ຂ່າວເດັ່ນ

ຊົ່ວໂມງວຽງຈັນສະອາດ ທຸກວັນພຸດ ເວລາ 5:00-6:00



ນະຄອນຫລວງວຽງຈັນ ໄດ້ກຳນົດເອົາທຸກວັນພຸດ ເປັນມື້ປະຕິບັດ “ ຊົ່ວໂມງວຽງຈັນສະ ອາດ” ສະເພາະໄລຍະລະດູຝົນແມ່ນ 5 ໂມງ ຫາ 6 ໂມງເຊົ້າ ແລະ ລະດູແລ້ງແມ່ນ 5 ໂມງເຄີ່ງ ຫາ 6 ໂມງເຄີ່ງ ໂດຍຈະເລີ່ມຈັດຕັງປະຕິບັດນັບແຕ່ວັນພຸດ ວັນທີ 7 ມິຖຸນານີ້ເປັນຕົ້ນໄປ.

ທ່ານ ນາງ ວິໄລວອນ ຈັນທະລາຕີ, ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ຖະແຫລງຂ່າວຕໍ່ສື່ມວນຊົນໃນວັນທີ 2 ມິຖຸນານີ້ ທີ່ນະຄອນຫລວງວຽງຈັນ ວ່າ: ໃນໄລຍະ 1 ຊົ່ວໂມງຂອງການຈັດຕັ້ງປະຕິບັດຊົ່ວໂມງວຽງຈັນສະອາດ ຈະມີການປັດກວດ, ເກັບມ້ຽນສິ່ງເສດເຫລືອ, ຕັດຫຍ້າ ແລະ ອື່ນຯ ໃນໜ້າເຮືອນຂອງຕົນໃຫ້ມີຄວາມສະອາດງາມດຕາ ເພື່ອສ້າງໃຫ້ນະ ຄອນຫລວງວຽງຈັນສະອາດງາມຕາ ແລະ ສົມເປັນນະຄອນຫລວງຂອງປະເທດ, ທັງປະກອບສ່ວນເຮັດໃຫ້ 8 ສະອາດ ( ຖະໜົນຫົນທາງ-ສະຄອງຮ່ອງນ້ຳສະອາດ, ເຄຫາສະຖານສະອາດ, ພາຫະນະສະອາດ, ສາທາລະນຸປະໂຫຍດສະອາດ, ໂຮງຈັກ-ໂຮງງານສະອາດ, ການບໍລິໂພກສະອາດ, ນ້ຳ ແລະ ອາກາດສະອາດ ) ທີ່ອົງການປົກຄອງນະຄອນຫລວງວຽງຈັນກຳນົດໄວ້ໃຫ້ປະກົດຜົນເປັນຈິງ, ພ້ອມທັງຮຽກຮ້ອງມາຍັງຊາວນະ ຄອນຫລວງວຽງຈັນທຸກຄົນ ຈົ່ງເຂົ້າຮ່ວມຂະບວນການນີ້ດ້ວຍຄວາມເປັນເຈົ້າການທີ່ສຸດໂດຍເລີ່ມຈາກຂອບເຂດຕົນຢູ່ໃຫ້ມີຄວາມສະອາດກ່ອນ ແລະ ປະພຶດເປັນນິໃສໃນທຸກຯ ວັນພຸດດ້ວຍຄວາມຕື່ນຕົວ ແລະ ສະໝັກໃຈເອງຢ່າງຈິງຈັງ.


ໂດຍ: ບຸນຕຽງ ຈັນທະວົງ, ວິທະຍຸກະຈາຍສຽງແຫ່ງຊາດ
________
ປະກາດ ຮ່ວມສ້າງຄວາມສຸກສູ່ສັງຄົມລາວ






ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.