ຂ່າວເດັ່ນ

ຄົນເປັນໄມເກນຕ້ອງຮູ້!!! ວິທີປ້ອງກັນ ແລະ ຮັກສາບໍ່ໃຫ້ ໄມເກນກໍາເລີບ





ຄົນເປັນໄມເກນຕ້ອງຮູ້! ວິທີປ້ອງກັນ ແລະ ຮັກສາບໍ່ໃຫ້ ໄມເກນກໍາເລີບ
ໄມເກນເປັນອາການປວດຫົວທີ່ພົບໄດ້ຕະຫຼອດ ໂດຍຜູ້ຍິງມັກເປັນໄມເກນກໍາເລີບ ມັກຈະເຈັບຫົວລວມກັບອາການທາງລະບົບປະສາດ, ອາການທາງເດີນອາຫານ ແລະ ອາການທາງລະບົບປະສາດອັດຕະໂນມັດໂດຍຜູ້ປ່ວຍສ່ວນໃຫຍ່ມັກເກີດອາການໄມເກນຄັ້ງທໍາອິດໃນຊ່ວງອາຍຸກ່ອນ 30 ປີ

ໄມເກນເປັນຄວາມຜິດປົກກະຕິໃນກຸ່ມໂລກທີ່ມີປັດໄຈທາງກາມະພັນລວມນໍາ ໂດຍຈະມີອາການທາງລະບົບປະສາດກ່ອນຈະມີອາການປວດຫົວໄມເກນ ແຕ່ເດີ່ມເຊື່ອວ່າເກີດຈາກຫຼອດເລືອດໃນສະໝອງມີການຫົດຕົວເກີດຂື້ນ ຫຼັງຈາກນັ້ນຮ່າງກາຍຈະມີການຕອບສະໜອງດ້ວຍການເຮັດໃຫ້ຫຼອດເລືອດຂະຫຍາຍຕົວ ນີ້ແລະເປັນສາເຫດຂອງການເຈັບຫົວ

ການຮັກສາໂລກໄມເກນ
ແພດຈະວິນິໄສ ແລະ ວາງຢາຮັກສາໂດຍພິຈາລະນາຈາກອາການ ແລະ ຄວາມເຈັບປ່ວຍອື່ນໆ ທີ່ຜູ້ປ່ວຍເປັນຢູ່ ຊຶ່ງກໍລະນີທີ່ພົບໃນຄົນເຈັບທີ່ເປັນໄມເກນໄດ້ແກ່ ໂລກລົມຊັກ, ຄວາມຜິດປົກກະຕິທາງຈິດໃຈ, ເຊັ່ນ: ການຊຶມເສົ້າ, ອາການໂວຍວາຍ, ວິຕົກກັງວົນ ນອກຈາກນີ້ຍັງອາດພົບຄວາມຜິດປົກກະຕິທາງຈິດໃຈທີ່ເຮັດໃຫ້ກີດຄວາມຜິດປົກກະຕິ ໃນລະບົບຍ່ອຍອາຫານເຊັ່ນ ເຈັບທ້ອງຈາກການວິຕົກກັງວົນ ຫຼື ຊືມເສົ້າລວມນໍາ.

ການຮັກສາດ້ວຍຢາ
1   - ການຮັກສາແບບເລັ່ງດ່ວນເພື່ອບັນເທົາອາການເຈັບ ເພື່ອຫຼຸດອາການປວດຫົວທີ່ເກີດຂື້ນ
  - ການໃຊ້ຢາເພື່ອປ້ອງກັນການເກີດໄມເກນແບບກະທັນຫັນ ແລະ ຊ່ວຍໃຫ້ຄວາມຮຸນແຮງຂອງອາການປວດ ໜ້ອຍລົງ.

ຈາກຫຼັກຖານທາງວິຊາການກ່ຽວກັບປະສິດທິພາບ ແລະ ຄວາມທົນຕໍ່ຢາທີ່ໃຊ້ໃນການປ້ອງກັນ ອາການປວດໄມເກນ ທາງ  Unlted States Headache Consortium ໄດ້ສະຫຼຸບ ແລະ ຈັດເປັນຄໍາແນະນໍາກ່ຽວກັບການໃຊ້ຢາເພື່ອປ້ອງກັນການເກີດອາການໄມເກນຄື: ຄວນໃຫ້ການຮັັກສາດ້ວຍຢາ ເພື່ອປ້ອງກັນການເກີດໄມເກນໃນຜູ້ປ່ວຍກໍລະນີຕໍ່ໄປນີ້:

-       ເປັນໄມເກນຊໍ້າໆ ຊຶ່ງອາການໄມເກນທີ່ເປັນມີຜົນກະທົບຕໍ່ຊີວິດປະຈໍາວັນຂອງຄົນເຈັບ ເຖີງຈະໄດ້ຮັບການຮັກສາແບບໄວວາເພື່ອບັນເທົາອາການແລ້ວກໍ່ຕາມເຊັ່ນ: ເກີດອາການໄມເກນຫຼາຍກ່ວາ 2 ຄັ້ງໃນ 1 ເດືອນ ຊຶ່ງເຮັດໃຫ້ຄົນເຈັບ ບໍ່ສາມາດເຮັດວຽກໄດ້ ແລະ ເວລາທີ່ເກີດອາການຈະຮຸນແຮງຫຼາຍຈົນຄົນເຈັບບໍ່ສາມາດເຮັດຫຍັງໄດ້ເລີຍ.

-       ໄດ້ຮັບການຮັກສາດ້ວຍຢາແບບກະທັນຫັນແລ້ວ ແຕ່ບໍ່ໄດ້ຜົນໃນການຮັກສາ ຫຼື ມີຂໍ້ຫ້າມໃຊ້ ແລະ ເກີດຜົນຂ້າງຄຽງຈາກຢາທີ່ໃຊ້ໃນການຮັກສາອາການປວດແບບກະທັນຫັນ


-   ໃຊ້ຢາບັນເທົາອາການເຈັບຫຼາຍຈົນເກີນໄປ

-   ຄົນເຈັບມີລັກສະນະສ່ຽງຕໍ່ການເກີດຄວາມພິການທາງລະບົບປະສາດ

-   ມີອາການເຈັບຫົວຫຼາຍຂື້ນ (ຫຼາຍກວ່າ2ຄັ້ງຕໍ່ອາທິດ) ແລະ ມີຄວາມສ່ຽງຕໍ່ການເກີດ rebound headache


 ຂອບໃຈທີ່ມາ ຈາກ:        www.maginside.com

________
ປະກາດ ຮ່ວມສ້າງຄວາມສຸກສູ່ສັງຄົມລາວ










ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.