ຂ່າວເດັ່ນ

ຫຼວງພະບາງຈັດງານ ວັນລັດຖະທຳມະນູນຄົບຮອບ 26 ປີ ແລະ ວັນສ້າງຕັ້ງສານປະຊາຊົນ ຄົບຮອບ 35 ປີ



ວັນທີ່ 15 ສີງຫາ 2017 ຜ່ານມານີ້ ແຂວງຫຼວງພະບາງ ໄດ້ຈັດພິທີສະເຫຼີມສະຫຼອງ ວັນປະກາດໃຊ້ລັດຖະທຳມະນູນ ແຫ່ງ ສປປລາວ ຄົບຮັບ 26 ປີ ນັບແຕ່ວັນທີ່ 15 ສີງຫາ ປີ 1991 ຫາ ວັນທີ່ 15 ສີງຫາ ປີ 2017 ແລະ ວັນສ້າງຕັ້ງສານປະຊາຊົນແຫ່ງ ສປປລາວ ຄົບຮອບ 35 ປີ ນັບແຕ່ ວັນທີ່ 15 ສີງຫາ ປີ 1982 ຫາ ວັນທີ່ 15 ສີງຫາ ປີ 2017 ໂດຍເລີ້ມຈາກການວາງກະຕ່າດອກໄມ້ໜ້າຮູບຫຼໍ່ ຂອງປະທານໄກສອນພົມວິຫານ ແລະ ປະທານສຸພານຸວົງ ໂດຍການນຳພາຂອງການນຳຂອງແຂວງ, ຈາກນັ້ນ ໄດ້ຈັດຕັ້ງການປາຖະກະຖາວັນດັ່ງກ່າວຂື້ນ ທີ່ສະໂມສອນໃຫຍ່ຫ້ອງວ່າການປົກຄອງແຂວງ ໂດຍການເປັນປະທານຂອງ ທ່ານ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ, ມີການນຳຂອງແຂວງ, ຫົວໜ້າພະແນກການກົມກອງ, ຜູ້ຕາງໜ້າລັດວິສາຫະກິດ, ທຸລະກິດ, ສະຖາບັນການສືກສາ ພະນັກງານທະຫານຕ່ຳຫຼວດ ແລະ ພະນັກງານລັດຖະກອນເຂົ້າຮ່ວມ. 

ທ່ານ ຄຳຂັນ ຈັນທະວີສຸກ ໄດ້ເລົ່າຄືນເຖີງມູນເຊື້ອຂອງການປະຕິວັດ ພາຍໃຕ້ລະບອບການປົກຄອງຂອງພວກຈັກກະພັດຕ່າງດ້າວ ເຮັດໃຫ້ຊາດລາວຕ້ອງຕົກຢູ່ໃນຖານະເປັນຫົວເມືອງຂື້ນຂອງຕ່າງຊາດ ໂດຍບໍ່ມີສິດເສລີພາບແຕ່ຢ່າງໃດ ເມື່ອປະເທດຊາດໄດ້ຮັບການປົດປ່ອຍ ພາຍໃຕ້ການຊີ້ນຳ ນຳພາຢ່າງສະຫຼາດສ່ອງໃສຈາກພັກ ປະຊາຊົນປະຕິຫວັດລາວ ພັກ-ລັດຖະບານ ໄດ້ຄົ້ນ ຄ້ວາສ້າງລັດຖະທະມະນູນ ອັນເປັນກົດໝາຍພື້ນຖານຂອງຊາດຂື້ນ ແລະ ປະກາດນຳໃຊ້ຢ່າງເປັນທາງການ ເປັນລັດຖະທຳມະນູນສະບັບດຽວ ແລະ ສະບັບທຳອິດຂອງປະເທດ ໃນວັນທີ່ 15 ສີງຫາ ປີ 1991 ໂດຍລະບຸແຈ້ງເຖີງສິດ ແລະ ພັນທະຂອງພົນລະເມືອງລາວ, ລວມທັງພາສາປາກເວົ້າ, ເພງຊາດ, ທຸງຊາດ ແລະ ອື່ນໆ. 



ພ້ອມນີ້ ທ່ານໄດ້ຍົກໃຫ້ຮູ້ຕື່ມກ່ຽວກັບມູນເຊື້ອ ແລະ ການເຄື່ອນໄຫວວຽກງານຂອງສານປະຊາຊົນ ແຫ່ງ ສປປລາວ ນັບແຕ່ມື້ໄດ້ຮັບການສ້າງຕັ້ງຂື້ນ ແຕ່ ວັນທີ່ 15 ສີງຫາ ປີ 1982 ຈົນມາເຖີງປະຈຸບັນ ເພື່ອໃຫ້ຜູ້ເຂົ້າຮ່ວມ ໄດ້ເຊື່ອມຊືມ ແລະ ເຂົ້າໃຈແຈ້ງຕໍ່ວັນທີ່ມີຄວາມໝາຍສຳຄັນດັ່ງກ່າວ.


ຂ່າວ: ເພັດສາຄອນ ສິມມະວົງ


________
ປະກາດ ຮ່ວມສ້າງຄວາມສຸກສູ່ສັງຄົມລາວ




ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.