ຂ່າວເດັ່ນ

ແຂວງ ຜົ້ງສາລີ ຈູດທຳລາຍຊາກສັດປ່າ 37 ກິໂລກຼາມ



ຫ້ອງຕໍາຫຼວດ ປກສ ແຂວງຜົ້ງສາລີ ຮ່ວມກັບພະແນກກະສິກໍາ ແລະ ປ່າໄມ້ແຂວງ ຈູດທໍາລາຍຊາກສັດ ແລະ ຊິ້ນສ່ວນສັດປ່າທີ່ຢຶດມາໄດ້ຈໍານວນ 37 ກິໂລກຼາມ ໃນທ້າຍອາທິດທີ່ຜ່ານມາ, ມີ ທ່ານ ວິສັນ ວົງນະຄອນ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ໄນເພັດ ບຸບຜາ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງ ໃຫ້ຮູ້ວ່າ: ໂດຍປະຕິບັດຕາມກົດໝາຍສະບັບເລກທີ 07/ສພຊ, ລົງວັນທີ 24 ທັນວາ 2007 ວ່າດ້ວຍສັດນໍ້າ ແລະ ສັດປ່າ; ຄໍາສັ່ງຂອງນາຍົກລັດຖະມົນຕີ ສະບັບເລກທີ 05/ນຍ, ລົງວັນທີ 8 ພຶດສະພາ 2018, ວ່າດ້ວຍຊີວະນາໆພັນມີຄວາມຢືນຍົງ ແລະ ສາມາດເຮັດໃຫ້ສັງຄົມມີຄວາມຮັບຮູ້ເຖິງຄວາມໝາຍ-ຄວາມສໍາຄັນຕໍ່ກັບການອະນຸລັກສັດນໍ້າ ແລະ ສັດປ່າ, ສະເພາະຊາກສັດປ່າແມ່ນຢຶດໄດ້ວັນທີ 12 ເມສາ 2019 ມີພົນລະເມືອງດີແຈ້ງວ່າຈະມີການເຄື່ອນຍ້າຍຊາກສັດປ່າ ຈຶ່ງໄດ້ແຕ່ງຕັ້ງທີມງານລົງສົມທົບກັບພາກສ່ວນທີ່ກ່ຽວຂ້ອງກວດກາ ພົບເຫັນເປົ້າໝາຍຈຶ່ງເຂົ້າກັກ ຕົວ ທ້າວ ຄໍາສຸກ ຄ້າຂາຍຢູ່ບ້ານຫາດສາ ເມືອງຜົ້ງສາລີ ພ້ອມຂອງກາງ ຄື: ຟານ 1 ໂຕ ໜັກ 24 ກິໂລ ກຼາມ ແລະ ຊາກສິ້ນສ່ວນຂອງເຍືອງ 13 ກິໂລກຼາມ ລວມ 37 ກິໂລກຼາມ.



ຕໍ່ກັບຜູ້ລະເມີດ ເຈົ້າໜ້າທີ່ໄດ້ເຮັດບົດບັນທຶກການສຶກສາອົບຮົມກ່າວເຕືອນໃຫ້ຢຸດການລັກລອບຊື້-ຂາຍຊາກສັດປ່າ ພ້ອມທັງປັບໃໝຕາມລະບຽບກົດໝາຍໄດ້ກໍານົດໄວ້, ຖ້າຜູ້ກ່ຽວຍັງ ລະເມີດ ຈະຖືກດໍາເນີນຄະດີຕາມລະບຽບກົດໝາຍ.

________
ປະກາດ ຮ່ວມສ້າງຄວາມສຸກສູ່ສັງຄົມລາວ



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.