ຂ່າວເດັ່ນ

ປະຫວັດຄວາມເປັນມາ 2123 ປີຂອງພຣະບາງພຸດທະລາວັນ (ພສ 436-2559)


ປະຫວັດຄວາມເປັນມາ 2123 ປີຂອງພຣະບາງພຸດທະລາວັນ (ພສ 436-2559)

ພຣະບາງພຸດທະລາວັນໄດ້ສ້າງຂື້ນໃນປີ ພສ 426 ທີ່ປະເທດ ສີລັງກາ, ມີຄວາມສູງ 94 ຊັງຕີແມດ ແລະ ນໍ້າໜັກ 67,6 ກິໂລກຼາມ, ພາຍໃຕ້ການນໍາພາຂອງ ພຣະຈູຣະນາຄະເຖຣະ ທີ່ໄດ້ອະຣາທະນາອັງເຊີນ ພຣະສາຣີກະທາດ 05 ພະອົງຂອງສົມເດັດພຣະສຳມາສຳພຸດທະເຈົ້າ ເຂົ້າປະດິດສະຖານໄວ້ພາຍໃນອົງພຣະບາງພຸດທະລາວັນ ຫຼື ພຣະປາງຫ້າມຍາດ, ຊື່ງໄດ້ມີປະຫວັດການເຄື່ອນຍ້າຍ ລາຍລະອຽດດັ່ງນີ້:

Image may contain: one or more people and outdoor
Credited: Chaiwat Kopolrat

(1) ພສ 436-1400 ໄດ້ປະດິດສະຖານໄວ້ຢູ່ຖີ່ນກຳເນີດ ປະເທດ ສີລັງກາ ເປັນເວລາຍາວນານເຖີງ 963 ປີ,

(2) ພສ 1400-1902 ເຈົ້າສຸປິນນະຣາດ ແຫ່ງປະເທດສີລັງກາ ໄດ້ມອບພຣະບາງພຸດທະລາວັນ ໃຫ້ແກ່ເຈົ້າແຜ່ນດິນກຳພູຊາ ແລະ ປະດິດສະຖານໄວ້ທີ່ ນະຄອນອິນທະປັດ ເປັນເວລາຍາວນານເຖີງ 520 ປີ,

(3) ພສ 1902-2322 ພຣະເຈົ້າໃຊວໍຣະມັນ ປະຣະເມສວນ (ພຣະຍາສິຣິຈຸນທະຣາດ) ໄດ້ມອບພຣະບາງພຸດທະລາວັນ ເປັນຂອງຂວັນໃຫ້ແກ່ ເຈົ້າຟ້າງູ່ມ ທີ່ເປັນຣາຊະບຸດເຂີຍ ເພື່ອນຳມາເຜີນແຜ່ສາສະນາພຸດ ທີ່ອານາຈັກລາວລ້ານຊ້າງ ແລະ ພຣະບາງໄດ້ມີການອັງເຊີນປະດິດສະຖານ ເຄື່ອນຍ້າຍພາຍໃນ ອານາຈັກລາວລ້ານຊ້າງໄລຍະຈະເລີນຮູ່ງເຮືອງ ເປັນເວລາເບື້ອງຕົ້ນຍາວນານເຖີງ 421 ປີ ລາຍລະອຽດດັ່ງນີ້:


Image may contain: one or more people and indoor

(ກ) ພສ 1902-2045 ພຣະບາງໄດ້ປະດິດສະຖານຢູ່ເມືອງ ວຽງຄຳ 143 ປີ,
(ຂ) ພສ 2045-2047 ພຣະບາງໄດ້ປະດິດສະຖານຢູ່ ວັດມະໂນລົມ 02 ປີ,
(ຄ) ພສ 2047-2248 ໄດ້ອັງເຊີນພຣະບາງພຸດທະລາວັນ ປະດິດສະຖານ ມາໄວ້ຢູ່ວັດວິຊູນມະຫາວິຫານ ເມືອງຊຽງທອງ (ເມືອງຫຼວງພະບາງ) ເປັນເວລານານເຖີງ 201 ປີ ແລະ
(ງ) ພສ 2248-2322 ໄດ້ອັງເຊີນພຣະບາງລົງມາປະອິດສະຖານໄວ້ ຢູ່ວັດອິນແປງມະຫາວິຫານ (ວັດປ່າສັກຫຼວງ) ນະຄອນຫຼວງວຽງຈັນ ເປັນເວລາ 74 ປີ,



(4) ພສ 2322-2326 ສັກດີນາສະຫຍາມໄດ້ມາຕີ ນະຄອນຫຼວງວຽງຈັນ ໄດ້ອັງເຊີນພຣະບາງພຸດທະລາວັນ ພຣະແກ້ວມໍຣະກົດ ແລະ ພຣະແຊກຄຳ ໄປປະດິດສະຖານຢູ່ກຸງເທບມະຫານະຄອນ, ຊື່ງພຣະແກ້ວມໍຣະກົດ ແລະ ພຣະແຊກຄຳ ແມ່ນບໍໄດ່ກັບມາຄືນນັບຕັ້ງແຕ່ກາລະບັດນັ້ນເປັນຕົ້ນມາ ແລະ ພວກມັນໄດ້ສົ່ງພຽງແຕ່ພຣະບາງຄືນພາຍຫຼັງເວລາເວລາ 04 ປີ,

(5) ພສ 2326-2371 ພຣະບາງພຸດທະລາວັນໄດ້ກັບມາປະດິດສະຖານຢູ່ ນະຄອນຫຼວງວຽງຈັນ ເປັນເວລາ 45 ປີ,

No automatic alt text available.

(6) ພສ 2371-2409 ສັກດີນາສະຫຍາມໄດ້ມາຈູດເຜົາທຳລາຍ ນະຄອນຫຼວງວຽງຈັນ ແລະ ນຳເອົາພຣະບາງພຸດທະລາວັນໄປອີກຮອບທີສອງ ເປັນເວລາ 38 ປີ,
(7) ພສ 2409-2429 ພຣະບາງພຸດທະລາວັນໄດ້ກັບມາ ແລະ ອັງເຊີນຂື້ນເມືອປະດິດສະຖານໄວ້ຢູ່ ວັດວິຊຸນມະຫາວິຫານ ເມືອງຫຼວງພຣະບາງ ເປັນເວລາ 20 ປີ,

{8) ພສ 2409-2556 ພຣະບາງພຸດທະລາວັນໄດ້ອັງເຊີນໄປ ປະດິດສະຖານຢູ່ ວັດໃໝ່ສຸວັນນະພູມາຣາມ ຫໍຄຳພະຣາຊະວັງຫຼວງ ແລະ ທ້ອງພະຄັງຫຼວງ ເປັນເວລານານເຖີງ 147 ປີ, ແລະ



(9) ວັນເສົາ 14 ເດືອນທັນວາ ຄສ 2013 / ພສ 2556 ໄດ້ມີພິທີອັງເຊີນພຣະບາງພຸດທະລາວັນ ພຣະພຸດທະຮູບອົງສັກສິດ ຂອງຄໍ້າຂອງຄູນບ້ານຄູນເມືອງລາວ ແລະ ຖືເປັນມູນມໍຣະດົກອັນລໍ້າຄ່າຂອງປະເທດຊາດ ຂື້ນໄປປະດິດສະຖານຢູ່ຫໍພຣະບາງແຫ່ງໃໝ່ຢ່າງສົມພຣະກຽດ ແລະ ເປັນຄວາມພູມໃຈຂອງປວງຊົນລາວທັງຊາດ ນະເມືອງມໍຣະດົກໂລກ ຫຼວງພະບາງ ສປປລາວ.

Image may contain: one or more people

ພຣະບາງ ອົງພຣະປຖົມຮູປທາງພຸທທສິລປ໌ ທີ່ຖືກອັງເຊີນເຂົ້າມາສູ່ດິນແດນລ້ານຊ້າງຢ່າງຊອບທັມ ນັບແຕ່ຣັຊສມັຍພຣະເຈົ້າຟ້າງຸ່ມມຫາຣາຊ, ຈະຊົງເປັນສູລຍ໌ຣວມຈິຕໃຈຂອງຊາວລາວລ້ານຊ້າງທັງຜອງ ບໍ່ວ່າຈະຢູ່ແຫ່ງໃດຫົນໃດຂອງຊີກໂລກນີ້, ຂ້ານ້ອຍ ຂໍນ້ອມວອນທຸກທ່ານ ໄດ້ຮ່ວມກັນພນົມມືຂາບພຣະບາງ ພ້ອມວ່າຄາຖາຕາມດັ່ງນີ້ແລ:

ນະໂມຕັສສະ ພະຄະວະໂຕ ອະຣະຫະໂຕ ສັມມາ ສັມພຸທທັສສະ (3 ຄັ້ງ)
ນະມາມິ ສິຣະສາມັຍຫັງ ພຸທທະຣູປປັງ ມະໂນຣັມມັງ ລັງກາທິປາຄະຕັນເຍຕັງ ນະຣະເທວາພິປູຊິຕັງ ໂຍໂສ ສັງຄະ ຫະມາຣັພພິຍາຕະເກສຸ ປາຊາສຸຈະອິທທິມັນຕັງ ມະຫາເຕຊັງ ອະຫັງວັນທາມິ ສັພພະທາ.

ຂໍພຣະເດຊພຣະຄຸນພຣະບາງພຸທທລາວັລຍ໌ປຕິມາກຣ ໄດ້ບັນດົລຮັກສົມຮັກສາທຸກທ່ານຜູ່ສັທຣາຂາບໄຫວ້ ແລະ ຮັກສາເຂຕນ້ຳແດນພຣະສຸທຣາລ້ານຊ້າງລາວ ໃຫ້ຢູ່ຄູ່ຍຸຄຄູ່ສມັຍພົພ ຍືນຍົງຕລອດຈັກວາລສລາຍແດ່ກໍ່ຂ້າເຖີ້ນ.

Image may contain: one or more people

Image may contain: one or more people and outdoor

No automatic alt text available.

No automatic alt text available.



________
ປະກາດ ຮ່ວມສ້າງຄວາມສຸກສູ່ສັງຄົມລາວ




ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.