຫ້ເສຍຫາຍ ແລະ ມີແນວໂນ້ມຈະແຜ່ລາມອອກໄປທຸກເມືອງຂອງແຂວງໄຊຍະບູລີ.

ຂ່າວ: ບຸນທີ

ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.