ຂ່າວເດັ່ນ

AirAsia Runway Ready Designer Search 2017 ປະກາດໂສມໜ້າຜູ້ເຂົ້າຮອບ 2 ຄົນສຸດທ້າຍ


AirAsia Runway Ready Designer Search 2017 ປະກາດໂສມໜ້າຜູ້ເຂົ້າຮອບ 2 ຄົນສຸດທ້າຍ
ຈາກການແຂ່ງຂັນຄັດເລືອກຢູ່ປະເທດລາວ !

ນະຄອນຫຼວງວຽງຈັນ, ວັນທີ 10 ມິຖຸນາ 2017 - AirAsia Runway Ready Designer Search) ໄດ້ຈັດຂຶ້ນເປັນເທື່ອທີສາມ ແລະ ການຄັດເລືອກຜູ້ເຂົ້າຮອບຄັ້ງນີ່ ໄດ້ຈັດຂຶ້ນຢູ່ນະຄອນຫຼວງວຽງຈັນໃນມື້ນີ້. ຜູ້ເຂົ້າຮອບສຸດທ້າຍສອງທ່ານ ທີ່ຖືກຄັດເລືອກເປັນຕົວແທນຈາກປະເທດລາວ ແມ່ນ

1. ນາງ ມະນີທີບ ວົງພະຈັນ ອາຍຸ 23 ປີ
2. ທ້າວ ສີອຳພັນ ຈັນທະວິຈິດ ອາຍຸ 19 ປີ

ຊຶ່ງທັງສອງທ່ານນີ້ຈະໄດ້ວາງສະແດງຜົນງານຂອງພວກເຂົາໃນການແຂ່ງຂັນຮອບສຸດທ້າຍ (Grand Finale) ຊຶ່ງຈະຈັດຂຶ້ນຢູ່ນະຄອນຫຼວງກົວລາລໍາເປີ ໃນເດືອນສິງຫານີ້.

AirAsia Runway Ready Designer Search ໄດ້ຈັດການແຂ່ງຂັນນີ້ຂຶ້ນຢູ່ 10 ປະເທດຂອງອາຊຽນ, ເຊິ່ງງານນີ້ໄດ້ສ້າງໂອກາດ ໃຫ້ແກ່ຜູ້ອອກແບບທີ່ມີຄວາມສາມາດພິເສດເຂົ້າຮ່ວມແຂ່ງຂັນ ໃນລະດັບພາກພື້ນ ແລະ ວາງສະແດງຜົນງານຂອງພວກເຂົາຢູ່ເວທີແຟຊັນລະດັບສາກົນໃນຊ່ວງໄລຍະງານ KL Fashion Week Ready to Wear.



ທ່ານ ເທບ ນີຣະນາດພູຣິ, ຜູ້ຈັດການອະວຸໂສ ຝ່າຍຜະລິດຕະພັນ ຂົງເຂດອິນໂດຈີນ ຂອງແອເອເຊຍ ໄດ້ກ່າວວ່າ: “ອຸດສາຫະກໍາແຟຊັນ ຢູ່ປະເທດລາວໄດ້ເລີ່ມເຂົ້າມາມີບົດບາດສຳຄັນ ເຊິ່ງກໍ່ໄດ້ເກີດຂຶ້ນຈາກພອນສະຫວັນຂອງສິນລະປິນທ້ອງຖິ່ນ ທີ່ເຮັດໃຫ້ຂະແຫນງນີ້ມີຄວາມພົ້ນເດັ່ນຂຶ້ນ. ພວກຂ້າພະເຈົ້າເຊື່ອວ່າ ມີຫຼາຍສິ່ງຫຼາຍຢ່າງທີ່ຈະໄດ້ຮັບຈາກປະເທດລາວໃນດ້ານວັດທະນະທໍາທີ່ເປັນເອກະລັກ ແລະ ພວກຂ້າພະເຈົ້າມີຄວາມຕື່ນເຕັ້ນທີ່ໄດ້ມີສ່ວນຮ່ວມໃນການລິເລິ່ມໃນລະດັບອາຊຽນ ເພື່ອສົ່ງເສີມໃຫ້ອຸດສາຫະກໍາທ້ອງຖິ່ນຂະຫຍາຍຕົວອອກຕື່ມ. ພວກຂ້າພະເຈົ້າຂໍອວຍພອນໃຫ້ຜູ້ເຂົ້າຮອບສຸດທ້າຍສອງຄົນຈາກປະເທດລາວ ຈົ່ງໂຊກດີ ໃນງານຮອບສຸດທ້າຍໃນເດືອນສິງຫາ ແລະ ພວກຂ້າພະເຈົ້າມີຄວາມຕື່ນເຕັ້ນ ທີ່ຈະເຫັນສິ່ງທີ່ໜ້າພູມໃຈຂອງປະເທດລາວເທິງເວທີ ໃນເດືອນສິງຫານີ້.”

ນັກອອກແບບຈາກປະເທດລາວ ໄດ້ຜ່ານຮອບພິຈາລະນາຕັດສີນສໍາຄັນໃນມື້ນີ້ ແລະ ໄດ້ຖືກຄັດເລືອກໂດຍອີງໃສ່ ຫົວຄິດປະດິດສ້າງໃນການອອກແບບ, ຄວາມໃໝ່ອ່ຽມ-ບໍ່ຊໍ້າແບບ, ຄວາມສອດຄ່ອງກົມກືນຂອງຜົນງານຂອງພວກເຂົາ, ຄວາມຍຶດໝັ້ນໃນຫົວຂໍ້ຂອງອາຊຽນ, ຄວາມມີປະໂຫຍດ ແລະ ຄວາມສາມາດໃນການສະແດງໃນເວທີ.



ງານເທດສະການລະດັບພາກພື້ນ ຈະສືບຕໍ່ຈັດຂຶ້ນຢູ່ເມືອງຫຼວງຂອງທຸກໆປະເທດໃນອາຊຽນ ໂດຍມີສອງຄົນຈາກແຕ່ລະປະເທດ ຈະຖືກຄັດເລືອກແຂ່ງຂັນຊິງເອົາຕໍາແໜ່ງອັນຊົງກຽດສູງສຸດ ໃນຮອບສຸດທ້າຍ (Grand Finale) ຢູ່ນະຄອນຫຼວງກົວລາລໍາເປີ ໃນເດືອນສິງຫານີ້.

ຜູ້ເຂົ້າຮອບສຸດທ້າຍ 2 ທ່ານຈາກງານຢູ່ປະເທດລາວມື້ນີ້ ຈະໄດ້ຮັບລາງວັນຫຼາຍຢ່າງ: ເຊັ່ນ:ຄະແນນ 150,000 ຈາກ AirAsia BIG Points; ເງິນຈໍານວນເງິນ 25.000 ຣິງກິດ (ປະມານ 48.000.000 ກີບ) ເພື່ອຜະລິດເຄື່ອງນຸ່ງແຟຊັນ ທີ່ຈະຂາຍທາງ fashionvalet.com; Travel3Sixty ຊຶ່ງເປັນວາລະສານແຟຊັນ ທີ່ປະກອບມີ 6 ໜ້າ ສໍາລັບຖ້ຽວບິນຂອງແອເອເຊຍ; ການເດີນທາງນໍາແອເອເຊຍ ແລະ ຄໍາປຶກສາແນະນໍາຈາກ KLFW RTW, ລວມທັງຊ່ອງເພື່ອວາງສະແດງຜົນງານທັງໝົດຂອງພວກເຂົາ ໃນໄລຍະKL Fashion Week RTW 2018.



ຄະນະກໍາມະການຄັດເລືອກໃນປີນີ້ ປະກອບດ້ວຍ: ທ່ານ Andrew Tan ຜູ້ສ້າງຕັ້ງ KL Fashion Week; ທ່ານ ເທບ ນີຣະນາດພູຣີ ຜູ້ຈັດການອະວຸໂສ ຝ່າຍຜະລິດຕະພັນ ຂົງເຂດອິນໂດຈີນ ຂອງແອເອເຊຍ; ທ່ານ Tan Hooi Min ຫົວໜ້າຝ່າຍຊື້ FashionValet; ລວມທັງທ່ານນາງປານີ ໄຊຍະວົງ ຜູ້ບໍລິຫານສູງສຸດ/ຜູ້ອໍານວຍການ ວາລະສານ Society Lifestyle Magazine; ທ່ານ ບັນດິດ ລາດຊາວົງ ຜູ້ອອກແບບແຟຊັນຂອງ Men Folder. ຄະນະກໍາມະການມີຄວາມປະທັບໃຈໃນຄຸນນະພາບຂອງການເຂົ້າຮ່ວມ ທີ່ສະແດງອອກໂດຍຜູ້ເຂົ້າຮ່ວມທັງໝົດທີ່ມີຄວາມມຸ້ງໝັ້ນໃນປະເພນີອາຊຽນ.

AirAsia ເປັນຄູ່ຮ່ວມຫຼັກດ້ານການບໍລິການ ການເດີນທາງຂອງKLFW RTW’s 2017 ແລະ ຈະໃຫ້ບໍລິການການເດີນທາງແກ່ບັນດາຜູ້ອອກແບບແຟຊັນ ຈາກເຄືອຂ່າຍເສັ້ນທາງຂອງແອເອເຊຍ ແລະ AirAsia X Group ລວມທັງ ອິນເດຍ, ຍີ່ປຸ່ນ, ຈີນ, ສ. ເກົາຫຼີ ແລະ ອົດສະຕຣາລີ ເພື່ອເຂົ້າຮ່ວມການວາງແດງຜົນງານໃໝ່ຫຼ້າສຸດຂອງພວກເຂົາຢູ່ງານວາງສະແດງKLFW RTW.

ໃຫ້ຕິດຕາມຊ່ອງ Youtube ຂອງ AirAsia (youtube.com/user/AirAsia) ສໍາລັບລາຍລະອຽດຂອງການເດີນທາງຂອງຜູ້ເຂົ້າຮ່ວມທັງໝົດໃນງານAirAsia Runway Ready Designer Search 2017ໃນທົ່ວອາຊຽນ ຫຼື ຕິດຕາມ hastag #AirAsiaRunway ໃນຊ່ອງສື່ທາງສັງຄົມອື່ນໆ ເຊັ່ນ: ເຟສບຸກ (facebook.com/AirAsia) ແລະ Twitter (twitter.com/AirAsia).

--------------------------------
ກ່ຽວກັບ ກຸ່ມບໍລິສັດ ແອເອເຊຍ (AirAsia Group)

ແອເອເຊຍ (AirAsia) ເປັນບໍລິສັດຂົນສົ່ງລາຄາປະຢັດ ທີ່ນໍາໜ້າ ແລະ ໃຫຍ່ທີ່ສຸດໃນອາຊີ ໃນດ້ານຈໍານວນຜູ້ໂດຍສານ, ໃຫ້ການບໍລິການໃນເຄືອຂ່າຍທີ່ກວ້າງຂວາງ ກວມຫຼາຍກວ່າ 120 ປາຍທາງ. ນັບແຕ່ເລີ່ມຕົ້ນດໍາເນີນກິດຈະການໃນປີ 2001 ເປັນຕົ້ນມາ, ແອເອເຊຍ ໄດ້ຂົນສົ່ງຜູ້ໂດຍສານ ຫຼາຍກວ່າ 330 ລ້ານຄົນ ແລະ ໄດ້ເພີ່ມຈໍານວນເຮືອບິນຈາກພຽງແຕ່ 2 ລໍາ ເປັນ 200 ກວ່າລໍາ. ສາຍການບິນນີ້ມີຄວາມພູມໃຈທີ່ໄດ້ກາຍເປັນສາຍການບິນຂອງອາຊຽນ (ສະມາຄົມ ປະຊາຊາດ ອາຊີຕາເວັນອອກສ່ຽງ ໃຕ້) ຢ່າງແທ້ຈິງ ທີ່ມີກິດຈະການຕັ້ງຢູ່ ມາເລເຊຍ, ອິນໂດນີເຊຍ, ໄທ ແລະ ຟີລິບປີນ ລວມທັງອິນເດຍ ແລະ ຍີ່ປຸ່ນ, ມີເຄື່ອຂ່າຍບໍລິການ ກວມເອົາທົ່ວອາຊີ, ອົດສະຕຣາລິ, ນິວຊີແລນ ແລະ ຕາເວັນອອກກາງ.ແອເອເຊຍ ໄດ້ຖືກຄັດເລືອກເປັນສາຍການບິນລາຄາປະຢັດທີ່ດີທີ່ສຸດຂອງໂລກ(World’s Best Low-Cost Airline) 8 ຄັ້ງຕິດຕໍ່ກັນ ແຕ່ປີ 2009 ເຖິງ 2016 ຈາກງານມອບລາງວັນປະຈໍາປີ Skytrax World Airline Awards. ນອກຈາກນັ້ນ, ແອເອເຊຍ ກໍໄດ້ຮັບລາງວັນສາຍການບິນລາຄາປະຢັດທີ່ນໍາໜ້າ ຂອງໂລກ (World’s Leading Low-Cost Airline) ຕິດຕໍ່ກັນເປັນຄັ້ງທີສີ່ ໃນງານມອບລາງວັນWorld Travel Awards ປີ 2016, ແລະ ແອເອເຊຍໄດ້ເອົາຊະນະສາຍການບິນອື່ນໆໃນດ້ານການບໍລິການ ເພື່ອກາຍເປັນສາຍການບິນລາຄາຕໍ່າທໍາອິດ ທີ່ໄດ້ຮັບລາງວັນການບໍລິການໃນເຄື່ອງບິນທີ່ນໍາໜ້າຂອງໂລກ (World’s Leading Inflight Service).

________
ປະກາດ ຮ່ວມສ້າງຄວາມສຸກສູ່ສັງຄົມລາວ




ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.