ຂ່າວເດັ່ນ

ເຈັບແກ້ງຄ້າຢາພ້ອມຂອງກາງເຮໂຣອິນ 100 ແທ່ງ!



ປກສ: ເຈົ້າໜ້າທີ່ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ກົມໃຫຍ່ ຕຳຫຼວດກະຊວງ ປກສ ໄດ້ນໍາກໍາລັງເຂົ້າກັກຕົວກຸ່ມຄ້າຂາຍເຮໂຣອິນ ລາຍໃຫຍ່ໄດ້ 3 ຄົນ ພ້ອມຂອງກາງເກືອບ 100 ແທງ ໃນຄະນະທີ່ພວກກ່ຽວ ກໍາລັງນັດສົ່ງໃຫ້ກັນຢູ່ເຂດບ້ານຫົວຊຽງ ເມືອງໄຊທານີ ນະຄອນຫຼວວຽງຈັນ ໃນວັນທີ່ 4 ເມສາ 2017.

ເຈົ້າໜ້າທີ່ເປີດເຜີຍວ່າ: ມີກຸ່ມຄ້າຂາຍເຮໂຣອິນລາຍໃຫຍ່ກໍາລັງເຄື່ອນ ໄຫວລັກລອບນັດຊື້-ຂາຍໃຫ້ກັນຢູ່ເຂດບ້ານຫົວຊຽງ ເມືອງໄຊທານີ ນະຄອນ ຫຼວງວຽງຈັນ ຈຶ່ງໄດ້ແຕ່ງຕັ້ງພະນັກງານວິຊາສະເພາະຕິດຕາມໄປພິສູດ ແຫຼ່ງຂ່າວ. ຜ່ານການຕິດຕາມກວດກາເຫັນວ່າມີມູນຄວາມຈິງແທ້. ຮອດ ໃນເວລາ 13:00 ໂມງ ຂອງວັນທີ່ 4 ເມສາ 2017 ຈຶ່ງໄດ້ວາງແຜນຈັບຕົວ ພວກກ່ຽວໄດ້ 3 ຄົນ ພ້ອມຂອງກາງຢາເຮໂຣອິນ ຈໍານວນ 97 ແທ່ງ, ນ້ຳ ໜັກ 40 ກິໂລກຼາມ, ພ້ອມດ້ວຍລົດໃຫຍ່ 2 ຄັນ, ໂທລະສັບ 4 ໜ່ວຍ. ໃນ ນັ້ນ, ມີ ທ້າວ ສາລີ ອາຍຸ 29 ປີ ແລະ ທ້າວ ປໍລີ ອາຍຸ 20 ປີ ທັງສອງຢູ່ບ້ານ ໄຊຈະເລີນ ເມືອງຫ້ວຍຊາຍ ແຂວງບໍ່ແກ້ວ ແລະ ທ້າວ ຮື ຢາງ ອາຍຸ 23 ປີ ຢູ່ບ້ານໜອງສອງຫ້ອງ ເມືອງໄຊທານີ ນະຄອນຫຼວງວຽງຈັນ.

ປັດຈຸບັນ, ເຈົ້າໜ້າທີ່ໄດ້ເລັ່ງສືບຫາຂະບວນການທີ່ພົວພັນການຄ້າ-ຂາຍ ຢາເສບຕິດດັ່ງກ່າວ ແລະ ດຳເນີນຄະດີກັບກຸ່ມ 3 ຄົນທີ່ກັກຕົວໄດ້ແລ້ວນັ້ນ ຕາມກົດໝາຍ.

ແຫຼ່ງຂ່າວ: ໜັງສືພິມ ຄວາມສະຫງົບ
________
ປະກາດ ຮ່ວມສ້າງຄວາມສຸກສູ່ສັງຄົມລາວ




ແບ່ງປັນເລື່ອງນີ້:

Post a Comment


ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ ສາມາດສົ່ງໄປທາງຂໍ້ຄວາມດ້ານລຸ່ມ



ພິເສດ: ເປັນກໍາລັງໃຈໃຫ້ທີມງານພວກເຮົາ ຢ່າລືມແບ່ງປັນ ແລະ ປະກອບຄໍາຄິດເຫັນດ້ວຍ

 
Copyright © ປະກາດ Pakaad.