ຂ່າວເດັ່ນ

KUBOTA ປັນນໍ້າໃຈໃຫ້ນ້ອງປີທີ 3 ມອບກະເປົ໋ານັກຮຽນ ເພື່ອເຍົາວະຊົນໃນຖິ່ນທຸລະກັນດານໃນ ສປປ ລາວ


KUBOTA Lao Sole., Ltd. ຈັດໂຄງການ “KUBOTA ປັນນໍ້າໃຈໃຫ້ນ້ອງ” (KUBOTA Sharing The Future) ປີທີ 3 ສົ່ງມອບອຸປະກອນການຮຽນໃຫ້ແກ່ເດັກ ແລະ ເຍົາວະຊົນໃນ ສປປ.ລາວ ຈຳນວນ 10,000 ຊຸດ. ລະຫວ່າງວັນທີ 1-15 ມີນາ 2017ເພື່ອຮ່ວມເປັນສ່ວນໜຶ່ງໃນການພັດທະນາ ແລະ ຕອບແທນສັງຄົມ ມຸ່ງຫວັງໃຫ້ເດັກນ້ອຍ ແລະ ເຍົາວະຊົນໄດ້ມີອຸປະກອນການຮຽນ ແລະ ມີຄຸນນະພາບຊີວິດທີ່ດີຂຶ້ນ ໂດຍຈະມີພິທີມອບໃຫ້ກັບກົມອະນຸບານ ແລະ ປະຖົມສຶກສາ ກະຊວງສຶກສາທິການ ແລະ ກິລາ ໃນວັນອັງຄານ ທີ 6 ມີນານີ້ ທີ່ໂຮງຮຽນປະຖົມໜອງບົວທອງໃຕ້ ເມືອງສີໂຄດຕະບອງ ນະຄອນຫຼວງວຽງຈັນ



ທ່ານ ສົມບູນ ຈິນຕະນາຜົນ ຜູ້ຊ່ວຍກຳມະການຜູ້ຈັດການໃຫຍ່ ຜູ້ຈັດການທົ່ວໄປ ສາຍງານຂາຍ ແລະ ບໍລິການ ບໍລິສັດສະຫຍາມຄູໂບຕ້າ ຄໍເປີເຣຊັນຈຳກັດ ກ່າວວ່າຈາກຄວາມສໍາເລັດຂອງການຈັດໂຄງການ“ KUBOTA ປັນນໍ້າໃຈໃຫ້ນ້ອງ” ໃນໄລຍະ 2 ປີທີ່ຜ່ານມາ ພົບວ່າອຸປະກອນການຮຽນທີ່ໄດ້ມອບໃຫ້ແກ່ນ້ອງໆເຍົາວະຊົນໄປແລ້ວນັ້ນ ມີສ່ວນຊ່ວຍພັດທະນາສັກກະຍະພາບການຮຽນ ແລະ ເປັນກຳລັງໃຈໃຫ້ກັບເດັກໆໄດ້ ແລະ ຍັງມີຫຼາຍພື້ນທີ່ໃນ ສປປ.ລາວ ທີ່ຕ້ອງການໃຫ້ບໍລິສັດ ເຂົ້າໄປຊ່ວຍເຕີມເຕັມໂອກາດດ້ານການສຶກສາ.



ໃນປີນີ້ ເຮົາຈຶ່ງເດີນໜ້າຈັດໂຄງການດັງກ່າວຂື້ນອີກຄັ້ງ. ຕໍ່ເນື່ອງເປັນປີທີ 3 ໂດຍໄດ້ຮັບຄວາມຮ່ວມມືຈາກກົມອະນຸບານ ແລະ ປະຖົມສຶກສາ, ກະຊວງສຶກສາທິການ ແລະ ກິລາ ສປປ.ລາວ ສົ່ງມອບອຸປະກອນການຮຽນລວມທັງໝົດ 10,000 ຊຸດ ພາຍໃນເດືອນມິຖຸນານີ້ ແບ່ງເປັນມອບຜ່ານກະຊວງສຶກສາທິການແລະ ກິລາ 4,300 ຊຸດ ແລະ ມອບຜ່ານຮ້ານຄ້າຜູ້ແທນຈຳໜ່າຍອີກຈຳນວນ 5,700 ຊຸດ ເພື່ອຂະຫຍາຍໂອກາດໃຫ້ເດັກ ແລະ ເຍົາວະຊົນໃນແຂວງຕ່າງໆຂອງ ສປປ.ລາວ ໄດ້ຮັບອຸປະກອນການຮຽນຢ່າງທົ່ວເຖິງ“ ຕະຫຼອດໄລຍະເວລາຂອງການດໍາເນີນທຸລະກິດ KUBOTA Lao Sole Co., Ltd. ໄດ້ເລັງເຫັນເຖິງຄວາມສໍາຄັນຂອງການມີສ່ວນຮ່ວມໃນການສົ່ງເສີມ ແລະ ພັດທະນາເຍົາວະຊົນ ແລະ ສັງຄົມ ຈຶ່ງໄດ້ຈັດກິດຈະກຳຕອບແທນສັງຄົມມາຢ່າງຕໍ່ເນື່ອງ ໂດຍແບ່ງອອກເປັນ 2 ດ້ານຫຼັກໄດ້ແກ່ດ້ານສັງຄົມ ແລະ ໃນດ້ານການສຶກສາ ແລະ ເຍົາວະຊົນໄດ້ແກ່ກິດຈະກຳ KUBOTA Technical Education Center (KTEC) ທີ່ຮ່ວມກັບກົມອາຊີວະສຶກສາ ສປປ.ລາວ ໃນການພັດທະນາຫຼັກສູດສອນເຄື່ອງກົນຈັກກະສິກຳ ແລະ ໂຄງການ “KUBOTA ປັນນໍ້າໃຈໃຫ້ນ້ອງ” ທີ່ຈະທຳການມອບອຸປະກອນການຮຽນພາຍໃນເດືອນມີຖຸນານີ້ ເຊິ່ງຖືເປັນໄລຍະເທດສະການວັນເດັກແຫ່ງຊາດ ແລະ ວັນເດັກນ້ອຍສາກົນນຳອີກດ້ວຍ ”ທ່ານ ສົມບູນ ຈິນຕະນາຜົນ ກ່າວຕື່ມ



ທັງນີ້ໃນປີ 2017 ໂຄງການ “KUBOTA ປັນນໍ້າໃຈໃຫ້ນ້ອງ”ມີເປົ້າໝາຍທີ່ຈະສົ່ງມອບອຸປະກອນການຮຽນໃຫ້ກັບເດັກ ແລະ ເຍົາວະຊົນ ລວມທັັງໝົດ 45,000 ຊຸດແບ່ງເປັນປະເທດລາວ ຈຳນວນ 10,000 ຊຸດ ປະເທດກຳປູເຈ້ຍ ຈຳນວນ 20,000 ຊຸດ ແລະ ມຽນມາ ຈຳນວນ 15,000 ຊຸດເຊິ່ງຖືເປັນໂຄງການ CSR Regional Campaign ທີ່ຈະທໍາການມອບຜ່ານໜ່ວຍງານລັດ ແລະ ຮ້ານຄ້າຜູ້ແທນຈໍາໜ່າຍໃນປະເທດນັ້ນໆ ເພື່ອຂະຫຍາຍໂອກາດໃຫ້ກັບເດັກ ແລະ ເຍົາວະຊົນທີ່ຂາດແຄນ ໄດ້ມີອຸປະກອນການຮຽນໄວ້ໃຊ້ໃນການສຶກສາຕໍ່ໄປ.

________
ປະກາດ ຮ່ວມສ້າງຄວາມສຸກສູ່ສັງຄົມລາວ



ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.