ຂ່າວເດັ່ນ

ເປີດງານວາງສະແດງສິນຄ້າ ວັດສະດຸກໍ່ສ້າງ ແລະ ອຸປະກອນໄຟຟ້າ


ໃນ​ວັນ​ທີ 20 ກັນຍາ 2017 ນີ້ ທີ່ ສູນ​ການ​ຄ້າ ລາວ-​ໄອ​ເຕັກ ສະພາ​ການ​ຄ້າ​ແລະອຸດ​ສາ​ຫະກໍາ​ ນະຄອນຫລວງ​ວຽງ​ຈັນ,​ ຮ່ວມ​ກັບສະມາຄົມ​ກໍ່ສ້າງ​ແລະຕິດ​ຕັ້ງ​ໄຟຟ້າໄດ້​ຈັດ​ງານ​ວາງສະ​ແດງ​ສິນ​ຄ້າການ​ກໍ່ສ້າງ, ວັດ​ສະ​ດຸ​ກໍ່ສ້າງ​ແລະອຸປະກອນ​ໄຟຟ້າຄັ້ງ​ທີ່I ຂຶ້ນ, ​ໂດຍ​ການ​ເປັນ​ກຽດ​ເຂົ້າ​ຮ່ວມຂອງທ່ານສົມ​ຈິດອິນ​ທະ​ມິດຮອງ​ລັດຖະມົນຕີ​ ກະຊວງ​ອຸດ​ສະຫະ​ກໍາ​ແລະການ​ຄ້າ, ມີ​ທ່ານ​ເບີ​ລິນ​ເພັດ​ຈັນທະຣາດຫົວໜ້າ​ພະ​ແນ​ກອຸດ​ສະຫະ​ກໍາ​ແລະການ​ຄ້າ​ນະຄອນຫລວງ, ​ເຈົ້າ​ເມືອງ,ຮອງ​ເຈົ້າ​ເມືອງ​ແລະພາກສ່ວນ​ທີ່​ກ່ຽວຂ້ອງ ​ເຂົ້າ​ຮ່ວມ.

​ທ່ານສັງຄົມຈັນ​ສຸກປະທານ​ສະພາ​ການ​ຄ້າ​ແລະອຸດສະຫະກໍານ.ວກ່າວ​ວ່າ:ເພື່ອ​ເປັນ​ການ​ເປີດ​ຕະຫລາດ​ຈໍາໜ່າຍ​ສິນຄ້າ ​ໃຫ້​ແກ່​ຫົວ​ໜ່ວຍທຸລະ​ກິດການ​ກໍ່ສ້າງ, ວັດ​ສະ​ດຸ​ກໍ່ສ້າງ ​ແລະ ອຸປະ ກອນ​​ເຄື່ອງ​ໃຊ້​ໄຟຟ້າ​ໃຫ້​ກ້ວາງ​ຂວາງ​ອອກ ​ແລະ ເປັນ​ທີ່​ຍອມຮັບ​ຂອງ​ສັງຄົມ, ​ຜູ້​ປະກອບ​ການໄດ້​ມີ​ການພັດທະນາ ດ້ານ​ການ​ຕະຫລາດ ​ແລະ ຄຸນ​ນະພາ​ບຂອງ​ສິນຄ້າ, ພ້ອມ​ທັງ​ເປັນ​ການ​ສ້າງ​ລາຍ​ຮັບ, ສ້າງ​ຄວາມ​ເຂັ້ມ​ແຂງ​ ໃຫ້​ແກ່​ຫົວໜ່ວຍ​ທຸລະ​ກິດ​ດ້ານ​ການ​ກໍ່ສ້າງ ​ແລະ ອຸ​ປະກອນ​ໄຟຟ້າ. ນອກຈາກ​ນັ້ນ​, ຍັງ​ເປັນ​ການ​ແລກປ່ຽນ​ບົດຮຽນ​ ລະຫວ່າງ​ພາກ​ທຸລະ​ກິດ​ການ​ກໍ່ສ້າງ ​ແລະ ຜູ້​ປະກອບ​ການ​ເຄື່ອງ​ໃຊ້​ໄຟຟ້າພາຍ​ໃນ ​ແລະ ຕ່າງປະ​ເທດ​ໃນ​ຍຸກ​ເຊື່ອມ​ໂຍງ​ປະຊາ​ຄົມ​ເສດຖະກິດ​ອາ​ຊຽນ (AEC) ຕື່ມ​ອີກ.


​ງານ​ວາງ​ສະ​ແດງ​ສີນ​ຄ້າ​ໃນ​ຄັ້ງ​ນີ້, ໄດ້​ຈັດ​ຂຶ້ນ​​ແຕ່ວັນທີ 20-24 ກັນຍາ 2017, ທີ່ສູນ​ການ​ຄ້າ ລາວ-​ໄອ​ເຕັກ (ຕຶກ​ເກົ່າ), ​ໃນ​ງານ​ ທ່ານ​ຈະ​ໄດ້​ພົບ​ກັບວັດ​ສະ​ດຸ​ກໍ່ສ້າງ ແລະ ເຄື່ອງ​​ໃຊ້​ໄຟຟ້າ ທີ່​ມາ​ຈາກ​​ພາຍ​ໃນ ​ແລະ ຕ່າງປະ​ເທດ. ພິ​ເສດ ໃນ​ງານ​ດັ່ງ​ກ່າວ,​ ​ຈະມີ​ການໃຫ້ຄໍາປຶກສາໃນການສ້າງ​ບ້ານ, ຈັດ​ສ່ວນ ​ແລະ ​ອື່ນ​ໆ ຕື່ມ​ອີກ.

ຂ່າວ: ວິໄລສັກ ພາບ: ​ໄອ​ຄໍາ




________
ປະກາດ ຮ່ວມສ້າງຄວາມສຸກສູ່ສັງຄົມລາວ



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.