ຂ່າວເດັ່ນ

ບໍລິສັດ ຂອງ ສປ ຈີນ ກໍາລັງສຶກສາ-ອອກ ແບບໂຄງການກໍ່ສ້າງເຂດເສດຖະກິດພິເສດຄອນພະເພັງ


ກຸ່ມບໍລິສັດ ອຸດສາຫະກໍາ ແມ່ນໍ້າເຫລືອງ ແຂວງກວາງຕຸງ ສປ ຈີນ ກໍາລັງສຶກສາ-ອອກ ແບບໂຄງການກໍ່ສ້າງເຂດເສດຖະກິດພິເສດ, ເຊິ່ງຕັ້ງຢູ່ໃກ້ເຂດນໍ້າຕົກຄອນພະ ເພັງ, ເມືອງໂຂງ ແຂວງຈໍາປາສັກ, ມີເນື້ອທີ່ຫລາຍກ່ວາ 7.000 ເຮັກຕາ, ຈະແບ່ງອອກເປັນ 4 ເຂດໃຫຍ່ ​ແລະ ຈະໃຊ້ງົບປະມານ 10 ຕື້ກວ່າໂດລາສະຫະລັດ ເພື່ອພັດທະນາເຂດດັ່ງກ່າວ.




ທ່ານ ບຸນຖອງ ດີວິໄຊ ເຈົ້າແຂວງຈໍາປາສັກ ​ໄດ້ເປີດເຜີຍຕໍ່ນັກຂ່າວ​ເມື່ອບໍ່ດົນມານີ້ວ່າ: ກຸ່ມບໍລິສັດດັ່ງກ່າວ, ​ໄດ້ຮັບອະນຸຍາດຈາກອໍານາດການປົກຄອງແຂວງ ​ໃຫ້ລົງມືສໍາຫລວດ ​ແລະອອກແບບ ເພື່ອເຮັດໃຫ້ເຂດດັ່ງກ່າວ ເປັນເຂດເສດ ຖະກິດພິເສດທີ່ສວຍງາມ, ທັນສະ​ໄໝ ​ແລະ ມີພື້ນຖານໂຄງລ່າງສິ່ງເອື້ອອໍານວຍຄວາມສະດວກຫລາຍຢ່າງ ​ທາງ​ດ້ານ​ການ​ຄ້າ-​ການ​ລົງທຶນ ເຊັ່ນ: ສະໜາມບິນ, ສູນການຄ້າ, ຖະໜົນຫົນທາງ ແລະ ບັນດາກິດຈະກໍາການບໍລິການອື່ນໆ ເພື່ອດຶງດູດ ນັກລົງທຶນ, ທ່ອງທ່ຽວພາຍໃນ ແລະ ຕ່າງປະເທດ.





ໂຄງການສຶກສາ-ອອກແບບ ເຂດເສດຖະກິດພິ​ເສດຄອນ​ພະ​ເພັງ ຄາດວ່າຈະໃຫ້ສໍາເລັດໃນປີ 2018. ໃນເດືອນມິຖຸນາຜ່ານມາ ລັດຖະບານລາວ ແລະ ກຸ່ມບໍລິສັດດັ່ງກ່າວ, ​ໄດ້ເຊັນບົດ ບັນທຶກຄວາມເຂົ້າໃຈ ເພື່ອດໍາເນີນການສໍາຫລວດ-ອອກແບບ ​ໃຫ້​ໄດ້​ຮັບ​ຜົນສຳ​ເລັດ​ຕາມ​ຄາດໝາຍ.

________
ປະກາດ ຮ່ວມສ້າງຄວາມສຸກສູ່ສັງຄົມລາວ




ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.